Chan 3:3 - Chahta Holisso Holitopa 1886

³ Chisʋs ʋt afalaminchi mʋt, A̱hlishke, a̱hli mak o̱ chim achi lishke, Hatak ʋt atuklant ʋtta keyukmʋt, Chihowa apehlichika ya̱ pisa he keyu hoke, im achi tok.

Chan 3:3 Iomraidhean Croise

Mahlu 16:17

Mihma Chisʋs ʋt afalaminchi mʋt, Saimon Ba Chona chia hʋt na chi yukpʋshke: nipi micha issish aiena hosh yʋmma chim otʋnichi ho̱ keyu hoka, amba A̱ki ʋba binili kak oke.

Mahlu 19:24

Mikma anonti, Kamel ʋt chofak ushi nishkin a̱ hlopulli ka palʋmmi kʋt, hatak nan in laua yosh Chihowa apehlichika pit chukowa hokʋno, ik lauwo ka he hʋchim achi lishke, achi tok.

Mahlu 21:31

Tuklo yʋmmʋt katimampo kak osh i̱ki nan aiahni tuk a̱ yʋmohmi tok oh cho? im achi tok. Mihma, Tikba yatuk á, im achi tok. Mihma Chisʋs ʋt, A̱hli mak o̱ hʋchim achi lishke, Pʋblikan ʋhleha, micha haui puta kʋt hʋchi tikba Chihowa apehlichika ya̱ pit abehi̱ha hoke.

Mahlu 5:18

A̱hli mak o̱ hʋchi̱ miha lishke, Yakni, mikmʋt ʋba shutik aiena hokʋto ont ik ai iksho kia, ʋba nan ʋlhpisa yʋt moma ont ik a lauwo achʋfona nana kia a kaniohmit aiokpuloka iksho mak osh, mo̱mʋt ont aia̱hla he mak oke.

Mark i̱ Holisso 10:14

Yohmi kia Chisʋs ʋt yʋmma pisa mʋt, ik im ʋlhpieso fehna cha, Ʋlla chipunta yʋt ʋm ai ʋla hi a̱ hʋsh ahni cha, hʋch ik im alammo kashke: ilʋppa chohmi kak osh Chiho wa apehlichika mak oka.

Mark i̱ Holisso 9:47

Mikmʋt chi nishkin ʋt chi ibetʋblichi hokma, kohchit ish kanchashke: nishkin achʋfa yosh Chihowa apehlichika ya̱ ont ish chukowa hok mak osh chim ʋlhpesa kʋt, chi nishkin ʋt tu̱klo hosh aiokpuloka luak a̱ chi itʋtula hi a̱ chim i̱ shahli hoke.

Chan 1:13

Issish ak o̱ keyu, mikmʋt haknip nan ahni keyu, micha hatak osh nan ahni keyu ho̱, yʋmmak okʋt toba tok; amba Chihowa yak a tok.

Chan 1:5

Mihmʋt tohwikeli hash ot ai okhlilika ya̱ a toho̱mmi; yohmi ka okhlilika yʋt yʋmmak ash o̱ ik akostinincho ki tok.

Chan 1:51

Mihma, A̱hlishke, a̱hli mak o̱ chim achi lishke, Himak a pilla ʋba yʋt tiwa na Chihowa im enchil ʋhleha hʋt Hatak Ushi a̱ auet ai akoho̱wa, anonti ʋba pit ai ihi̱ya aiena ka, ish pisa hi oke, im achi tok.

Chan 3:4

Nikotemʋs ash ot, Hatak ʋt sipoknit taiyaha kʋt katiohmi kak osh ʋtta hinla ho̱? atukla ma ishki im oshʋto ya̱ pit chukowa cha, ʋtta hinla ho̱? im achi tok.

2 Kolinhlian 4:4

Klaist, yʋmmʋt Chihowa Hoyulba ka, im ʋbanumpa holitopa in tohwikeli hʋt on tomma chi̱ keyu ka, na yimmi keyu yʋmmak ash o̱ im anukfila puta ka yakni ilʋppa i̱ shahli yosh lʋblichi hatuk oke.

2 Kolinhlian 5:17

Yʋmohmi ka hatak nana hosh Klaist a̱ ibai achʋfa hokmʋt, mihi yosh nana toba himona yoke: na sipokni atuk ʋt ont ai ikshot kʋnia na, yakeh! nana puta kʋt himonʋt toba hoke.

Kaleshan 6:15

Klaist Chisʋs imma hokʋno hakshup tʋpa, micha hakshup tʋpa keyu aiena kʋt nana keyu, amba himonʋt toba ak illa hoke.

Efeshan 2:1

Yohmi kʋt na yoshuba, micha nan ai ashʋchi isht hʋchi illi yatuk a̱, hʋchi okchalinchi tok oke.

Tutelonomi 29:4

Yohmi kia Chihowah yʋt chu̱kʋsh nan isht akostininchi, micha nishkin isht pisa, micha haksobish isht haponaklo ya̱ ik hʋchimo tok, himak nitak ant ʋhlishke.

Titus 3:5

Nan ai ʋlhpiesa isht ahantʋt il atahli tok ak o̱ keyu, amba pi nukha̱klo kak osh himona toba isht ʋlhchihi̱fa kʋt, Shilombish Holitopa yak o̱ himona isht a toba ho̱ isht a pi okchalinchi tok oke;

Chemis 3:17

Amba na hopoyuksa ʋba ak o̱ a minti hatuk osh ʋmmona ka hanta achʋkma tuk mʋt, anonti it i̱ nanaiyachi, yohbi, ilap nan ahni ak bano keyu, nan i̱ nukha̱klo, micha nan ai ʋlhpiesa yohma he aiena kʋt alotowa, iti̱ shahsholechi iksho, micha peh il ahobi ʋt ik im iiksho chatuk oke.

1 Pita 1:3

Pin Chitokaka Chisʋs Klaist I̱ki, micha in Chihowa hokʋt holitopashke, yʋmmak osh pi̱ nukha̱klo chinto hatuk osh, Chisʋs Klaist ʋt illi tuk kia, falaminchit tanichi kak osh anonti himonʋchit pikbi tok o̱, na yukpa fehna hosh,

1 Chan 2:29

Yʋmmak okʋt ai ʋlhpiesa yo̱ hʋsh akostininchi hokmʋt, ai ʋlhpiesa ho̱ a yʋmohmi hokʋto, momʋt yʋmmak o̱ isht a toba yo̱ hʋsh akostininchishke.

1 Chan 3:9

Kʋna hosh Chihowa ak o̱ isht a toba hokʋto ashahanchi chatuk keyu: yʋmma i̱ na nihi ʋt anukfoyuka hatuk o̱; micha yʋmmak okʋt Chihowa ak o̱ isht a toba hatuk okʋt, ashahancha he keyu hoke.

1 Chan 5:1

Kʋna hosh Chisʋs ʋt Klaist mak atuk a̱ yimmi hokʋto, Chihowa ak o̱ isht a toba mak oke; micha na tobachi tok ash i̱ hullo hokʋto, moma kʋt yʋmma isht a toba tok puta ma i̱ hullo ak inli hoke.

1 Chan 5:18

Kʋna hosh Chihowa yak o̱ isht a toba tuk okʋto, ashahanchi keyu chatuk a̱ il ithanʋshke: amba Chihowa ak o̱ isht a toba tuk okʋto achukmalit il apesahanchi chatuk; yohmikma nan okpulo yʋmmak ash ot ik halelo chatuk oke.

1 Chan 5:4

Kʋna hosh Chihowa yak o̱ isht a toba tuk okʋto, yakni a̱ imaiyachi hoke; micha yakni a̱ nan isht imaiyachi kʋt nana pi yimmi ka ilʋppak oke.

Nan Otʋni 3:14

Mikmʋt chʋch Laotisea a hikia nan isht im ʋtta ya̱ pit ish i̱ holissochashke: Amen, Nan atokowa anoli a̱hli, Chihowa nana ikbi tok a̱ moma in Tikba mak osh ilʋppa puta ka achishke.