Chan 2:16 - Chahta Holisso Holitopa 1886

¹⁶ Mihmʋt pʋchi yoshuba ʋlhpoba kanchi ʋhleha hatuk ash o̱, Ilʋppa kanima ishit oh ia cha, A̱ki in chuka yano nana ai‐itatoba chuka hʋch ik ikbo kashke, im achi tok.

Chan 2:16 Iomraidhean Croise

Mahlu 21:12

Yohmi ma Chisʋs ʋt iʋt Chihowa in tempel a̱ ont chukowa mʋt, tempel anu̱kaka ya̱ nana a kanchi, micha a chumpa aiena ma̱ya tuk ash mominchit kocha pit tihleli mʋt, ai impa tʋli holisso ai itatoba puta, mikmʋt pʋchi ʋlhpoba akanchi abinohli aiena kash halʋllit filemohlit kinahlichi tok.

Mahlu 21:13

Mihmʋt, Ʋm aboha hʋt ʋba pit ai anumpuli chuka yo̱ hohchifa he, achi hosh holisso tok; yohmi kia hʋchishno ʋto na‐hu̱kopa ʋhleha in chuka yo̱ hʋsh ikbishke, im achi tok.

Mahlu 22:5

Yohmi tok kia yʋmmak ash o̱ nan‐isht ik ahno hosh kanima pit ilhkolit, achʋfʋt im osapa ia ma, anonti achʋfʋt im ai itatoba ia tok.

Mark i̱ Holisso 11:17

Mihmʋt nan im abʋchit, Ʋm aboha ya̱ oklushi moma kʋt ʋba pit ai anumpuli chuka hochifa hi oke, achi hosh holisso ho̱ keyu̱? yohmi kia hʋchishno yokʋto na hu̱kopa ʋhleha in chuka yo̱ ish ikbishke, achi tok.

ʋBanumpa Luk Ʋt Holissochi Tok 2:49

Yʋmohmi ma yʋmmak ash ot, Nanta katiohmi ho̱ hʋs sa hoyo hosh? A̱ki nan isht im a kaniohmi ka isht ahanta la he ʋlhpiesa kʋno, hʋch ik ithano cho? im achi tok.

Chan 10:29

A̱ki yʋmma ʋma tok ʋt moma i̱ shahli; yohmi ka kʋna kia yʋmmak ash A̱ki ibbak a̱ a kohchit isha hi ʋt iksho hoke.

Chan 2:15

Mihmʋt aseta chipunta yo̱ isht fʋma ikbi cha, yʋmmak ash, chukfʋlhpoba, micha wak puta aiena kash mominchit tempel a̱ a kocha weli tok; mihmʋt tʋli holisso itatoba ʋhleha in tʋli holisso ash aka fohopli mʋt, anonti ai‐impa tʋli holisso ai‐itatoba puta kash kinahlichi tok.

Chan 20:17

Chisʋs ʋt, Ʋba iʋt A̱ki a̱ ak im ono ki̱sha hoka, is sa potoli ná; amba iʋt tibapishi li ʋhleha aiasha kak o̱ ona cha, A̱ki, mikmʋt hʋch I̱ki, an Chihowa, mikmʋt hʋchin Chihowa im ia li ka, ish im anolashke, im achi tok.

Chan 5:17

Yohmi kia Chisʋs ʋt, A̱ki ʋt toksahanli na himak a kak o̱, ʋno ʋt toksʋli li hoke.

Chan 8:49

Chisʋs ʋt afalaminchi mʋt, Nan‐isht‐ahullo okpulo il ai i̱shi li keyushke: amba A̱ki a̱ holitobli li hatuk o̱, hʋchishno ʋto ʋno a̱ hʋch ik sa holitobloshke.

1 Timohli 6:5

Micha hatak im anukfila ik achukmo, micha ʋbanumpa a̱hli kʋt ik im iksho cha, nana ahayuchi kak osh Chihowa holitobli im ahoba hosh, it i̱ kʋllot anumpuli aiena hoke; yʋmma chohmi ka ish il i̱ filʋmmichashke.

2 Pita 2:3

Micha yʋmmʋt nan ahayuchi bʋnna kak osh isht haksichi anumpa ho̱ nan isht itatoba yo̱ isht hʋch ikba hi oke; yʋmma nan isht im ʋlhpisa tok a̱ hopaki kia sʋlaha he keyu, micha yʋmma isht ilbʋsha hi ʋt nosilhha keyu hoke.