Chan 2:10 - Chahta Holisso Holitopa 1886

¹⁰ Yohmi mʋt, Hatak moma kʋt ʋmmona ka okapa̱ki achukma ka talohli chatuk; atuk osh hatak ʋt ishkot fihopak mak o̱, okpulo yak oh chatuk; amba chishno ʋto oka pa̱ki achukma ya̱ ish il atomba na himak atoshke, im achi tok.

Chan 2:10 Iomraidhean Croise

Genesis 43:34

Mihma ilap itikba ai ishi cha, kʋshkoa ho̱ pit i̱ pila tok: yohmi kia Benchamin a̱ i̱ kʋshkoa hʋto inla ka̱ immi ha̱ inlohmi tahlapi tok. Mihma okla nanishko cha, ibai yukpa tok.

Atʋloa 104:15

Yohmi kʋt oka pa̱kki ʋt hʋttak chu̱kʋsh yokpalikma̱, nʋsshuka ya̱ bila ishit shohmʋlalichikma̱, pʋska yʋt hʋttak chu̱kʋsh a̱ hlampkochih aiena chi̱ kak oke.

Mahlu 24:49

Yohmi cha tishu bi̱ka ʋhleha hash o̱ bolit ishtia, yohmi mʋt ishkot haksi ʋhleha ha̱ it ibai impʋt ibai ishkot ahanta hokmʋno;

ʋBanumpa Luk Ʋt Holissochi Tok 12:45

Yohmi tuk kia tishu yʋmmak ash osh chu̱kʋsh anu̱kaka, A̱ shahli hʋt ai ʋla he tuk ʋt ʋbanʋblichishke, achi cha, hatak toksʋli puta, micha ohoyo toksʋli puta aiena kash bolit, impʋt, nan‐ishkot, okishkot haksi aiena hosh ahanta tok mʋno;

ʋBanumpa Luk Ʋt Holissochi Tok 16:25

Yohmi kia Eblaham ash ot, Sʋso ma! chi okcha̱ya ta̱klʋt ish ahanta kʋt, na hochukma puta ka ish pihi̱sa tok: yohmi ma Lasalʋs ak kia nana kʋt a palʋmmi puta ka pihi̱sa tuk a̱, ish ithaiyanashke: yohmi tuk kia yʋmmak ash ot himak okʋno hopohlʋt na yukpa ma, anonti chishno ʋto chim a palʋmmi fehnʋshke.

Apostel isht Anumpa 2:15

Yakohmi kʋt nan ishkot haksi ho̱ keyu, chishno yokʋto yohmi ho̱ hʋchim ahoba kia nitak hʋshi isht ʋlhpisa ont atuchina hoka.

1 Kolinhlian 11:21

Hʋsh impakmʋt, hʋsh moma kʋt hʋchim opiaka impa yatuk kak illa ho̱ ti̱kba hʋsh ishishke: yohmi hatuk o̱ achʋfa kʋt hohchʋfokma, anonti inla yato nan ishkot haksishke.

Efeshan 5:18

Micha oka homi isht ik hʋchi hakso, yʋmmʋt im ila̱yak isht yopomo yoke; amba Shilombish ak o̱ isht hʋchi alotowashke.

1 Hlessalonian 5:7

Kʋna hosh nusi hokʋto ninak ak o̱ nusi; mikma nan ishkot haksi hokʋto ninak ak o̱ haksi hoka.

Nan Otʋni 17:2

Yʋmmak o̱ mi̱ko puta yakni pakna ai asha kʋt isht itin luma̱ka tok; yohmi ma ilap nan itin luma̱ka oka pa̱ki a̱ yakni pakna ai asha ʋhleha hʋt ishkot ik haksí im ahni tok, yʋmmʋt nan isht i̱ palʋmmi im ʋlhpisa ka chim otʋninchi la chi̱ hoke, ʋm achi tok.

Nan Otʋni 17:6

Yohmi ma ohoyo hash ot ʋbanumpuli ʋhleha im issish, mikmʋt Chisʋs isht im atokowa kak o̱ isht illi tok ʋhleha im issish aiena ka ishkot haksi na pisa li tok; mikmʋt pisa li mʋt, sa nukhlakancha mʋt, okokko! ai ahni li fehna tok.