Chan 2:5 - Chahta Holisso Holitopa 1886

⁵ Ishki ash ot nan‐isht a̱sha ʋhleha hash, Nana ho̱ hʋchim achikma, hʋsh yʋmihchashke, im achi tok.

Chan 2:5 Iomraidhean Croise

Genesis 41:55

Atuk o̱ Echip yakni moma ka̱ hohchʋfo mʋt, okla hʋt Falaoh ha̱ pʋska im asilhha ma, Falaoh hʋt Echip okla moma ka̱ Chosef ak o̱ oh im oná; nana ho̱ hʋchim achikma, hʋsh yʋmohmashke, im achi tok.

Genesis 6:22

Ilʋppak o̱ Noah hʋt yʋmihchi tok: Chitokaka yʋt im apesa tuk mak o̱ moma yʋmihchi tok.

Mahlu 12:46

Okla ha̱ im anumpuli kʋt moma ho̱, ishki micha itibapishi ʋhleha aiena kʋt it im anumpuli bʋnna hosh kocha ya̱ hinli tok.

Chan 15:14

Nana ho̱ hʋchim apesa li ka hʋsh yʋmohmi hokmʋt, a̱ kana hʋchia mak oke.

Apostel isht Anumpa 9:6

Yohmi ma yʋmmak ashot nukhlakanchʋt wʋnihinchi mʋt, Chitokaka ma! nanta hak o̱ katiohmi la hi a̱, si sʋm ahni cho? achi tok. Mihma Chitokaka yʋt, Wakaya cha, iʋt tʋmaha ha̱ ont ish chukowakmak o̱, nana ish kaniohma chi̱ kʋt, chim annoa chi̱ hoke; im achi tok.

Heblu 11:8

Eblaham okʋt yakni inla yʋmma i̱ himmak o̱ immi tobʋt isha hi o̱, iʋt ona chi̱ ho̱ i̱ howa ma, yimmi pulla kak osh im antia tok; micha yʋmmak o̱ ia li, ahni keyu kia, kohchʋt ia tok.

Heblu 5:9

Mihmʋt nana kʋt ai a̱hlit im ʋlhtaiyaha kak osh, im antia puta hokʋno ai okcha̱yʋt bilia ya̱ im atahli yoke:

Nan Apesa 13:14

Pa̱ki ʋpi nana atoba imma ka ʋpa he keyu, oka pa̱ki, micha nan ishko kʋllo nana kia ik ishko kashke, micha nana ik kashofo nana kia ik po kashke: nana moma im apesa li tuk a̱ ithaiyanashke, im achi tok.

Luth 3:6

Mihmʋt a nihechi ya̱ ona cha, ipokni ʋt nana i̱ miha tuk moma ka yʋmihchi tok.