Chan 2:12 - Chahta Holisso Holitopa 1886

¹² Ai yakohmi ha ya, yʋmmak ash ot, ishki, micha itibapishi ʋhleha, mikmʋt nan im ai ithʋna ʋhleha aienʋt Kapenaʋm a̱ ilhkoli tok; atuk osh nitak kanohmi keyu ho̱ ont ma̱ya tok.

Chan 2:12 Iomraidhean Croise

Mahlu 11:23

Yohmikma Kapenaʋm chia shutik ak o̱ ont ish talaia tuk ʋt, akiʋt ai okpuloka mak o̱ ish ona hi oke: na‐fehna puta kʋt chishno ya̱ chim a yʋmohmi tuk ʋt Sotom a̱ a yʋmohmi ha tok okma, himak nitak ak kia talaia hi a tok oka.

Mahlu 12:46

Okla ha̱ im anumpuli kʋt moma ho̱, ishki micha itibapishi ʋhleha aiena kʋt it im anumpuli bʋnna hosh kocha ya̱ hinli tok.

Mahlu 4:13

Atuk osh Nasalet a̱ issʋt ia mʋt, Kapenaʋm yʋmmʋt Sabulon yakni, micha Neftalim yakni aiena ont ai ʋhli okhʋta lapalika ak o̱ ont ahanta tok.

Mark i̱ Holisso 6:3

Ilʋppʋt Meli ushi, Chemis micha Choses, mikmʋt Chuta anonti Saimon aiena ka itibapishi chuka ikbi yash keyu ho̱? mikma in tek ʋhleha mʋt ilʋppa pi takla ma̱ya keyu ho̱? achi tok. Mihmʋt yʋmmak ash o̱ okla isht ai ibetʋbli tok.

Chan 2:2

Mihma Chisʋs, micha nan im ai ithʋna ʋhleha aiena kʋt nan‐itauwayʋchi a̱ a̱ya hi a̱, im annoa tok.

Chan 4:46

Yohmi hatuk o̱ Chisʋs ash ot Kalili yakni Kana yʋmmak o̱ oka ya̱ okapa̱ki ai ikbi tok ash ot, anonti ona tok. Mihma hatak holitompa achʋfa hosh ushi ʋt abeka kʋt Kapenaʋm a̱ itonla tok.

Chan 6:17

Micha peni ont ʋlhbeha mʋt, Kapenaʋm imma ia hosh okhʋta ha̱ a̱sht a̱ya tok. Atuk o̱ ont okhlilit taiyaha ka, Chisʋs ash ot ik im a̱yo ki̱sha tok.

1 Kolinhlian 9:5

Ohoyo pin tek a̱ ilauelit a̱ya kʋt, apostel inla ʋhleha, mikmʋt Chitokaka itibapishi ʋhleha, micha Sefas aiena ka chohmit pim ohoyo, pin tek a̱ ilauelit il a̱ya hi ʋt pim ʋlhpiesa keyu ho̱?

Kaleshan 1:19

Yohmi kia apostel ʋhleha inla yano ak peso, Chemis Chitokaka itibapishi ak illa tok.