Chan 21:7 - Chahta Holisso Holitopa 1886

⁷ Yohmi ma nan‐ithʋna Chisʋs ʋt holitobli yatuk, yʋmmak ash ot, Chitokaka mak oke, Pita ya̱ im achi tok. Mihma yʋmmʋt Chitokaka mak atuk o̱, Saimon Pita yʋt haklo mʋt, nipi bano tuk osh nafohkʋt nʋni hokli yatuk ash o̱ ishit il ai ʋskofʋchi mʋt, okhʋta hash pit okatula tok.

Chan 21:7 Iomraidhean Croise

Atʋloa 118:23

Nanah ilʋppʋt Chihowa hak o̱ a minti hatuk osh, pi nishkin itikba ya̱ nana kʋt ai inlah fehna hoke.

Mark i̱ Holisso 11:3

Yohmi ka hatak nana kia, Na katihmi ho̱ ilʋppa hʋsh yʋmihchi ho̱? hʋchim achi hokma, Chitokaka yak osh bʋnna hatuk oke, hʋsh achashke: yohmikma mih makinli ho̱ auet pila chi̱ hoke, im achi tok.

ʋBanumpa Luk Ʋt Holissochi Tok 12:35

Il ai‐ʋskufʋchi ma isht il ai ʋskufʋchit im ʋlhtahʋt, pʋla puta mʋt hʋchin lihimbashke.

ʋBanumpa Luk Ʋt Holissochi Tok 2:11

Himak nitak a̱ nan‐okchalinchi, yʋmmʋt Klaist Chitokaka mak osh Lewi in tʋmaha ha̱ a hʋchim ai ʋttʋshke.

ʋBanumpa Luk Ʋt Holissochi Tok 7:47

Yohmi hokʋt, Nan im ai ashʋchika yʋt laua tuk ʋt kashofa hoke: mihi yosh nan i̱ hullo fehna hatuk okʋt, chim achi lishke: amba ik lauo hosh i̱ kashofa hok mak osh mihi yosh nan i̱ hullo kʋt a fehna keyu chatuk oke, im achi tok.

Chan 13:23

Yohmi ma nan im ai ithʋna ʋhleha ha̱ achʋfa ka Chisʋs ʋt holitobli yatuk o̱, Chisʋs ikkishi ha̱ ʋtayʋt a̱sha tok.

Chan 19:26

Yohmi hatuk o̱ Chisʋs ʋt ishki, micha nan im ai ithʋna yʋmma i̱ hullo beka tuk mak osh itatuklot hinli na pisa mʋt, ishki ash o̱, Ohoyo ma! chiso ha̱ ish pisashke, im achi tok.

Chan 20:2

Yohmi ma maleli hosh ʋlʋt, Saimon Pita, micha nan‐ithʋna achʋfa Chisʋs ʋt holitobli yatuk ita tuklo ka, Chitokaka ya̱ sepʋlka ya̱ ai ishit kohchi cha kanima yo̱ ont bohli tuk a chini ho̱, kil akostininchoshke, im achi tok.

Chan 20:20

Ilʋppa mak achi mʋt, ibbak iti chaplinchit, naksi aiena ka i̱ weli tok. Yohmi ma nan‐ithʋna ʋhleha hash osh Chitokaka ya̱ pisa kʋt na yukpa tok.

Chan 20:28

Mihma Tamas ʋt afalaminchi mʋt, An Chitokaka ma! an Chihowa ma! im achi tok.

Chan 21:20

Mihma Pita yʋt filemʋt, nan‐ithʋna achʋfa Chisʋs ʋt holitobli chatuk opiaka impʋt ma̱ya ka ikkishi ha̱ pit ʋtayʋt a̱shʋt, Chitokaka ma! chishit inla ibbak chi fohki kʋto, katima kak oh cho? achi tok ash osh awant a̱ya na pisa tok.

Chan 21:24

Nan‐ithʋna ilʋppak a tok mak osh ilʋppa puta ka atokoli cha, anonti yakohmi ka holissochi tok: yohmi ka yʋmmʋt nana atokolit anoli ka ai a̱hli ka il ithaiyanʋshke.

Chan 21:8

Mihma nan‐ithʋna ʋhleha inla ka yʋto alaka ya̱ pit i̱ hopaki keyu, amba kubit tahlepa tuklo foka ho̱ a̱sha hatuk okʋt, pen‐ushi ash o̱ a̱lhtot nʋn‐isht‐hokli nʋni alota ka halʋllit isht ia tok.

Apostel isht Anumpa 10:36

Chihowa yʋt Islael ushi ʋhleha ya̱ anumpa auet ema na Chisʋs Klaist pulla ho̱ nuktanla hi a̱, isht ai im anuhumpa tok a̱, yʋmmak osh moma in Chitokaka yoke.

Apostel isht Anumpa 2:36

Yʋmohmi hoka, Islael okla moma kʋt, Chisʋs iti itaiyukhʋna hʋsh a takalichi chash fehna ka, Chihowa yʋt yʋmmʋt Chitokaka, micha Klaist aiena mak o̱, ikbi tok a̱, ithaiyana pullashke; im achi tok.

1 Kolinhlian 15:47

Hatak ʋmmona kʋt yakni yo̱ a toba hatuk osh, yakni imma kak oke. Hatak atukla kʋto ʋba minti Chitokaka ak oke.

2 Kolinhlian 5:14

Klaist nan isht pi̱ hullo yak osh a pi anukfoyukʋt pi ai yimilihinchi hatuk oka; yohmi ka achʋfa kʋt moma ka im illi hatok, yohmi hokma, moma kak osh illi yoke, ahnit yakohmichit isht pim anukfila hoka.

Chemis 2:1

Itibapishi li ʋhleha ma! pin Chitokaka Chisʋs Klaist Chitokaka holitopa ya̱ hʋsh i̱ yimmi kʋt, hatak oka iti̱ shahsholechit isht holitoblit hʋch ik ahanto kashke.