Chan 21:3 - Chahta Holisso Holitopa 1886

³ Saimon Pita yash ot, Nʋni ʋbit ia lishke, im achi ma, Pishno ak kia chi api̱hʋt il iʋshke, im achi tok. Okla kohchʋt iʋt chekosi makinli ho̱ peni a̱ ont ʋlbeha tok; atuk osh ninak yʋmma nana kia okla ik hoklo ki tok.

Chan 21:3 Iomraidhean Croise

ʋBanumpa Luk Ʋt Holissochi Tok 5:5

Mihma Saimon ash osh afalaminchi mʋt, A̱ shahli ma! ninak a̱ isht il a̱sha na oyunna kʋt nana ke hoklo ke tuk: yohmi kia chishno chim anumpa atuk oka, nʋni isht‐hokli a̱ pit okʋchi li mak inlashke, im achi tok.

Chan 21:4

Atuk o̱ ont onnʋt taha ma, Chisʋs ʋt alaka ya̱ hiki̱a tok; yohmi kia nan‐ithʋna ʋhleha hʋt Chisʋs ash atuk a̱ ik ithano ki tok.

Apostel isht Anumpa 18:3

Micha ilap ʋt a toksʋli itim ai achʋfa hatuk okʋt, takla ahantʋt toksʋli tok; yʋmmak okʋt isht ʋlhtipo ikbi im ʋlhtayak ʋhleha ha tok okʋt.

Apostel isht Anumpa 20:34

A̱hli, ibbak ilʋppak osh ʋno, micha si apehʋt a̱ya puta na pi bʋnna ka, nan isht ahanta chatuk a̱, hʋchishno ak kia hʋsh ithaiyanʋshke.

1 Kolinhlian 3:7

Yohmi ka kʋna hosh hokchi, mikma kʋna hosh oka isht o̱n hlali hokʋto na kanihma he keyu, amba Chihowa yʋmmak osh offochi yoke.

1 Kolinhlian 9:6

Yohmikmʋt Banabas ita tuklo li kak bano hosh ke toksʋlo ka hi ʋt pim ʋlhpiesa keyu ho̱?

1 Hlessalonian 2:9

Itibapishi li ʋhleha ma! toksahanlit hoyʋblit pilbʋsha tok a̱ hʋsh ithana hoke; achʋfona kia e hʋchi̱ weka chi̱ keyu kʋt, ninak, micha nitak, aiena ka toksahanlit Chihowa im anumpa ha̱ isht e hʋchim anumpohonli tok.