Chan 3:16 - Chahta Holisso Holitopa 1886

¹⁶ Chihowa yʋt yakni a̱ i̱ hullo fehna kʋt, kʋna hosh yʋmma i̱ yimmikmʋt ik illo hosh, amba ai okcha̱yʋt bilia yo̱ pisa hi o̱, Ushi achʋfa illa holitopa ya̱ auet ima tok.

Chan 3:16 Iomraidhean Croise

Genesis 22:12

Mihma, Chibbak a̱ ʋlla nakni yash ish onochi ná, micha nana kia chik i̱ kaniohmecho kashke: himak a̱ chiso hash, chiso yʋmmak illa kash chik sʋm i̱ halʋllo hokʋt, Chitokaka ya̱ ish i̱ nuksho̱hompa ka̱ ithana li hoka, achi tok.

Genesis 22:2

Mihma, Himak a̱ chiso hash, chiso yʋmmak bieka Aisak ash ish holitobli chatuk ʋt ishi cha, Moliah yakni ya̱ ish onashke; micha nʋnih achʋfalit chim anoli la chi̱ ka̱ paknaka ya̱ hukmit im issa mak o̱ ikbit ont ai is sʋm issashke, achi tok.

Mahlu 9:13

Ʋba isht‐ai okpʋchi ak okano ak aiahno; amba nan i̱ nukha̱klo ak o̱ aiokpanchi li hoke, achi yʋmmak osh nana hokma, ont oh ithʋna; hopoyuksa ʋhleha ak o̱ hoyot a̱ya li ha tok keyu; amba nan ashʋchi ʋhleha hʋt ile kostinincha chi̱ mak a tok oke, im achi tok.

Mark i̱ Holisso 12:6

Yohmi hatuk o̱ iso achʋfa, i̱ holitopa fehna yosh im anta moma mʋt, Sʋso hokʋno okla holitobla chi̱ hoke, achi mʋt, ishtaiyopi mak o̱ yʋmmak ma pit chʋffichi tok.

ʋBanumpa Luk Ʋt Holissochi Tok 2:14

Chihowa yʋt ʋba chaha moma i̱ shahli ya̱ ik a holitopá; mikmʋt yakni paknaka ma ik a nanaiyá: mikmʋt hatak a̱ nana achukma im anukfilli aiena kʋt ik ai ituyulá, ahanchi tok.

Chan 1:14

Micha Anumpa hash ot nipi yo̱ toba cha, nan isht i̱ kana, micha nana aia̱hlika aienʋt isht alotowa hosh pi takla ahanta tok: yohmi na isht a holitopa ya̱, I̱ki a̱ Ushi ʋt achʋfa illa cha ai isht a holitopa chatuk mak o̱, chiyuhmi ho̱ e pihi̱sa tok.

Chan 1:18

Hatak nana hosh Chihowa ya̱ nitak nan ash o̱ pisa tok keyu: Ushi holitopa achʋfa illa I̱ki shakba ya̱ afoyuka, yʋmmak atuk okʋto yʋmmak oka otʋninchi tok oke.

Chan 1:29

Atuk o̱ ont onna ma Chan ʋt, Chisʋs ʋt i̱ minti na pisa mʋt, Chihowa in Chukfʋlhpoba ushi, yʋmmak osh yakni im ai‐ashʋchika isht kanchi a̱, ho pesá.

Chan 10:28

Mikma ai‐okcha̱yʋt bilia ya̱ yʋmma im issa li; yohmi ka nitak nana ilbʋshʋt illa he keyukma, anonti kʋna kia yʋmmak ash sʋbbak a̱ a kohchit isha hi ʋt iksho hoke.

Chan 3:15

Yohmi na kʋna hosh yʋmma i̱ yimmikmʋt, ik illo hosh, amba ai‐okcha̱yʋt bilia yo̱ pisa hi oke.

Chan 3:18

Kʋna hosh yʋmma i̱ yimmi kʋto, isht ai ilbʋsha he anumpa hʋt onʋtula keyu hoke: amba kʋna hosh i̱ yimmi keyu hokʋto, Chihowa Ushi achʋfa illa holitopa hohchifo hatuk a̱ i̱ yimmi keyu kʋt, isht ai ilbʋsha he anumpa hʋt onʋtula ma̱shko hoke.

Chan 3:36

Kʋna hosh Ushi a̱ i̱ yimmi hokʋto ai‐okcha̱yʋt bilia ya̱ pisa hoke; mikma kʋna hosh Ushi a̱ i̱ yimmi keyu hokʋto, ai‐okcha̱ya ya̱ pisa he keyu; amba Chihowa nan‐isht ai i̱ nukkilli yak osh onʋtuyula hoke, achi tok.

Chan 6:40

Micha Ushi a̱ pisa cha, yʋmmak ash i̱ yimmi hokʋto, momʋt ai‐okcha̱yʋt bilia ya̱ pisa he, ilʋppak o̱ auet sa kanchi tok ʋt aiahni hoke; yohmi ka nitak ont ishtaiyopikma yʋmmak ash o̱ falaminchit tanichi la hi oke.

Loman 5:10

Yohmi ka in tʋnʋp pia moma kash ot, Ushi yʋt illi tok pulla kak o̱ Chihowa ya̱ isht a il it i̱ nanaiya hatuk okmʋt, il it i̱ nanaiya ha yokʋt, ilap okcha̱ya pulla kak o̱ isht i̱ shahli fehnʋt isht a pi okcha̱ya hinla hoke.

Loman 5:8

Amba Chihowa hokʋto isht pi̱ hullo otʋninchi kʋt, nan ashʋchi pia moma kash o̱, Chisʋs Klaist ʋt pi ʋlhtobʋt illi kak a tok.

Loman 8:32

Ilap Ushi fehna ka ik ilatombo hosh, amba pishno e moyuma hak atok pulla mak o̱ pim issa tok ʋt, katiohmi ho̱ yʋmma pima hatuk ʋt nan oklu̱ha ka anonti pilla pima ak inla he keyu ho̱?

Efeshan 2:4

Yohmi tok kia Chihowa nan i̱ nukha̱klo chinto im ai ʋlhta̱yak pulla hosh, nan isht i̱ hullo chito ho̱ isht pi̱ hullo hatuk osh,

2 Hlessalonian 2:16

Mikma pin Chitokaka Chisʋs Klaist ilap inli, micha Pi̱ki Chihowa, yʋmmʋt pi̱ hullo, micha nan isht i̱ kana pulla hosh chu̱kʋsh isht a nuktaiyala bilia, micha nana isha he ahni achukma ya̱ pihi̱ma tok ʋt,

Titus 3:4

Yohmi tok kia Chihowa pi okchalinchi yʋt hatak isht i̱ kana, micha isht i̱ nukha̱klo aiena kʋt otaiyani ha yano,

Heblu 2:9

Yohmi kia Chisʋs, yʋmmak okʋt enchil ʋhleha ha̱ lumʋt ik lauwo hosh toba tok kia, nan‐illi isht ilbʋsha ka pihi̱sa kak osh isht a holitopa chinto ka isht iachuka ka e pihi̱sʋshke; yohmi na Chihowa isht i̱ kana pulla hatuk mak o̱ yʋmmak ash ot hatak moyuma ka ʋlhtoba hosh illa hi atok.

1 Chan 3:1

Chihowa ushi ʋhleha hʋpi hohchifa hi a̱ Pi̱ki ʋt nan i̱ hullo kʋt a kaniohmit hʋp i̱ hullo tok a̱ ho pesá: yohmi hatuk o̱ yakni ʋt pishno a̱ ik hʋp ithano; yʋmma ik ithano tok okʋt.

1 Chan 4:19

Ilap ak osh ti̱kba pi̱ hullo tok oka, pishno ʋt yʋmma il i̱ hulloshke.

Nan Otʋni 1:5

Micha Nan atokowa anoli ai a̱hli, mikmʋt illi tuk osh falamʋt tani kʋt illi ʋhleha hak o̱ Ʋttahpi hosh holitopa i̱ shahli; micha mi̱ko yakni pakna ai asha puta I̱ shahli Chisʋs Klaist mak o̱ a minti hosh hʋchi anukfoyukashke. Hʋp i̱ hullo cha, na hʋpim ai ashʋchika puta hatuk ma ilap im issish ak inli ho̱ isht achifʋt hʋp i̱ kashofi cha,