Chan 2:21 - Chahta Holisso Holitopa 1886

²¹ Yohmi kia yʋmmak okʋt ilap haknip tempel ak o̱ isht anumpuli ha tok.

Chan 2:21 Iomraidhean Croise

Chan 1:14

Micha Anumpa hash ot nipi yo̱ toba cha, nan isht i̱ kana, micha nana aia̱hlika aienʋt isht alotowa hosh pi takla ahanta tok: yohmi na isht a holitopa ya̱, I̱ki a̱ Ushi ʋt achʋfa illa cha ai isht a holitopa chatuk mak o̱, chiyuhmi ho̱ e pihi̱sa tok.

Chan 2:22

Yohmi tok o̱ yʋmmak ash ot illi tuk ʋt falamʋt tani ma, ilʋppa im achi tok a̱, nan im ai ithʋna ʋhleha hʋt ithaiyana tok; mihmʋt Holisso Holitopa, micha Chisʋs ʋt anumpa anumpuli tok aiena ka okla yimmi tok.

1 Kolinhlian 3:16

Chihowa in tempel hʋchia, yohmi hatuk o̱ Chihowa imi Shilombish ʋt hʋchia chukʋt anta ka hʋch ik ithano cho?

1 Kolinhlian 6:19

Yakeh! hʋchi haknip ʋt Shilombish Holitopa mihi yosh hʋchi afo̱ka, yʋmmak osh Chihowa a minti ho̱ hʋsh ieshi, yʋmmak o̱ in tempel hʋchia hosh, hʋchishno ak inli kʋno keyu kʋt hʋch ik ithano cho?

2 Kolinhlian 6:16

Yohmikma Chihowa in tempel ʋt na holbʋt toba puta ka nanta ho̱ isht ai it ibai achʋfa ho̱? Chihowa okcha̱ya in tempel hʋchia hoka; yohmi ka Chihowa hʋt, Yʋmmak oka ai ahanta la chi̱, mikmʋt a noho̱wa la chi̱: yohmi cha in Chihowa sia hokma, anonti ilap ʋt ʋm okla ha chi̱ hoke, achi tok oka.

Koloshan 1:19

I̱ki ʋt ʋlhpesa ahni kʋt, yʋmmak ash o̱ nan isht ai ʋlhtaha yʋt afoyuka he, ahni tok:

Koloshan 2:9

Klaist ak osh Chihowa yʋt akaniohmi ka isht alotowa kʋt:

Heblu 8:2

Ʋba aholitopa, micha ʋlhtipo ai a̱hli fehna ka hatak ak atok keyu, amba Chitokaka yak osh ikbi tok, yʋmmak o̱ nan isht ai ahanta hoke.