Chan 19:6 - Chahta Holisso Holitopa 1886

⁶ Yohmi ma na‐holitompa isht a̱sha pehlichi ʋhleha, mikmʋt nan‐ʋlhtoka ʋhleha aiena kash ot yʋmmak ash pisa mʋt, chitoli hosh mihʋt, Ititaiyukhʋna ak o̱ oh ahonʋhlichí, ititaiyukhʋna ak o̱ oh ahonʋhlichí; ahanchi ma, Pailat ash osh, Oh ishi cha, ititaiyukhʋna ak o̱ oh ahonʋhlichí; ʋno yokʋto nana ik ai‐ʋlhpeso nana kia ai atakali ka ak im akostinincho hoke, im achi tok.

Chan 19:6 Iomraidhean Croise

Mahlu 26:58

Yohmi ma Pita yʋt auet i̱ mishemanchit pit iakaiyʋt ya̱ha̱yʋt na holitompa isht a̱sha pehlichi i̱ shahli im aboha holitopa hatuk ma ont chukowʋt, ont ishtaiyopi ka pi̱sa chi̱ hosh tishu ʋhleha ha̱ ta̱kla ont binili tok.

Mahlu 27:22

Pailat ash osh, Yohmikmʋt Chisʋs osh Klaist hohchifo kʋno, nanta hak o̱ katimihchi la hinla cho? im achi ma, Iti‐taiyukhʋna yak o̱ ahonʋhlʋt illashke, momʋt okla achi tok.

Mahlu 27:24

Pailat ash osh ilapʋt na kanihma he keyu, amba yahapa kak osh i̱ shahlit toba pulla hi a̱ akostininchi mʋt, oka kapʋssa ya̱ ishi cha, okla itikba ya̱ ibbak ai achifa mʋt, Hatak a̱hli achukma ilʋppa im issish a̱ isht si ahalaia keyu mak oke: hʋchishno ak osh isht hʋsh a̱shashke, im achi tok.

ʋBanumpa Luk Ʋt Holissochi Tok 23:4

Yohmi ma Pailat ash ot, na‐holitompa isht a̱sha pehlichi ʋhleha, micha okla puta kash, Hatak ilʋppa nan ik ai ʋlhpeso nana kia ak ai akostininchoshke, im achi tok.

Chan 18:3

Yohmi hatuk osh Chutas ash ot hatak ai‐itapeha achʋfa, i̱ kʋpitʋni ʋhleha aiena ka na‐holitompa isht a̱sha pehlichi ʋhleha, mikmʋt Falisi ʋhleha aiena ka ai im ai ishi mʋt, pʋla afohka, mikmʋt na shimahli pʋla, micha na halupa aiena ka sholi hosh yʋmmak ash ai ʋla tok.

Chan 18:31

Mihma Pailat ʋt, Isht oh ia cha, hʋchi̱ nan‐ʋlhpisa mak o̱ isht oh ai im apesá, im achi tok. Yohmi hatuk o̱ Chu okla hash osh, Hatak nana kia illa he il im apesa he ʋt a pim ʋlhpesa keyu hoke, okla im achi tok.

Chan 18:38

Pailat ash osh, Nan‐ai a̱hlika yak osh nanta ho? im achi tok. Mihmʋt ilʋppa achi mʋt, falamʋt kohchʋt Chu okla hash im ona mʋt, Nan ik ai‐ʋlhpeso nana kia a takali ka ak im akostinincho kʋmohmishke.

Chan 19:15

Yohmi kia okla chitoli hosh anumpulit, Kanima isht oh ia cha, kanima isht oh ia cha, ititaiyukhʋna oh ahonʋhlichí, achi ma, Pailot ash ot, Hʋchi̱ mi̱ko ya̱ ititaiyukhʋna ahonʋhlichi la chi̱ cho? im achi ma, na holitompa isht a̱sha pehlichi ʋhleha hash ot, Pi̱ mi̱ko ʋt iksho, Sesa ak banoshke, im achi tok.

Chan 19:4

Yohmi ma anonti Pailat ash ot ia cha, Yakeh! nana ik ai‐ʋlhpeso nana kia ai a takali na akostininchi li keyu ka hʋsh akostinincha chi̱ mak o̱, ilauelit hʋchi̱ kohchi lishke, im achi tok.

Apostel isht Anumpa 2:23

Yʋmma Chihowa yʋt nan tikbanli pit akostininchi, micha ik kaniohmi kia yohma he ma im anukfila cha, issa tok pulla hatuk mak o̱, hʋsh ishi cha, ibbak haksi yash isht iti taiyukhʋna a takalichit hʋsh bi tok.

Apostel isht Anumpa 7:52

Hopaii ʋhliha ha̱ katima kak o̱ hʋchin tikba ʋhleha hʋt ik ilbʋshacho ki tok o̱? Micha Aia̱hli ʋt a̱ya hi a̱, tikbanli anoli ʋhleha, yʋmma okla ʋbi tok o̱ mihi o̱ himak a̱ hʋchishno ʋt na haksichi, micha nan ʋbi aiena hʋsh a toyuba tuk oke.