Chan 4:11 - Chahta Holisso Holitopa 1886

¹¹ Mihma ohoyo hash ot, A̱ shahli ma! isht ish ocha hi ʋt nana kia ik chim iksho ho̱, anonti kʋli hʋt hofobishke; yohmi ka katimak o̱ oka okcha̱ya yʋmma ish ai ishi hosh?

Chan 4:11 Iomraidhean Croise

Chan 3:4

Nikotemʋs ash ot, Hatak ʋt sipoknit taiyaha kʋt katiohmi kak osh ʋtta hinla ho̱? atukla ma ishki im oshʋto ya̱ pit chukowa cha, ʋtta hinla ho̱? im achi tok.

Chan 4:14

Amba kʋna hosh oka ya̱ ipeta la chi̱ yʋmmak o̱ ishko hokʋto, nitak nana itukshila he keyu; amba ʋno ak osh oka ya̱ ipeta la chi̱ hokʋno, yʋmmak atuk ma a foyukʋt tobohonli na nitak bília hi oke im achi tok.

Chan 7:37

Nitak ont ishtaiyopi na holitoblit ai‐impa nitak chinto yʋmmak fehna Chisʋs ʋt hikia cha, tahpahanla mʋt, Hatak nana hosh itukshila hokmʋt, ʋno ak o̱ ʋm ai ʋlʋt ik ishkó.

Apostel isht Anumpa 10:14

Yohmi kia Pita ashot, Yohma he keyushke, Chitokaka ma! nana kʋt ai ʋlhpesa keyu, kashofa keyu hokʋno himonna kia, ʋpa li chatuk keyu hokʋt; achi tok.

1 Kolinhlian 2:14

Hatak chu̱kʋsh ik kashofo hokʋto Chihowa imi Shilombish nana im a kaniohmi puta ka ik ithano yoke; yʋmmak okʋt ilap a nana ik ahobo hokʋt: mikmʋt ithana he keyu, yʋmmak ash o̱ Shilombish osh abʋchi hoka.

Nan Otʋni 21:6

Atuk osh yʋmmak ash ot, Ʋlhtaiyahʋshke; Alfa, micha Omeka, ai isht ia ʋmmona, micha ont ai ʋhli sia hosh, kʋna hosh itukshila hokma, oka ai okcha̱ya kʋli hak o̱ pilla ai ima la chi̱ mak oke.

Nan Otʋni 22:1

Anonti ai okcha̱ya okhina kashofa achukma, shohkoali klistal ak o̱ chiyuhmi hosh Chihowa, micha Chukfʋlhpobushi ita tuklo im ai o̱ binili holitompa ak o̱ akohoncha mak o̱, yʋmmak ash ot a̱ haiakʋchi tok.

Nan Otʋni 22:17

Yohmi ma Shilombish Holitopa, micha Klaist himona nan im auwaya ita tuklo kash ot, Mintí, achishke. Yohmi ka kʋna hosh haiyaklokmʋt, mihi yosh, Mintí, ik achí. Mikma kʋna hosh itukshila hokmʋt, mihi yosh ik mintí. Yohmi ka kʋna hoh kia bʋnnakmʋt, mihi yosh pilla oka ai okcha̱ya ya̱ ik eshí.

Nan Otʋni 7:17

Chukfʋlhpobushi ai o̱ binili holitompa iklʋnna binili yʋmmak osh impʋchit, pehlichit oka kʋli okcha̱ya hiohli puta ka isht oho̱na he: yohmikma Chihowa ak osh nishkin okchi puta ma mominchit i̱ kasholichit tahla he mak oke, ʋm achi tok.