Chan 4:25 - Chahta Holisso Holitopa 1886

²⁵ Ohoyo hash ot, Messias, Klaist hohchifo kʋt, ʋla hi a̱ ithana lishke, yʋmmʋt ʋla hok mak osh, nana moma ka pim anola hi oke, im achi tok.

Chan 4:25 Iomraidhean Croise

Mahlu 1:16

Atuk o̱ Chekob ʋt Meli, yʋmmak o̱ Chisʋs ʋt a tobʋt ʋtta tuk osh Klaist hohchifo ka, i̱ hatak Chosef a̱ tobachi tok.

Mahlu 27:17

Yohmi hatuk o̱ Pailat ash osh yʋmma okla isht ik i̱ yukpo kak osh ishit okla ha̱ im issa hatuk a̱, ithana hatuk osh, okla itʋnahʋt taiyaha ma, Kʋta mak o̱ hʋchimi̱ hotofi la he a̱ hʋsh aiahni cho? Balabas ak okmá, keyukmʋt, Chisʋs osh Klaist hohchifo kak okmá, katimampo kak a chi̱ cho? im achi tok.

Mahlu 27:22

Pailat ash osh, Yohmikmʋt Chisʋs osh Klaist hohchifo kʋno, nanta hak o̱ katimihchi la hinla cho? im achi ma, Iti‐taiyukhʋna yak o̱ ahonʋhlʋt illashke, momʋt okla achi tok.

ʋBanumpa Luk Ʋt Holissochi Tok 2:11

Himak nitak a̱ nan‐okchalinchi, yʋmmʋt Klaist Chitokaka mak osh Lewi in tʋmaha ha̱ a hʋchim ai ʋttʋshke.

Chan 1:49

Mihma Nahlanael ash ot afalaminchi mʋt, Labbai ma! chishno ak osh Chihowa Ushi chiʋshke; chishno ak osh Islael okla i̱ mi̱ko chiʋshke, im achi tok.

Chan 4:29

Yakeh! hatak ʋt nana ho̱ a kaniohmi li tok a̱ mominchit ʋm anoli ka ant ho pesá, ilʋppʋt Klaist mak o̱ keyu ho̱? achi tok.

Chan 4:39

Mihma ohoyo hʋt nana ʋlhtokowa ka anolit, Nana ho̱ a kaniohmi li tok a̱ mominchit ʋm anolishke, achi ka Samalia okla tʋmaha a̱sha tuk ʋt lauʋt yʋmmak ash isht ai i̱ yimmi tok.

Chan 4:42

Mihmʋt ohoyo hash o̱, Himak ano pi yimmishke, chishno ak osh nan ish anoli kak o̱ keyu; pishno akinli hosh il ai i̱ haponaklo cha, ilʋppak osh Klaist, yakni okchalinchi mak atuk pulla ka il akostininchishke, im achi tok.