Chan 20:1 - Chahta Holisso Holitopa 1886

¹ Wek chukowʋt iahpi onnahinli fehna okhlilinchi moma ho̱, Meli Maktalene ʋt sepʋlka yash ona cha, tʋli yash osh sepʋlka ya̱ a kanʋlli tuk o̱, pisa tok.

Chan 20:1 Iomraidhean Croise

Mahlu 27:56

Yʋmma takla ma̱ya kʋt, Meli Maktalene micha Meli, Chemis, mikmʋt Choses aiena ishki, mikmʋt Sebete ushi ʋhleha ha̱ ishki ak osh aiena tok.

Mahlu 27:60

Mihmʋt yʋmmak ash o̱ ilap i̱ sepʋlka himona tʋli chito yo̱ a kulli hosh ikbi tuk osh ont fohki tok: mihmʋt sepʋlka okhissa ash o̱ tʋli chito yo̱ tonolichit pit isht akamali cha, ia tok.

Mahlu 27:64

Yohmi hoka ish apesa na sepʋlka ʋt kʋllot ʋlhka̱ma na nitak atuchina ka onashke; yʋmmak keyukma nan im ai ithʋna ʋhleha hʋt ninak a̱ ai ʋlʋt hu̱kopʋt ishit kʋnia cha, Illi tuk ʋt falamʋt tanishke, okla ha̱ im acha hinla hoke: yohmikma ishtaiyopi ka isht haksi kak osh ik ai ʋlhpeso kʋt ʋmmona tuk a̱ i̱ shahla hinla hoke, achi tok.

Mahlu 27:66

Mihma ilhkoli mʋt, tʋli ash o̱ in chunli cha, nan atoni a̱ ashachit, sepʋlka ash a kʋllochit kaiyanchi tok.

Mahlu 28:1

Yʋmohmi tuk o̱ nitak hullo ʋt ont taha tuk wek nitak ʋmmona chi̱ hosh onnʋt mihinti ma, Meli Maktalene, micha Meli achʋfa itatuklo kʋt sepʋlka yash pisʋt a̱ya hosh itonachi tok.

Mahlu 28:2

Yohmi ma yakni ʋt winakʋchi fehna tok: Chitokaka im enchil osh ʋba mintit ʋla cha, tʋli okhissa onʋtula tuk a̱ kanompit tonolichi cha, paknaka ya̱ on a̱sha ha tok,

Mark i̱ Holisso 15:46

Mihma yʋmmak ash ot linen lapushki yo̱ chumpa mʋt, yʋmmak ash ishit akʋchi cha, linen a̱ a bonulli cha, sepʋlka tʋli yosh kulʋt toba ho̱ ont bohli cha, tʋli yo̱ tonolichit sepʋlka okhissa yash pit o̱ bohli tok.

Mark i̱ Holisso 16:9

Micha Chisʋs ʋt wek chukowʋt ia nitak ʋmmona onnahinli fehna ho̱ tani tuk ʋt, Meli Maktalene, yʋmmak o̱ nan‐isht‐ahullo okpulo untuklo ka a kohchi tuk ash nan ti̱kba i̱ haiaka tok.

Chan 11:38

Yohmi ma Chisʋs ash ot anonti chu̱kʋsh anu̱ka̱ka isht anukha̱klo fehnʋt a̱yʋt ahollopi a̱ ona tok. Yakni chiluk o̱ tʋli yosh isht ʋlhkʋma ha tok.

Chan 11:41

Mihma illi ai itola tuk ash tʋli ya̱ okla ai ishit kanʋllichi tok. Mihma Chisʋs ʋt nishkin a̱ pit ʋba chakalichi mʋt, A̱ki ma! is sa haiyaklo hatuk a̱ yak oke, chim aiahni lishke.

Chan 19:25

Mihma Chisʋs ititaiyukhʋna a takali ka ituma ya̱ ishki, micha ishki nakfish, mikmʋt Meli Kleofas tekchi, mikmʋt Meli Maktalene aiena hosh hiohma̱ya tok.

Chan 20:26

Atuk o̱ anonti nitak isht untuchina ma nan im ai ithʋna ʋhleha hash osh aboha anu̱ka aiasha ma, Tamas ʋt ta̱kla a̱sha tok; yohmi ma okhissa yʋt ʋlhkʋma ho̱, Chisʋs ʋt ʋla cha, iklʋnna ya̱ ant hikiʋt, Hʋchi nuktanlashke, achi tok.

Apostel isht Anumpa 20:7

Mihma nitak hullo achʋfa nitak ahpi ho̱, nan ithʋna ʋhleha hʋt pʋska kobahlicha chi̱ hosh itahoba ma, Pal ʋt onnakma kanima ia chi̱ hatuk osh, im anumpuli mʋt; anumpa hash isht ma̱ha̱ya na, ninak iklʋnna ona tok.

1 Kolinhlian 16:2

Ona li ha yo̱ nan itahobi kʋt ik ai iksho ka chi̱ ka, wek nitak ʋmmonakma achʋfa hʋsh aiyuka kʋt, Chihowa hʋt nan im ila̱yak a̱ ataiyahli ka, it ilauechit ishit hʋsh il im bohonlashke.

Nan Otʋni 1:10

Atuk osh Chitokaka i̱ nitak o̱ Shilombish Holitopa yʋt si anukfoyuka fehnʋt ahanta li ho̱, ʋm asha ka imma ya̱ nan ola chinto isht pu̱fa ola ho̱ chohmi kʋt,