Chan 3:21 - Chahta Holisso Holitopa 1886

²¹ Amba kʋna hosh nan‐ai a̱hlika yo̱ a yohmi yokʋto, ilap nana a kaniohmi yʋt Chihowa yak atuk mak o̱ isht a yʋmohmi tuk ʋt otʋna chi̱ ka, atohwikinli ka ona chatuk oke, im achi tok.

Chan 3:21 Iomraidhean Croise

Atʋloa 119:105

Chim ʋnnumpa hʋt saiyi i̱ pʋla hokmʋt, ata̱ya li ya̱ i̱ tohwikeli yoke.

Atʋloa 119:80

Ik sʋ hofahyo ka chi̱ kak osh, sʋ chu̱kʋsh ʋt chi̱ nan ʋlhpisa putta ka̱ im ai a̱hlashke.

Chan 1:47

Chisʋs ʋt Nahlanael ʋt i̱ minti na pisa mʋt, Yakeh! Islael hatak a̱hli fehna kʋt nana ilahobi keyu mak oke, achi tok.

Chan 3:20

Nan ik ai ʋlhpeso ya̱ a yohmi aiyukali ʋt atohwikinli ka i̱ nukkillikmʋt, anonti ilap nana a kaniohmi yʋt otʋnit ik hofahyalo ka hinla ka, atohwikinli ka ik ono chatuk oke.

Chan 5:39

Holisso Holitopa ya̱ achukmalit asilhhit ho pihi̱sá: yʋmmak o̱ ai okcha̱ya yʋt a hʋchin takali ka hʋchim ahoba hatuk okʋt, micha yʋmmak osh ai‐atokowa ka si anohonli mak oke.

Chan 7:17

Hatak nana hosh, yʋmmʋt nana ai ahni tok mak o̱ ahninchit yʋmihchi hokmʋt, nan‐isht‐ithʋnanchi ka Chiho wa ak o̱ a minti hokmá, keyukmʋt peh ʋno ahni li hosh anumpuli li hokmá, nana hatuk ma akostinincha hi oke.

1 Kolinhlian 15:10

Yohmi kia Chihowa nan isht i̱ kana pulla ho̱ kanima a hikia li kʋt yʋmmak o̱ hikia sia mak oke; mikmʋt yʋmma nan isht i̱ kana yʋmmʋt si anukfoyuka kʋt ik ai ono ke tuk keyu hoke: yohmi hokʋt toksʋli hoyubli kʋt yʋmmak ash moma ka i̱ shahlichi li: yohmi kia ʋno ak keyu, amba Chihowa nan isht i̱ kana mihi yosh a sʋbai achʋfa kak atuk oke.

2 Kolinhlian 1:12

Isht il il akostininchi isht im ai atokowa kʋt haknip imma isht hopoyuksa keyu, amba Chihowa nan isht i̱ kana pulla hatuk mak o̱ nan anukfila apissali achʋfa, micha Chihowa anukfoyuka ai a̱hli hosh yakni paknaka il ai ahanta hatuk: yohmi hokʋt hʋchishno yak heno i̱ shahlichit il a hʋchi̱ yʋmohmi, ilʋppak osh nan isht il il aiyukpa hoke.

Kaleshan 6:8

Kʋna hosh haknip ak o̱ i̱ hokchi hatuk okʋto, haknip ak o̱ isht okpula hi o̱ ʋma hi oke; amba kʋna hosh Shilombish ak o̱ i̱ hokchi hatuk okʋto, Shilombish ak o̱ ai okcha̱ya bilia yo̱ ʋma hi oke.

Efeshan 5:9

Shilombish isht ai ʋni hokʋto nana achukma bieka, micha nan aiʋlhpiesa yʋmohmi, micha anumpa a̱hli yak oke.

Filippian 1:11

Yʋmohmit Chisʋs Klaist ak atuk mak o̱ nan ai ʋlhpiesa isht ai ʋni isht a hʋchi alotowa na, Chihowa yʋt isht a holitopʋt isht anumpa he yak oke.

Filippian 2:13

Chihowa ak osh ilap nan isht im ʋlhpesa hosh ai ahni kak o̱ ahnit, hʋsh yʋmihcha chi̱ ka hʋchi a toksahanli hoke.

Koloshan 1:29

Yʋmmak a chi̱ mak osh ʋno ak kia imi hlampko isht sa hlampkohonchi fehna kak o̱ amosholit toksahanli li hoke.

Heblu 13:21

Ilap nan ai ahni ka hʋsh yʋmihcha chi̱ ka nan toksʋli achukma puta ka hʋchi anukfohkihinchit isht hʋchim ai a̱hlichi ho̱, ilap nan isht im ʋlhpiesa fehna ka Chisʋs Klaist ak atuk pulla kak o̱ hʋsh yʋmihinchashke; yʋmmak pulla kak o̱ isht a holitopa yokʋt immi biliʋt peh biliashke. Amen.

1 Pita 1:22

Yʋmohmi ka Shilombish ak osh hʋchi anukfoyuka ho̱ ʋbanumpa ai a̱hli ka hʋsh im antia hosh, hʋchi shilombish a̱ hʋsh kashofi hatuk osh, itibapishi ʋhleha hoka ilahobi keyu hosh isht i̱ shahlichi fehna hosh hʋsh it i̱ hullashke;

1 Chan 1:6

Yʋmmak oka pit il ibai achʋfa, il achi hosh, anonti ai okhlilika yo̱ il itʋnowa hokmʋt, e holabi; micha nan ai a̱hlika mʋno a pi yʋmohmi keyu hoke.

3 Chan 1:11

Holitopa ma! nana kʋt achukma keyu hokʋno chik iakaiyo hosh, amba achukma kak ashke. Kʋna hosh achukma ho̱ a yohmi hokʋto, Chihowa yʋt anukfoyuka hoke, amba kʋna hosh nan ik achukmo ya̱ yohmi kʋto, Chihowa ya̱ pisa tok keyu mak oke.

Nan Otʋni 3:15

Nana ish a kaniohmi puta ma ithana li ka, chi kapʋssa, keyukmʋt, anonti ik chi lʋshposhke; yohmi ka chi kapʋssa hokmá, chi lʋshpa hokmá, nana tuk okbano, ahni lishke.