Chan 2:2 - Chahta Holisso Holitopa 1886

² Mihma Chisʋs, micha nan im ai ithʋna ʋhleha aiena kʋt nan‐itauwayʋchi a̱ a̱ya hi a̱, im annoa tok.

Chan 2:2 Iomraidhean Croise

Mahlu 12:19

Yʋmmak okʋt ik it im, paknokmʋt, anonti ik tahpʋlo ka he; mikma tʋmaha ai itahoba puta ka im anumpa ha̱ hatak nana kia a haiyakla he a̱ keyu ka he.

Mahlu 25:40

Mikma Mi̱ko ʋt afalaminchikmʋt A̱hli mak o̱ hʋchi̱ miha lishke, Itibapishi li ʋhleha yakohmi ka moma ik lauwo achʋfona ka kaniohmi ho̱ hʋsh ai i̱ yʋmohmi tuk okʋt, ʋno ak o̱ hʋs sa̱ yʋmohmi mak atuk oke, im acha hi oke.

Mahlu 25:45

Yohmikma yʋmmak ash osh afalaminchikmʋt, A̱hli mak o̱ hʋchi̱ miha lishke, Yakohmi ka moma ik lauwo achʋfona kia kaniohmi ka a hʋch ik i̱ yʋmihcho tok mʋt, ʋno ak o̱ hʋch ik sa̱ yʋmihcho tok mak oke, acha hi oke.

Chan 2:12

Ai yakohmi ha ya, yʋmmak ash ot, ishki, micha itibapishi ʋhleha, mikmʋt nan im ai ithʋna ʋhleha aienʋt Kapenaʋm a̱ ilhkoli tok; atuk osh nitak kanohmi keyu ho̱ ont ma̱ya tok.

Chan 2:17

Mihma, Chin chuka i̱ hullo pulla kak osh ʋm anukfila u̱hʋlinchit ai ishit kaiyanchishke, achi hosh holisso ha tok a̱, nan im ai ithʋna ʋhleha hʋt ithaiyana tok.

Chan 2:22

Yohmi tok o̱ yʋmmak ash ot illi tuk ʋt falamʋt tani ma, ilʋppa im achi tok a̱, nan im ai ithʋna ʋhleha hʋt ithaiyana tok; mihmʋt Holisso Holitopa, micha Chisʋs ʋt anumpa anumpuli tok aiena ka okla yimmi tok.

Chan 2:3

Atuk o̱ oka pa̱ki ʋt ont ai ik im ikshot taha ma, Chisʋs ishki ʋt yʋmmak ash o̱, Oka pa̱ki ʋt okla ik im ikshoshke, im achi tok.

Chan 3:22

Nana kʋt ai yakohmi ha ya, Chisʋs ʋt nan im ai ithʋna ʋhleha ha̱ it api̱hʋt Chutea yakni a̱ ai ʋla tok; mihma ta̱kla yʋmmak o̱ antʋt baptismochi tok.

Chan 4:2

Chisʋs ʋt ilap inli kʋto baptismochi keyu ho̱, amba nan im ai ithʋna ʋhleha hak atuk ak o̱,

Chan 4:33

Yohmi hatuk o̱ nan‐ithʋna ʋhleha hash ot, Ʋpa chi̱ ka hatak nana kia isht im ʋla tuk atuk o̱? it im achit ma̱ya tok.

Chan 4:8

Nan im ai ithʋna ʋhleha hamo ilimpa chumpʋt tʋmaha ilhkoli tuk a tok.

Chan 6:12

Mihma okla hash ot kaiyʋt taha ma, nan im ai ithʋna ʋhleha hash o̱, Boshulli ʋt atampʋt a̱sha ka oh itahobí, nanasi kia ik kʋnio kashke, im achi tok.

Chan 6:16

Atuk o̱ opiʋt taha ma, nan im ai ithʋna ʋhleha hash ot pit okʋtahʋt okhʋta ho̱ ona tok.

Chan 6:60

Yohmi hatuk o̱ nan im ai ithʋna ʋhleha hʋt ilʋppa haklot in taha mʋt, la̱wa kʋt, Ilʋppʋt anumpa kʋllo fehnʋshke, kʋta hosh haponakla hinla cho? achi tok.

Chan 6:66

Yʋmmak fehna kak o̱ nan im ai ithʋna ʋhleha hʋt lauʋt filamoʋt taha mʋt, i himmak ma apehʋt ik itʋnowo ki tok.

Chan 6:67

Yohmi ma Chisʋs ash ot auah‐tuklo kash o̱, Hʋchishno ak kia filʋmmit a̱ya hi a̱ hʋchim anukfila cho? im achi tok.

Chan 6:70

Chisʋs ash ot, Auah‐tuklo ho̱ hʋchi atokoli li tok o̱, hʋsh achʋfona kʋt nan‐isht‐ahullo okpulo yo̱ chia keyu̱? im achi tok.

Chan 6:71

Yʋmmak osh auah‐tuklo ka ai iba chʋfa yatuk osh, yʋmmak ash ishit inla ibbak fohka chi̱ ha tok oka Saimon, ushi Chutas Iskaliot ak o̱ isht anumpuli ha tok oke.

Chan 6:8

Nan im ai ithʋna achʋfʋt, Antilu, Saimon Pita itibapishi hash osh,

Chan 7:3

Yohmi hatuk o̱ i̱ kanomi ʋhleha hʋt yʋmmak ash o̱, Ilʋppa issʋt iʋt, Chutea yakni yak o̱ ish ona na nan chim ai ithʋna ʋhleha hak kia na‐fehna puta ish ai yʋmihchi ka pisashke.

Apostel isht Anumpa 11:26

Atuk osh yʋmmak ash ahayuchi mʋt, ilauelit Antiak a̱ isht ʋla tok. Mihma yakohmi tok, afʋmmi achʋfa ʋlhpiesa ka ʋbanumpuli iksa ya̱ ibai itahobʋt okla la̱wa ka nan im abahanchi tok. Mihma nan ithʋna ʋhleha hʋt ʋmmona ka Antiak ak o̱, Klaist okla a hohchifo tok.

Apostel isht Anumpa 11:29

Yohmi ma nan ithʋna ʋhleha yʋt nana kʋt kaniohmit im a̱sha tukmʋt ik kaniohmi kia, itibapishi ʋlheha Chutia ma̱ya ka isht apelʋchi ya̱ pit i̱ pila chi̱ kʋt, hatak moma tok.

1 Kolinhlian 10:31

Yʋmohmi hoka hʋsh impa, keyukmʋt na hʋsh ishko, keyukmʋt nana ho̱ hʋsh yʋmihchi hokmʋt, Chihowa isht a holitopa chi̱ ho̱, mominchit hʋsh yʋmohmashke.

1 Kolinhlian 7:39

I̱ hatak ʋt okcha̱ya moyuma ka tekchi ʋt nan ʋlhpisa pulla ho̱ isht a talaiyakchi hoke; yohmi tuk kia i̱ hatak ash osh illi hokmʋno, Chitokaka immi kʋna hoh kia ahnikmʋt, auwaya hi ʋt i̱ holhtofa hoke.

Koloshan 3:17

Micha anumpa hokmá, na kaniohmi hokmá, nana hoh kia hʋsh yʋmohmikmʋt, Chitokaka Chisʋs hochihi̱fot yʋmmak atuk mak o̱ I̱ki Chihowa ya̱ yak oke im ai ahnit, mominchit hʋsh yʋmihinchashke.

Heblu 13:4

Nan itauwaya yokʋt hatak moma ka isht im ai ʋlhpiesa, micha topa yʋt okpulo keyu kʋt isht a holitopa hoke; amba itauwaya yʋt ik it im ai a̱hlo puta, micha haui puta aiena kʋno Chihowa hʋt nan im apesa hi oke.

Nan Otʋni 3:20

Yakeh! okhissa ya̱ hikiʋt suko̱ho̱ha lishke: Kʋna hosh ʋm anumpa ha̱ haklo cha, okhissa ya̱ tiwi hokma, iba chukowa lish, ibai impa likma, anonti ilap mʋt sʋbai impa chi̱ mak oke.