Chan 21:1 - Chahta Holisso Holitopa 1886

¹ Ilʋppʋt ai yakohmi ha ya, anonti Chisʋs ʋt nan im ai ithʋna ʋhleha ha̱ Tibelias okhʋta hak o̱ ont a im ile haiakʋchi tok: mihmʋt ilʋppak o̱ ai yakohmi hosh ile haiakʋchi tok.

Chan 21:1 Iomraidhean Croise

Mahlu 26:32

Yohmi kia falamʋt tani li ha yokʋto, hʋchi ti̱kba Kalili a̱ ona la chi̱, im achi tok.

Mahlu 28:16

Yohmi ma nan ithʋna auah achʋfa kash osh Kalili a̱ ilhkolit, nʋnih chaha Chisʋs ʋt ai im atokoli tok mak o̱ ona tok.

Mahlu 28:7

Micha tu̱shpʋt iʋt, illi tuk ʋt falamʋt tani cha, hʋchi ti̱kba Kalili a̱ ia chi̱ ka, yʋmmak o̱ ont hʋsh a pisa chi̱ hoke, nan im ai ithʋna ʋhleha ha̱ ont hʋsh im anolashke: inta! hʋchim anoli li mak oke, im achi tok.

Mark i̱ Holisso 16:12

I̱ himmakma yʋmmak ash osh, tuklo hosh itʋnowʋt a̱yʋt, yakni kocha itonachi ma, anonti ai inlʋt i̱ haiaka tok.

Mark i̱ Holisso 16:14

Atuk o̱ i̱ himmakma auah‐chʋfa hash osh impa hosh ma̱ya ho̱ ont i̱ haiaka cha, tani ha ya inla yʋt pisa tuk a̱ okla ik i̱ yimmo hatuk oka, na yimma he keyu, micha chu̱kʋsh kʋllo aiena ka nan isht ai i̱ miha tok.

Mark i̱ Holisso 16:7

Yohmi kia hʋsh ia cha, nan im ai ithʋna ʋhleha, Pita aiena ka, yʋmmak okʋt hʋchi ti̱kba Kalili a̱ ia he tuk a̱, ont hʋsh im anolashke: yʋmmak o̱ hʋchi̱ miha tuk mak oka, yʋmmak o̱ hʋsh a pisa chi̱ hoke, im achi tok.

Chan 21:14

Chisʋs ʋt illi tuk osh falamʋt tani ha yʋt, ilʋppʋt ont atuchina mak o̱ nan im ai ithʋna ʋhleha ha̱ im ile haiakʋchi tok.

Chan 6:1

Nana kʋt ai yakohmi ha ya, Chisʋs ash ot Kalili okhʋta, yʋmmʋt Tibelias okhʋta ho̱ pit tanʋbli tok.

Chan 6:23

Yohmi kia Chitokaka yʋt pʋska ʋba pit ai isht aiokpʋchi na okla ai impa tuk a̱ pit bili̱ka Tibelias a̱ a minti kʋt peni inla kanohmi hosh ʋla tok.

Apostel isht Anumpa 1:3

Yʋmmak okʋt ilbʋsha hayʋt okcha̱ya kʋt, nana a̱hli isht ikhaiyana he la̱wa ka, yʋmmak ash o̱ ai isht im ile haiakʋchi cha, nana kʋt Chihowa apehlichika ya̱, pit ai ahalaia puta ka isht anumpohonli ka, okla pi̱sa na nitak pokoli ushta tok.