Chan 2:13 - Chahta Holisso Holitopa 1886

¹³ Mihma Chu okla i̱ nan‐ʋbanʋblit ont ia yʋt ai ona̱ hosi hatuk o̱, Chisʋs ʋt Chelusalem a̱ ia tok.

Chan 2:13 Iomraidhean Croise

Mahlu 21:12

Yohmi ma Chisʋs ʋt iʋt Chihowa in tempel a̱ ont chukowa mʋt, tempel anu̱kaka ya̱ nana a kanchi, micha a chumpa aiena ma̱ya tuk ash mominchit kocha pit tihleli mʋt, ai impa tʋli holisso ai itatoba puta, mikmʋt pʋchi ʋlhpoba akanchi abinohli aiena kash halʋllit filemohlit kinahlichi tok.

Mark i̱ Holisso 11:15

Atuk osh Chelusalem a̱ okla ai ʋla tok: mihma Chisʋs ʋt tempel a pit chukowa mʋt, tempel anu̱kaka ya̱ nana a kanchi, micha a chumpa aienʋt ma̱ya tuk ash kocha pit yuhli mʋt, anonti tʋli holisso a bohlit itatoba ai‐impa, micha pʋchi ʋlhpoba kanchi ʋhleha im ai om‐binili aiena tuk ash halʋllit filemohlit kinahlichi tok.

ʋBanumpa Luk Ʋt Holissochi Tok 19:45

Mihma tempel a̱ ont chukowa cha, anu̱kaka yʋmma nana a kanchi, micha nana a chumpa aiena ma̱ya tuk ash kocha pit yuhli mʋt,

ʋBanumpa Luk Ʋt Holissochi Tok 2:41

Ʋbanʋblit ont ia nan‐ai‐impa holitopa a̱shakma i̱ki, ishki ita tuklo kʋt afʋmmikma Chelusalem a̱ itiachi beka tok.

Chan 11:55

Atuk o̱ Chu okla nan im ʋbanʋblit ont ia yʋt ai ona̱ hosi tok; mihma ilap nan ai il atahlit ma̱ya chi̱ kʋt, nan‐ʋbanʋblit ont ia yʋt ik ai ono ki̱sha ho̱ yakni yʋmma a̱sht Chelusalem a̱ ia kʋt laua tok.

Chan 13:1

Nan ʋbanʋblit ont ia ai‐impa holitopa kʋt ik ai ono ki̱sha ho̱, Chisʋs ʋt ilapʋt yakni ilʋppa ai issʋt, I̱ki a̱ im ia chi̱ hʋshi kanʋlli ʋlhpisa kʋt ai ona ka ithaiyana mʋt, immi hʋt yakni paknaka a̱sha ka i̱ hullo hatuk ʋt, yʋmma i̱ hullo kʋt imomʋt ont illi tok.

Chan 2:23

Ʋbanʋblit ont ia isht a̱shʋt impʋt ma̱ya nitak o̱, yʋmmʋt Chelusalem a̱ anta cha, na‐fehna puta ka yʋmihinchi na okla pisa mʋt, lauʋt i̱ yimmi tok.

Chan 5:1

Ilʋppʋt ai yakohmi ha ya, Chu okla impa holitopa hʋt a̱sha tok: mihma Chisʋs ʋt Chelusalem a̱ ia tok.

Chan 6:4

Mihma ʋbanʋblit ont‐ia Chu okla im impa holitopa yʋt ai ona̱ hosi tok.

Tutelonomi 16:16

Kanima ho̱ ai atokoli tukma, nakni chim a̱sha moma kʋt chin Chitokaka Chihowah ya̱ afʋmmi achʋfakma, hituchina ha̱ itikba ya̱ im itʋnaha hi oke: pʋska ik shatʋmmo impʋchi, micha nitak hullo puta impʋchi, micha tabenakel ai impʋchi: micha ibbak bieka hosh Chihowah itikba ya̱ ona he keyu hoke: