Chan 3:6 - Chahta Holisso Holitopa 1886

⁶ Nipi yo̱ a tobʋt ʋtta hokʋto, nipi yoke; mikma Shilombish o̱ a tobʋt ʋtta hokʋto, shilombish oke.

Chan 3:6 Iomraidhean Croise

Genesis 5:3

Atuk o̱ Alam ʋt okcha̱yʋt ahanta tok afʋmmi tahlepa achʋfa cha, pokoli tuchina mʋt, ʋlla nakni ilap chohmi, micha ilap holba ho̱ tobachi tok; micha hohchifo ha̱ Selh hochifo tok.

Genesis 6:12

Atuk o̱ Chitokaka yʋt yakni ya̱ et pisa tok, mihma yakeh! okpulo tok; nipi moma kʋt yakni paknaka ya̱ ai il aiokpʋnit tahli hatuk oka.

Genesis 6:5

Atuk o̱ hatak ʋt yakni paknaka ya̱ a haksi kʋt atampa fehna mʋt, chu̱kʋsh im anukfila nana isht ahni puta kʋt peh ik achukmo banot nitak bilia ho̱ Chitokaka yʋt pi̱hi̱sa tok.

Atʋloa 51:10

Chitokaka ma, chu̱kʋsh kʋshofa is sʋm ikbi cha, im anukfilah ʋpissali yo̱ himonʋchit is sʋ nukfohkashke.

Chan 1:13

Issish ak o̱ keyu, mikmʋt haknip nan ahni keyu, micha hatak osh nan ahni keyu ho̱, yʋmmak okʋt toba tok; amba Chihowa yak a tok.

Chan 3:7

Atuklanchit hʋsh ʋtta pullashke, chim achi li tuk a̱, okokko! chik ahno kashke.

Loman 7:18

Yohmi ka ʋno ya̱ sa foyuka, yʋmmʋt sa haknip anu̱kaka ya̱ nana achukma kʋt iiksho ka ithaiyana lishke: yohmi kʋt nana achukma ai ahni hokʋto si anukfoyuka; yohmi kia nana achukma yʋmma yʋmihinchi la he ak osh ak ahayuchoshke.

Loman 7:25

Pin Chitokaka Chisʋs Klaist atuk pulla kak o̱ Chihowa ya̱ yak oke pit im ai ahni lishke. Yakohmi hoka ʋm anukfila hokʋno Chihowa i̱ nan ʋlhpisa yoka isht holitobli li; amba sa haknip okʋno ai ashʋchika nan ai ahni kak o̱ isht i̱ yuka sia hoke.

Loman 7:5

Yohmi ka haknip ak o̱ i̱ nutaka hosh il ai asha mʋno, ai ashʋchika anukfila puta kʋt nan ʋlhpisa atuk pulla mak o̱ yʋmohmit, haknip moyuma ka a toksahanli hosh isht illi ya̱ ʋnit waha̱ya tok.

Loman 8:13

Yohmi ka haknip nan ai ahni kak o̱ hʋsh iakaiya hokmʋto, hʋch illa hi oke; amba Shilombish ak atuk pulla kak o̱ haknip nan a kaniohmi puta ka hʋsh illihinchi hokmʋto, hʋchi okcha̱ya hi oke.

1 Kolinhlian 6:17

Amba kʋna hosh Chitokaka ak o̱ ibafokkakmʋt, shilombish achʋfa hoke.

2 Kolinhlian 5:17

Yʋmohmi ka hatak nana hosh Klaist a̱ ibai achʋfa hokmʋt, mihi yosh nana toba himona yoke: na sipokni atuk ʋt ont ai ikshot kʋnia na, yakeh! nana puta kʋt himonʋt toba hoke.

Kaleshan 5:24

Yohmi ka kʋna hosh Klaist a̱ immi hokʋto haknip, micha haknip nan isht i̱ hullo, micha nan ai ahni okpulo ya̱ haknip ash aieninchit ititaiyukhʋna a takalichit illichi hoke.

Efeshan 2:3

Yohmi kak o̱ pishno ak kia cha̱shpo ma iba ta̱kla pi haknip im anukfila ik achukmo iakaiyʋt, haknip nan ai ahni, micha chu̱kʋsh nan ai ahni aiena ho̱ e yʋmohmi tuk oke; yohmi kʋt chu̱kʋsh okpulo ʋmmona il ishi tok moma kʋt im ai anukkilli pi onʋtonla kʋt, inla yak inli chohmi hoke.

Koloshan 2:11

Yʋmmak pulla ho̱ hʋchishno ak kia ibbak o̱ hakshup isht tʋpa keyu ho̱ hakshup isht hʋchin tʋpa tok: yʋmohmi hosh Klaist hakshup tʋpa pulla ho̱ haknip nan isht ashʋchi yash naksika hʋsh bohli tuk oke:

1 Chan 3:9

Kʋna hosh Chihowa ak o̱ isht a toba hokʋto ashahanchi chatuk keyu: yʋmma i̱ na nihi ʋt anukfoyuka hatuk o̱; micha yʋmmak okʋt Chihowa ak o̱ isht a toba hatuk okʋt, ashahancha he keyu hoke.