Chan 21:6 - Chahta Holisso Holitopa 1886

⁶ Mihma, Peni ishtimpak‐imma yak o̱ nʋni‐isht‐hokli a̱ oh okʋchí, micha hʋsh ahayuchashke, im achi tok. Yohmi hatuk o̱ pit okʋchi mʋt, anonti nʋni yʋt laua fehna ka, halʋlli kʋt okla na kanihma he keyu ki tok.

Chan 21:6 Iomraidhean Croise

Atʋloa 8:8

Ʋba hushi, micha nʋni okhʋtah aiyasha yosh okhʋta ha̱ ai ittʋnnowa aienah ma̱, mominchit iyi nutaka ish ʋshachi tok oke.

Mahlu 7:27

Yʋmohmi tuk o̱ umba hatuk mʋt aka ituyula na okchitot ʋla ma, anonti mahli hʋt mahli cha, chuka yʋmmak ash ai ihi̱so ma, akama tok; micha okpuloka kʋt aia̱hli tok oke, ahanchi tok.

Chan 2:5

Ishki ash ot nan‐isht a̱sha ʋhleha hash, Nana ho̱ hʋchim achikma, hʋsh yʋmihchashke, im achi tok.

Apostel isht Anumpa 2:41

Yʋmohmi ma im anumpa ha̱ na yukpʋt ihi̱shi tuk puta kʋt baptismo tok; yʋmohmi na nitak yʋmmak inli ka hatak tahlepa sipokni tuchina fokʋt ibʋlhkaha tok oke.

Apostel isht Anumpa 4:4

Yohmi kia anumpa ha̱ haha̱klo tuk ʋt, laua hosh yimmi tok; yʋmohmi ma hatak holhtina kʋt tahlepa sipokni tahlapi foka tok.