Chan 21:16 - Chahta Holisso Holitopa 1886

¹⁶ Anonti atukla ma, Saimon, Chonas ushi chia hʋt is sa̱ hullo cho? im achi ma, A̱hlishke, Chitokaka ma! chi̱ hullo li hoka, chishno ʋt ish ithanʋshke, im achi tok: mihma, An chukfʋlhpoba puta ka pehlichit ish ipihintashke, im achi tok.

Chan 21:16 Iomraidhean Croise

Atʋloa 100:3

Chihowa hak osh Chitokaka yoka̱ hʋsh ithanashke; yʋmmak osh hʋp ikbi tok o̱, immi hʋpia hoke; ilap im oklah, micha ilap ak osh ʋpesa̱ha̱chi chukfʋlhpoa aiena ka̱ hʋpia hoke.

Atʋloa 95:7

Yʋmmak osh pi̱ Chitokaka yoka̱, mikma̱ pishno ʋto yʋmmʋt ʋpesa̱ha̱chi oklah, micha chukfʋlhpoa ibbak ʋt hʋllʋlli yo̱ pia hoke. Himak nittak a̱ im ʋnnumpa ha̱ hʋsh haklo hokbano!

Mahlu 25:32

Yohmikma itikba ya̱ oklushi moma kʋt ai itahoba he: yohmikma yʋmmak ash osh yʋmma achafolichit iti̱ filamohlichi kʋt, chukfʋlhpoba apesʋchi ʋt chukfʋlhpoba ya̱ isi kosoma iti̱ filamohlichi chatuk mak o̱ chiyuhma he.

Mahlu 26:72

Mihma anonti anumpa kʋllo isht il onochit ik ithano ilahobit, Hatak yʋmma ithana li keyushke, achi tok.

ʋBanumpa Luk Ʋt Holissochi Tok 19:10

Hatak Ushi ʋt okpulot taha tok mak o̱ hoyot okchalincha chi̱ hosh a̱ya tok oka, achi tok.

Chan 18:17

Mihma ohoyo himita okhissa apesʋchi yash ot Pita ya̱, Chishno ak kia hatak ilʋppa nan im ai ithʋna chia keyu̱? im achi ma, Mih sia keyushke, im achi tok.

Chan 18:25

Mihma Saimon Pita yʋt libisha hosh hiki̱a tok: yoh mi ma, Chishno ʋt yʋmma nan im ai ithʋna ʋhleha ha̱ ish ibai achʋfa tuk keyu̱? okla im achi ma, ik a̱hlo mihʋt, Ʋno yokʋt mih sia keyushke, achi tok.

Chan 21:17

Ont atuchina ma, Saimon, Chonas ushi chia hʋt is sa̱ hullo cho? im achi ma; ont atuchina mak o̱, Is sa̱ hullo cho? im achi hatuk o̱, Pita yash osh nukha̱klot taha tok. Yohmi mʋt, Chitokaka ma! nan oklu̱ha ka ish ithanʋshke, chi̱ hullo li hoka chishno ʋt ish ithanʋshke, im achi tok. Mihma Chisʋs ʋt, An chukfʋlhpoba puta ka pehlichit ish ipihintashke, im achi tok.

Apostel isht Anumpa 20:28

Yʋmohmi hoka hʋchishno akinli, micha nan iaka̱ya ʋhleha moma, Shilombish Holitopa yʋt mihi yo̱ apesʋchi puta hʋch ikbi tok a̱, ahah! ahnit Chihowa im iksa puta ilap im issish akinli ho̱ isht chumpa tok a̱, mominchit hʋsh pehlichashke.

Heblu 13:20

Yohmi na nan it i̱ nanaiyʋchi Chihowa yʋmmak osh nan it im ʋlhpisa bilia issish ak atuk pulla kak o̱ Chukfʋlhpoba apesʋchi chinto, pin Chitokaka Chisʋs okʋt illi tuk a̱ falaminchit tanichi tok okʋt,

1 Pita 2:25

Yohmi ka chukfʋlhpoba tamoa chiyuhmit hʋsh itʋnowa tok kia, himonasi kano chukfʋlhpoba Apesʋchi micha hʋchimi shilombish ma Nan im atahli yoka falamʋt hʋsh im ona hoke.

1 Pita 5:2

Chihowa in chukfʋlhpoba hʋch itin takla ai asha ka hʋsh ipihinta kʋt, yohmi la he atuk okʋt ik kaniohmi kia ahni keyu, amba yohmi likbano ahnit, ai ʋlhpiesa keyu isht a hofahya he nan isht ahayuchi bʋnna keyu, amba hʋchim anukfila hʋt ʋlhtaha achukma hosh apesʋchit hʋsh pehlichashke.

Nan Otʋni 7:17

Chukfʋlhpobushi ai o̱ binili holitompa iklʋnna binili yʋmmak osh impʋchit, pehlichit oka kʋli okcha̱ya hiohli puta ka isht oho̱na he: yohmikma Chihowa ak osh nishkin okchi puta ma mominchit i̱ kasholichit tahla he mak oke, ʋm achi tok.