Chan 19:7 - Chahta Holisso Holitopa 1886

⁷ Chu okla hʋt afalaminchi mʋt, Nan‐ʋlhpisa hʋt pin tonla: yohmi ka ilʋppak okʋt Chihowa Ushi ilapissa hatuk okʋt, pi̱ nan‐ʋlhpisa pulla kak o̱ isht illa he ʋlhpesa hoke, im achi tok.

Chan 19:7 Iomraidhean Croise

Lefitikʋs 24:16

Mikma kʋna hosh Chihowah hohchifo ha̱ ik ahobalot anumpulikmʋt illi pulla hi oke, mikma okla moma kʋt tʋli ishit boli pulla hi oke; okla inla yʋt yakni ya̱ ai ʋtta tok akinli chohmit Chihowah hohchifo ha̱ ik ahobalot anumpulikmʋt illi pulla hi oke.

Mark i̱ Holisso 15:39

Mihma Sintulion ʋt im a chapaka hikia tuk ʋt, yʋmmʋt chitolit makachi cha, fiopa issa na pisa mʋt, Hatak ilʋppʋt Chihowa Ushi yatuk o̱ pulla mʋhlishke, achi tok.

Chan 19:8

Yohmi hatuk o̱ Pailat ʋt anumpa yʋmma haklo mʋt, nukshopa kʋt isht i̱ shahli tok.

Chan 5:18

Yohmi ka yʋmmʋt nitak hullo ya̱ kobʋffi kak o̱ illa keyu, amba Chihowa yak osh I̱ki yo̱ mihʋt, Chihowa ya̱ ilapinli kʋt itilaui ho̱ isht il ilapissa aiena hatuk o̱, Chu okla hʋt yʋmmak ash ʋbi bʋnna kʋt i̱ shahlichi tok.

Apostel isht Anumpa 18:13

Nan‐ʋlhpisa ya̱ ai ahalaia keyu ka, Chihowa ya̱ aiokpʋcha chi̱ ka, hatak ilʋppʋt okla ha̱ atohnohonchishke, achanchi tok.

Loman 1:4

Micha shilombish holitopa hokʋno illi tuk osh falamʋt tani kak osh Chihowa Ushi nan im ai a̱hli fehna kʋt isht otaiyani ai oklu̱ha tok:

Tutelonomi 18:20

Amba hopaii ʋt sa hohchifo pulla ho̱, yʋmma anumpula chi̱ im apesa li tuk keyu ho̱, Anumpule lih mihakmʋt, keyukmʋt, naholbʋt toba hohchifo pulla ho̱ anumpulikmʋt, hopaii yʋmma fehna kʋt illa hi oke.