Chan 2:11 - Chahta Holisso Holitopa 1886

¹¹ Na fehna yʋmihchit isht ai ʋmmona kʋt ilʋppak o̱ Chisʋs ʋt Kalili yakni Kana yak o̱ ai yʋmihchit, ilap im a holitopa ya̱ otʋninchi tok; mihma nan im ai ithʋna ʋhleha hʋt i̱ yimmi tok.

Chan 2:11 Iomraidhean Croise

1 Mi̱ko 17:24

Mihma ohoyo hash osh Elichah ya̱, Himak ano hatak Chitokaka im antia chia, micha Chihowa im anumpa hʋt chitih ha̱ foyuka kʋt a̱hli ka ilʋppak o̱ isht ithaiyana lishke, achi tok.

Atʋloa 72:19

Mikmʋt hohchifoh hulittopa yʋt hulittopa na billiashke; micha yakni moma kʋt ahulittopa isht ʋluttoashke. Amen, ʋnonti Amen.

Atʋloa 96:3

Im ahulittopa ya̱ oklushi puttah im ai itti̱takla, micha na̱ fehna yʋmi̱hi̱chi ka̱ oklah momah im ai itti̱takla, hʋsh ai ʋno̱ho̱lashke.

Eksotʋs 14:31

Micha Islael ʋt Chihowah yʋt nachinto fehna ho̱ yʋmihchit Echip okla ha̱ onochi ka̱ pisa tok; mihmʋt okla hʋt Chihowah ya̱ i̱ nukshopa cha, Chihowah, micha Moses aiena ka̱ i̱ yimmi tok.

Eksotʋs 4:9

Atukma yakohma hi oke, nanishtatokowa tuklo ilʋppa ik yimmo micha chim anumpa ha̱ hakla he keyukma, okhina oka ya̱ ish ishi cha, yakni shila ya̱ ish onhlatʋblashke, mihma okhina oka ish ai ishi kash osh issish tobʋt, yakni shila yash o̱ aiasha hi oke, im achi tok.

Chan 1:14

Micha Anumpa hash ot nipi yo̱ toba cha, nan isht i̱ kana, micha nana aia̱hlika aienʋt isht alotowa hosh pi takla ahanta tok: yohmi na isht a holitopa ya̱, I̱ki a̱ Ushi ʋt achʋfa illa cha ai isht a holitopa chatuk mak o̱, chiyuhmi ho̱ e pihi̱sa tok.

Chan 1:17

Nan‐ʋlhpisa yokʋto Moses ak atuk mak o̱ ʋlhpihi̱sa tok: amba nan isht i̱ kana, micha nan‐aia̱hlika aiena hokʋto Chisʋs Klaist ak o̱ a minti tok.

Chan 1:43

Atuk osh ont onna ka Chisʋs ʋt Kalili a̱ ia hi atuk osh Filip a̱ pisa mʋt, Is siakaiyashke, im achi tok.

Chan 1:50

Chisʋs ʋt afalaminchi mʋt, Fik ʋpi nuta ya̱ ish a̱sha ho̱ chi̱ pi̱sa li tuk achi li kak o̱, chi yimmi há cha? nana kʋt ilʋppa i̱ shahli fehna ka ish pisa hi oke, im achi tok.

Chan 10:41

Mihma okla la̱wʋt im ai itahoba mʋt, Chan ʋto na‐fehna nana kia yʋmihchi tok keyu; yohmi kia Chan ʋt hatak ilʋppa isht anumpohonli tok a̱, momʋt aia̱hli ha tok, achi tok.

Chan 11:15

Yohmi ka ʋno ʋt yʋmma ont ak anto ke tuk ʋt, hʋchishno na hʋchi yimma chi̱ ka, hʋchishno ak atuk mak o̱ sai yukpʋshke; yohmi kia yʋmma iloh im ai onashke, im achi tok.

Chan 11:47

Yohmi ma na‐holitompa isht a̱sha pehlichi ʋhleha, micha Falisi ʋhleha aiena kash ot hatak hochito̱ka nan apesa ʋhleha ha̱ itahobi mʋt, Hatak ilʋppʋt na‐fehna la̱wa ka yʋmihchi ka, nanta mak o̱ katiohmi hosh iloh aiasha cho?

Chan 12:18

Yʋmmʋt na‐fehna ilʋppa yʋmihchi tuk a̱ okla ha̱klo tuk atuk osh, ilʋppak atuk pulla kak o̱ okla mak kia ont afama ha tok.

Chan 12:37

Na‐fehna laua ho̱ itikba ya̱ yʋmmak ash ot ai yʋmihinchi hoh kia, okla ai i̱ yimma he keyu ki tok.

Chan 12:41

Yʋmma im isht a holitopa ya̱ pisʋt yʋmma pit isht anumpuli mak osh Esaias ʋt ilʋppa puta ka achi tok.

Chan 14:13

Micha a̱ hohchifo pulla ho̱ nana ka isht hʋsh asilhha hokma, I̱ki ʋt Ushi a̱ ai isht a holitopa ai a̱hla hi a̱, mihi yo̱ yʋmihchi la hi oke.

Chan 16:27

Hʋchishno ʋt hʋs sa̱ hullo, mikmʋt Chihowa ak o̱ a kochʋt a̱ya li hatok a̱ hʋchi yimmi tuk: yohmi hatuk o̱ A̱ki ʋt ilapo akinli kʋt hʋchi̱ hullo hoka.

Chan 16:30

Nan oklu̱ha ka ish ithaiyana ka, hatak nana hosh nana ka a chim a ponakla hi o̱ keyu ka himak okʋno il akostininchishke; Chihowa ak o̱ a kohchʋt ish a̱ya tok pulla ka ilʋppak o̱ isht a pi yimmishke, okla im achi tok.

Chan 2:1

Atuk o̱ nitak ont atuchina ma Kalili yakni Kana a̱ nan‐itauwayʋchi ʋt a̱sha tok: mihma Chisʋs ishki ʋt yʋmma ont anta tok.

Chan 2:23

Ʋbanʋblit ont ia isht a̱shʋt impʋt ma̱ya nitak o̱, yʋmmʋt Chelusalem a̱ anta cha, na‐fehna puta ka yʋmihinchi na okla pisa mʋt, lauʋt i̱ yimmi tok.

Chan 3:2

Atuk osh yʋmmak ash ot ninak o̱ a̱yʋt Chisʋs a̱ im ʋla cha, A̱ shahli ma! chishno ak osh nan ithʋnanchi yosh Chihowa ak o̱ ish a minti ka il ithanʋshke; Chihowa ak osh ik apelachokma, hatak nana hosh na‐fehna ilʋppa puta ish yʋmihinchi ka, yʋmihcha he keyu hoka, im achi tok.

Chan 4:3

Chutea yash issʋt Kalili yash inli ho̱ anonti ia tok.

Chan 4:46

Yohmi hatuk o̱ Chisʋs ash ot Kalili yakni Kana yʋmmak o̱ oka ya̱ okapa̱ki ai ikbi tok ash ot, anonti ona tok. Mihma hatak holitompa achʋfa hosh ushi ʋt abeka kʋt Kapenaʋm a̱ itonla tok.

Chan 4:54

Chisʋs ʋt Chutea ya̱ a kohchʋt a̱yʋt Kalili a̱ ʋlʋt, anonti na‐fehna ka ai yimihchi kʋt ilʋppʋt ont atu̱kla ha tok oke.

Chan 6:14

Yohmi ma Chisʋs ʋt na‐fehna ho̱ yʋmihchi na okla pisa mʋt, Ilʋppak osh hopaii yakni ilʋppa ʋla he tuk mak o̱ pulla mʋhlishke, achi tok.

Chan 6:2

Mihma abeka puta hatuk a̱ nana ka ai i̱ yʋmihchit anta na pisa tuk ak osh okla laua fehnʋt pit iakaiya tok.

Chan 6:26

Chisʋs ʋt afalaminchi mʋt, A̱hlishke, a̱hli mak o̱ hʋchim achi lishke; Nana a fehna puta ka yʋmihchi li ho̱ hʋs sa pi̱sa tuk ak osh hʋs sa hoyo kak keyu, amba pʋska ya̱ hʋsh pʋt, hʋchi kaiya tuk ak oke.

Chan 6:30

Yohmi hatuk o̱ okla hash ot, E pisa cha, e chi̱ yimma chi̱ kʋno, na‐fehna nanta ho̱ ish yʋmihchi ho? nanta hak o̱ isht ish ahanta cho?

Chan 7:31

Mihma okla la̱wʋt yʋmmak ash i̱ yimmi mʋt, Klaist ak osh ʋla hokmʋto, na‐fehna puta ka yʋmihchi kʋt, hatak ilʋppʋt ai yʋmihchi tuk puta ka i̱ shahlicha hinla ho̱? okla achi tok.

Chan 9:16

Yohmi hatuk o̱ Falisi ʋhleha kanimi kʋt, Hatak yʋmmʋt nitak hullo nitak a̱ holitobli keyu hokʋt, Chihowa ak o̱ a minti keyushke, achi tok. Inlaka yokʋto, Hatak ʋt nan ashʋchi atuk ʋt katiohmi hosh na‐fehna puta yakohmi ka yʋmihcha hinla cho? achi tok: yohmi mʋt ilap bi̱ka okla ai ita kashapʋt ma̱ya tok.

2 Kolinhlian 3:18

Yohmi ka nashuka ompoholmo keyut a pisa yo̱ il a pihi̱sa chohmit Chitokaka im aholitopa ya̱ e pihi̱sʋt, yʋmmak ash inli ho̱ hoyulba chi̱ hosh momʋt inlʋt e toba kʋt, Chitokaka imi Shilombish ʋt a pi̱ yʋmihchi kak o̱, holitopa kʋt i̱ shahlit il a ma̱ha̱ya hoke.

2 Kolinhlian 4:17

Yakosi itintakla ho̱ na pim a palʋmmi shohʋla kia, na holitopa weki bilia nan imaiya fehna ka pim atahli hoke:

2 Kolinhlian 4:6

Tohwikeli hʋt ai okhlilika ya̱ a kohchʋt tomma chi̱ ka, Chihowa yʋmmak osh im apesa tok okʋt, Chihowa im aholitopa nan isht ithaiyana im a tohwikeli hʋt Chisʋs Klaist i̱ nashuka a minti mak o̱ pima chi̱ hosh pi chu̱kʋsh a̱ a tommi hatuk oka.

Tutelonomi 5:24

Micha, Yakeh, pin Chitokaka Chihowah yʋt im aholitopa, micha nan isht im aia̱hli ataha iksho pi pesʋchi hoke; mikma luak iklʋnna ya̱ im anumpa ha̱ il a ha̱ha̱klo tuk oke; Chitokaka yʋt hatak a̱ im anumpuli kia okcha̱ya hinla ka̱ himak nitak a̱ e pisʋshke.

1 Chan 5:13

Chihowa Ushi hohchifo ha̱ yimmi ʋhleha hʋchia hʋt ai okcha̱ya bilia yʋt hʋchin takanli kʋt hʋsh ithaiyana chi̱, mikmʋt Chihowa Ushi hohchifo ha̱ hʋchi yimma chi̱ aiena kak o̱ na yakohmi ka pit hʋchi̱ holissochi li hatuk oke.