Chan 4:10 - Chahta Holisso Holitopa 1886

¹⁰ Chisʋs ash ot afalaminchi mʋt, Chihowa i̱ na‐hʋlbena ha̱, micha kʋna hosh, Sʋpeta na ak ishkó; chim achi aiena ka ish ithana hatuk okmʋt, ilapo ak o̱ ish im asilhha na yʋmmak okʋt oka okcha̱ya yo̱ chipeta he tuk oke, im achi tok.

Chan 4:10 Iomraidhean Croise

Atʋloa 10:17

Chu̱kʋsh akka̱losi nan aiyahni ya̱ ish haiyakloh pulla hoke, Chihowa ma; chu̱kʋsh a̱ ish hlampkuchashke.

Atʋloa 46:4

Okhina yʋt bʋcchayʋshke; yʋmma̱ ayʋnʋlli putta ka̱ oka yʋt a yʋnʋlli hosh Chaha i̱ Shahli ʋt ai a̱ha̱tta hulittopa, Chitokaka i̱ tʋmahah chito ya̱ yokpali hoke.

Eksotʋs 17:6

Yakeh, yʋmma chitikba Holeb a̱ tʋli chito paknaka hikia la chi̱ hoke, mihma tʋli ya̱ ish issa chi̱ hoke, mikma oka yʋt tʋli ya̱ a kohcha na, okla hʋt oka ishka chi̱ hoke, im achi tok. Mihma Islael im asʋnonchi ʋhleha hʋt pi̱sa ho̱ Moses ʋt yʋmihchi tok.

ʋBanumpa Luk Ʋt Holissochi Tok 11:13

Yʋmohmi ka hʋchishno ʋt hʋchi ai ʋlhpesa keyu kia, hʋchim ʋlla ya̱ nana achukma puta ka isht ima hokʋto hʋchimponna ka, hʋch I̱ki ʋba binili kʋt i̱ shaiyahlit, kʋna hosh im asilhhakma, Shilombish Holitopa ya̱ ima hinla keyu cho? im achi tok.

Chan 16:3

Yohmi kʋt A̱ki, mikmʋt ʋno il ita‐tuklo ka ik pithano hatuk mak osh, ilʋppa puta ka hʋchi̱ yʋmihcha hi oke.

Chan 17:3

Yohmi ka Chishno ak illa kak osh Chihowa a̱hli chia ka, micha Chisʋs Klaist auet ish kanchi tok ma okla ithaiyana he ak o̱ ilʋppak osh ai‐okcha̱yʋt bilia yoke.

Chan 3:16

Chihowa yʋt yakni a̱ i̱ hullo fehna kʋt, kʋna hosh yʋmma i̱ yimmikmʋt ik illo hosh, amba ai okcha̱yʋt bilia yo̱ pisa hi o̱, Ushi achʋfa illa holitopa ya̱ auet ima tok.

Chan 4:14

Amba kʋna hosh oka ya̱ ipeta la chi̱ yʋmmak o̱ ishko hokʋto, nitak nana itukshila he keyu; amba ʋno ak osh oka ya̱ ipeta la chi̱ hokʋno, yʋmmak atuk ma a foyukʋt tobohonli na nitak bília hi oke im achi tok.

Chan 6:35

Mihma Chisʋs ash ot, Ʋno ak osh ai‐okcha̱ya pʋska ya̱ sia mak oke: kʋna hosh ʋno ak o̱ ʋm ʋla hokʋt nitak nana hohchʋfa he keyu; micha kʋna hosh ʋno a̱ a̱ yimmi hokʋt nitak nana itukshila he keyu hoke.

Chan 6:51

Ʋno ak osh pʋska okcha̱ya ʋba minti tok a̱ sia mak oke; hatak nana hosh pʋska ilʋppa ʋpa hokmʋt, okcha̱ya na bilia he; yohmikma pʋska ipeta la he, yʋmmʋt ʋno sa nipi yakni ʋt ai okcha̱ya hi o̱, isht atobbi la chi̱ kak oke, im achi tok.

Apostel isht Anumpa 9:11

Mihma, Wakayʋt iʋt hina Apissa hohchifo ka ish ona cha, Chutʋs in chuka ya̱, Tasʋs hatak Sal hohchifo ka, ish aponaklashke; yʋmmak ash osh ʋba pit anumpohonli hoka.

Loman 8:32

Ilap Ushi fehna ka ik ilatombo hosh, amba pishno e moyuma hak atok pulla mak o̱ pim issa tok ʋt, katiohmi ho̱ yʋmma pima hatuk ʋt nan oklu̱ha ka anonti pilla pima ak inla he keyu ho̱?

1 Kolinhlian 1:30

Yohmi kia hʋchishno ʋto yʋmmak atuk mak o̱ Klaist Chisʋs a̱ hʋsh ibai achʋfa ka yʋmmak o̱ Chihowa pulla kak o̱ isht pi a hopoyuksa, micha isht pi ai ʋlhpiesa, micha isht pi a kashofa, micha isht pi ai ʋlbi yoke:

1 Kolinhlian 10:4

Mihmʋt nan ishko shilombish imma a miha chʋfa ho̱ momʋt ishko tok. Tʋli chito shilombish imma yʋmmak ash okla ai ishko tok a̱ yʋmmak ash ot iakaiya tok oka; yohmi ma Tʋli chito yʋmmʋt Klaist mak atok oke.

2 Kolinhlian 9:15

Chihowa nan isht i̱ kana yʋt anumpa ho̱ isht annoa he keyu hoka yak oke im ai ahni lishke.

Efeshan 2:8

Na yimmi kak osh isht i̱ kana pulla ho̱ hʋchi okcha̱ya hoke; yohmi kʋt ilʋppʋt hʋchishno na hʋsh ahni kak keyu, Chihowa na hʋch ima kak oke.

Heblu 6:4

Yohmi ka kʋna hosh himonna ha̱ im ʋlbʋchit, na‐hʋlbina ʋba yakni minti ka akostininchi, micha Shilombish Holitopa ya̱ ibai ishi tok okʋto,

1 Chan 5:20

Micha Chihowa Ushi ʋt ʋla cha, yʋmmak osh nan ai a̱hli ka mak atuk ash il akostinincha chi̱ ka, nan isht akostininchi a̱ pi anukfoki tuk a̱ iloh ithanʋshke; yohmi ho̱ pishno ʋt yʋmmak osh nan ai a̱hli ka mak atuk Ushi Chisʋs Klaist a̱ il ai ibai achʋfa hoke. Ilʋppak osh Chihowa ai a̱hli, micha ai okcha̱yʋt bilia mak oke.

Nan Otʋni 21:6

Atuk osh yʋmmak ash ot, Ʋlhtaiyahʋshke; Alfa, micha Omeka, ai isht ia ʋmmona, micha ont ai ʋhli sia hosh, kʋna hosh itukshila hokma, oka ai okcha̱ya kʋli hak o̱ pilla ai ima la chi̱ mak oke.

Nan Otʋni 22:17

Yohmi ma Shilombish Holitopa, micha Klaist himona nan im auwaya ita tuklo kash ot, Mintí, achishke. Yohmi ka kʋna hosh haiyaklokmʋt, mihi yosh, Mintí, ik achí. Mikma kʋna hosh itukshila hokmʋt, mihi yosh ik mintí. Yohmi ka kʋna hoh kia bʋnnakmʋt, mihi yosh pilla oka ai okcha̱ya ya̱ ik eshí.

Nan Otʋni 7:17

Chukfʋlhpobushi ai o̱ binili holitompa iklʋnna binili yʋmmak osh impʋchit, pehlichit oka kʋli okcha̱ya hiohli puta ka isht oho̱na he: yohmikma Chihowa ak osh nishkin okchi puta ma mominchit i̱ kasholichit tahla he mak oke, ʋm achi tok.