Chan 4:53 - Chahta Holisso Holitopa 1886

⁵³ Yohmi ma i̱ki ash ot, Chisʋs ʋt, Chiso hʋt okcha̱ya hoke, im achi tuk hʋshi kanʋlli ʋlhpisa ʋt yʋmmak fehna akinli tuk a̱ ithana tok; micha ilapo fehna, mikmʋt in chuka chʋfa yʋt a momʋt yimmi tok.

Chan 4:53 Iomraidhean Croise

Atʋloa 107:20

Yohmi kʋt hlʋkuffechi cha, aiokpulokʋt taha chi̱ tuk a̱ a kohcha chi̱ hosh im ʋnnumpa ha̱ i̱ pila hoke.

Atʋloa 33:9

Yʋmmak osh mihah ma̱, tuba tok oka̱: yʋmmak osh im ʋpesah ma̱, ʋlhtahʋt tʋllaya tok oke.

Mahlu 8:13

Mihmʋt Chisʋs ʋt sintuliyʋn ash o̱, Ish iashke: yohmikma isht a chi yimmi hatuk oka, mih mak osh a chi̱ yʋmohmashke, im achi tok. Mihma in tishu hatuk ʋt hʋshi kanʋlli ʋlhpisa mih mak inli ho̱ hlakofi tok.

ʋBanumpa Luk Ʋt Holissochi Tok 19:9

Mihma Chisʋs ash ot, Ilʋppak kia Eblaham ushi akinli hatuk oka, himak nitak a̱ ai‐okcha̱ya yʋt chuka ilʋppa ʋlʋshke.

Chan 4:51

Atuk osh ia hosh a̱ya ma, nan isht im a̱sha ʋhleha hʋt afama cha, Chiso hʋt okcha̱yʋshke; achit im anoli tok.

Chan 4:52

Mihma hʋshi kanʋlli ʋlhpisa yʋt kaniohmi kak o̱ pit nuktanlʋt isht ia tuk a̱ im a ponaklo tok. Mihma, Pilashash hʋshi kanʋlli ʋlhpisa ont isht untuklo kak o̱ yʋnha hʋt shipa tuk, im achi tok.

Apostel isht Anumpa 11:14

Yʋmmak osh anumpa, chishno, micha chin chuka achʋfa moma aienʋt isht hʋchi okcha̱ya hi a̱, chim anola hi oke, im achi tuk a̱, pim anoli tuk oke.

Apostel isht Anumpa 16:15

Micha ilap ʋt in chuka chʋfa aienʋt baptismo mʋt, asilhhʋchit, Ʋno ʋt Chitokaka ya̱ pit im ai a̱hli li ka hʋchim ahobakmʋt, an chuka ya̱ ont hʋsh chukowa cha hʋsh a̱shwashke; ahanchi mʋt, pi atu̱shpalechi tok.

Apostel isht Anumpa 16:34

Micha pehlichit im aboha ya̱ ishit chukowa mʋt, ilhpak a̱ itikba in talohli mʋt, in chuka chʋfa ya̱ a moyumʋt Chihowa ya̱ yimmit na yukpa tok.

Apostel isht Anumpa 18:8

Mihma Kispʋs sinakak apehlichika yʋt in chukachʋfa moma ai itʋpehʋt, Chitokaka ya̱ i̱ yimmi tok. Mihma Kolinhla okla hʋt haklo mʋt, laua hosh yimmi cha baptismo tok.

Apostel isht Anumpa 2:39

Anumpa hʋt hʋchishno, micha chim ʋlla puta aiena, micha auet hopaki pilla aiasha ka moma, peh laua kʋt kaniohmi ho̱ Chitokaka hʋpin Chihowa yʋt pit hoya hi a̱, im a̱ya hoka; im ahanchi tok oke.