Chan 4:5 - Chahta Holisso Holitopa 1886

⁵ Atuk osh Chekob ʋt ushi Chosef a̱ osapa ima tok talaia ka bili̱ka, Samalia yakni tʋmaha Saika hohchifo ho̱, ʋla tok.

Chan 4:5 Iomraidhean Croise

Genesis 33:19

Micha im ʋlhtipo a̱ a hilechi tuk ʋt Shekem i̱ki Hamo ya̱ im ʋlla ʋhleha ha̱ tʋli hʋta tushahli tahlepa achʋfa ho̱ osapa kashapa yo̱ chumpa tok.

Genesis 48:22

Micha kʋshkoa achʋfa chitibapishi ʋhleha ha̱ i̱ shahlichit, yʋmma a̱ bʋshpo falaia, micha ʋm ititanampo ak o̱ Amolait hatak ibbak a̱ a kohchit isht im ishi li tok ʋt chima lishke, im achi tok.

1 Mi̱ko 13:32

Chihowa im anumpa ho̱ Belhel a̱ alta hikia ka i̱ sanalit, micha Samalia ya̱ achahaka puta chuka hiohma̱ya ka i̱ sanalit chitolit anumpohonli tuk ʋt, ont ai a̱hli pulla chi̱ hoke, achi tok.

ʋBanumpa Luk Ʋt Holissochi Tok 9:52

Mihmʋt nan ont im atahla chi̱ ho, anumpa shali ʋhleha ha̱ tikba pit tihleli tok: yohmi na okla iʋt Samalitan okla in tʋmahushi o̱ ont chukowa tok.

Chan 4:12

Chishno ak osh pi̱ki Chekob ʋt ilapo inli, micha im ʋlla ʋhleha, mikmʋt i̱ wak aienʋt ai ishko yatuk ʋt kʋli ha̱ pima tok a̱ ish imaiya hotuma! im achi tok.

Chan 4:39

Mihma ohoyo hʋt nana ʋlhtokowa ka anolit, Nana ho̱ a kaniohmi li tok a̱ mominchit ʋm anolishke, achi ka Samalia okla tʋmaha a̱sha tuk ʋt lauʋt yʋmmak ash isht ai i̱ yimmi tok.

Chan 4:6

Yohmi ma Chekob i̱ kʋli hʋt yʋmma hiki̱a tok; yohmi hatuk o̱ Chisʋs ʋt nowʋt a̱yʋt hoyʋbli mʋt, hʋshi kanʋlli isht ʋlhpisa ont hannali foka hatuk o̱, kʋli yʋmmak ash yakohmit a bininli tok.

Chan 4:8

Nan im ai ithʋna ʋhleha hamo ilimpa chumpʋt tʋmaha ilhkoli tuk a tok.

Choshua 24:32

Mihma Chosef foni Islael im ʋlla ʋhleha hʋt Echip a̱ kohchit isht ʋla tok ʋt Chekob ʋt tʋli hʋta tushahli tahlepa achʋfa ho̱ Shechem i̱ki Hamo ushi ʋhleha ha̱ isht in chumpa tok yakni talaia ho̱ Shechem ak o̱ a hohpi tok: mihma Chosef im ʋlla ʋhleha ha i̱ yakni toba tok oke.