Chan 3:5 - Chahta Holisso Holitopa 1886

⁵ Chisʋs ʋt afalaminchi mʋt, A̱hlishke, a̱hli mak o̱ chim achilishke, Hatak ʋt oka, micha Shilombish ita‐tuklo kak o̱ isht ai ʋtta keyu hokʋto, Chihowa apehlichika ya̱ chukowa he keyu hoke.

Chan 3:5 Iomraidhean Croise

Mahlu 18:3

Mihmʋt, A̱hli ho̱ hʋchim achi lishke; Inlʋt toba cha, ʋlla chipunta yo̱ chiyuhmi ho̱ keyukmʋt, ʋba apehlichika ya̱ hʋsh chukowa he keyu hoke.

Mahlu 19:24

Mikma anonti, Kamel ʋt chofak ushi nishkin a̱ hlopulli ka palʋmmi kʋt, hatak nan in laua yosh Chihowa apehlichika pit chukowa hokʋno, ik lauwo ka he hʋchim achi lishke, achi tok.

Mahlu 21:31

Tuklo yʋmmʋt katimampo kak osh i̱ki nan aiahni tuk a̱ yʋmohmi tok oh cho? im achi tok. Mihma, Tikba yatuk á, im achi tok. Mihma Chisʋs ʋt, A̱hli mak o̱ hʋchim achi lishke, Pʋblikan ʋhleha, micha haui puta kʋt hʋchi tikba Chihowa apehlichika ya̱ pit abehi̱ha hoke.

Mahlu 28:19

Yohmi hoka hʋsh ilhkoli cha, oklushi moma ka nan ithʋna ikbit, I̱ki, micha Ushi, mikmʋt Shilombish Holitopa aiena ho̱ isht a hochifochit hʋsh baptismo honchashke:

Mahlu 3:11

Ʋno yokʋto hʋsh ilekostinincha chi̱ mak o̱, oka ya̱ ishit hʋchi baptismochi li ho mʋhlishke; yohmi kia auet siaka̱yʋt mihinti hokʋto ʋno a̱ shaiyahli, yʋmma i̱ shulush a̱ isht im a̱ya hi o̱ si ahoba keyu hoke; yʋmmak osh Shilombish Holitopa, micha luak aiena mak o̱ ishit hʋchi baptismocha hi oke.

Mahlu 5:20

Hʋchi aiʋlhpiesa kʋt na‐holissochi ʋhleha, micha Falisi ʋhleha aiena ka i̱ shahli ho̱ keyukmʋt, nana hosh a kaniohmi kak o̱ ʋba apehlichika ya̱ ont hʋsh chukowa he keyu hoke, hʋchim achi lishke.

Mark i̱ Holisso 10:14

Yohmi kia Chisʋs ʋt yʋmma pisa mʋt, ik im ʋlhpieso fehna cha, Ʋlla chipunta yʋt ʋm ai ʋla hi a̱ hʋsh ahni cha, hʋch ik im alammo kashke: ilʋppa chohmi kak osh Chiho wa apehlichika mak oka.

Mark i̱ Holisso 16:16

Kʋna hosh yimmi cha baptismokmʋt, okcha̱ya hi oke; amba kʋna hosh ik yimmo hokʋto, issikkopʋt bilia im ʋlhpisa hi oke, im achi tok.

Mark i̱ Holisso 9:47

Mikmʋt chi nishkin ʋt chi ibetʋblichi hokma, kohchit ish kanchashke: nishkin achʋfa yosh Chihowa apehlichika ya̱ ont ish chukowa hok mak osh chim ʋlhpesa kʋt, chi nishkin ʋt tu̱klo hosh aiokpuloka luak a̱ chi itʋtula hi a̱ chim i̱ shahli hoke.

ʋBanumpa Luk Ʋt Holissochi Tok 13:24

Mihma yʋmmak ash ot, Yichina fehnʋt okhissa iskitini a̱ chukowa hʋchi bʋnnashke; chukowa bʋnnʋt pisa kia, nan ik kanihmo ka chi̱ kʋt laua hoke, hʋchim achi lishke.

ʋBanumpa Luk Ʋt Holissochi Tok 13:3

Keyushke; amba hʋchishno ak kia hʋsh ile kostininchi keyukmʋt, hʋsh moma kʋt ilbʋshʋt hʋch illi akinla chi̱ ka, hʋchim anoli lishke.

ʋBanumpa Luk Ʋt Holissochi Tok 13:5

Keyushke; amba hʋchishno ak kia hʋsh ile kostininchi keyukmʋt, hʋsh moma kʋt ilbʋshʋt hʋch illi akinla chi̱ ka, hʋchim anoli lishke.

Chan 1:13

Issish ak o̱ keyu, mikmʋt haknip nan ahni keyu, micha hatak osh nan ahni keyu ho̱, yʋmmak okʋt toba tok; amba Chihowa yak a tok.

Chan 3:3

Chisʋs ʋt afalaminchi mʋt, A̱hlishke, a̱hli mak o̱ chim achi lishke, Hatak ʋt atuklant ʋtta keyukmʋt, Chihowa apehlichika ya̱ pisa he keyu hoke, im achi tok.

Chan 3:4

Nikotemʋs ash ot, Hatak ʋt sipoknit taiyaha kʋt katiohmi kak osh ʋtta hinla ho̱? atukla ma ishki im oshʋto ya̱ pit chukowa cha, ʋtta hinla ho̱? im achi tok.

Apostel isht Anumpa 2:38

Yʋmohmi ma Pita yashot, Hʋsh moma kʋt ile kostininchit, nan ai ashʋchika puta isht kashofa chi̱ ka, Chisʋs Klaist hohchifo ha̱, im a hʋchi baptismashke; yohmikmʋt Shilombish Holitopa holhpila ka hʋsh isha he mak oke.

Apostel isht Anumpa 3:19

Yʋmohmi hoka ile kostininchit im anukfila inla hʋchi anukfohkashke; yʋmohmi na nitak hochukma Chitokaka itikba a mihinti kʋt ahanlakma, nan hʋsh ai ashʋchika puta kʋt hʋchi̱ kashofa hi oke.

Loman 14:17

Yohmi ka Chihowa apehlichika yokʋt nan impa, nan ishko kak o̱ keyu hoke; amba nan isht ai ʋlhpiesa, micha isht it i̱ nanaiya, micha Shilombish Holitopa ai isht ilaiyukpa yak oke.

Loman 8:2

Yʋmohmi ka isht ai okcha̱ya Shilombish nan ai ahni Klaist Chisʋs a minti kak osh ai ashʋchika nan ai ahni isht ai illi yo̱ a sa hlakofichi hatok oke.

1 Kolinhlian 15:50

Yohmi ka itibapishi li ʋhleha ma! nipi, micha issish ita tuklo kʋto Chihowa im apehlichika yʋt ai immi ha he ʋlhpesa keyu; mikma nan toshba hi okʋto nan ik toshbo ya̱ ai immi ha he ʋlhpesa aiena keyu hoke.

1 Kolinhlian 2:12

Yohmi ka yakni nana isht ai im anukfila yo̱ il ishi hatuk keyu, amba Chihowa hatuk mak o̱ nana puta ka il ishi hatuk ʋt il ithana chi̱ pulla hosh Shilombish Chihowa a minti ho̱ il ishi hatuk oke.

1 Kolinhlian 6:11

Yohmi ka hʋsh kanimi kʋt yʋmma chohmi hʋchia hatuk oke. Yohmi tuk kia hʋchi ahchifa hatuk, mihmʋt hʋchi kashofa hatuk, yohmi kʋt Chihowa imi Shilombish pulla ho̱ Chitokaka Chisʋs i̱ hohchifo ho̱ isht a hʋchi ʋlhpiesa hoke.

Kaleshan 6:15

Klaist Chisʋs imma hokʋno hakshup tʋpa, micha hakshup tʋpa keyu aiena kʋt nana keyu, amba himonʋt toba ak illa hoke.

Efeshan 5:26

Yʋmohmi kʋt oka isht achifʋt ʋbanumpa isht kashofʋt na hullochi cha,

1 Pita 1:2

I̱ki Chihowa hak osh tikbanli ithaiyanʋt, okcha̱ya he atokoli tok yʋmmak oka Shilombish Holitopa yak osh kashoho̱fi na, nana ka im antia ho̱ Chisʋs Klaist im issish isht o̱ fima tok hʋchia hoka; Nan isht i̱ kana yʋt hʋchi anukfoyuka, micha nan isht it i̱ nanaiya yʋt hʋchin lauashke.

1 Pita 3:21

Yʋmmak ash o̱ chiyuhmi hosh himonasi ak kia baptismo yʋt, yʋmmak osh haknip liteha yoka isht kanchi keyu, amba Chihowa itikba isht il akostininchi achukma ai yʋmohma he il apihi̱sʋt, Chisʋs Klaist illi tok kia falamʋt tani tok pulla kak o̱ yʋmohmi kak osh pi okchalinchi ak inli hoke.

1 Chan 2:29

Yʋmmak okʋt ai ʋlhpiesa yo̱ hʋsh akostininchi hokmʋt, ai ʋlhpiesa ho̱ a yʋmohmi hokʋto, momʋt yʋmmak o̱ isht a toba yo̱ hʋsh akostininchishke.

1 Chan 5:1

Kʋna hosh Chisʋs ʋt Klaist mak atuk a̱ yimmi hokʋto, Chihowa ak o̱ isht a toba mak oke; micha na tobachi tok ash i̱ hullo hokʋto, moma kʋt yʋmma isht a toba tok puta ma i̱ hullo ak inli hoke.