Chan 19:4 - Chahta Holisso Holitopa 1886

⁴ Yohmi ma anonti Pailat ash ot ia cha, Yakeh! nana ik ai‐ʋlhpeso nana kia ai a takali na akostininchi li keyu ka hʋsh akostinincha chi̱ mak o̱, ilauelit hʋchi̱ kohchi lishke, im achi tok.

Chan 19:4 Iomraidhean Croise

Mahlu 27:19

Mihmʋt nan‐apesa aiasha ya̱ ont binili ma, tekchi ʋt pit im anolit, Yʋmmak atuk mak o̱ himak nitak a si holhpokunʋt nana isht ik sʋm ai achukmo kʋt an laua hatuk oka, hatak a̱hli achukma yʋmma nana chik kanihcho kashke, achi tok.

Mahlu 27:24

Pailat ash osh ilapʋt na kanihma he keyu, amba yahapa kak osh i̱ shahlit toba pulla hi a̱ akostininchi mʋt, oka kapʋssa ya̱ ishi cha, okla itikba ya̱ ibbak ai achifa mʋt, Hatak a̱hli achukma ilʋppa im issish a̱ isht si ahalaia keyu mak oke: hʋchishno ak osh isht hʋsh a̱shashke, im achi tok.

Mahlu 27:4

Nan ashʋchi keyu issish o̱ ishit okla ha̱ im issa li hokʋt ashʋchi lishke, achi tok. Mihma, Yʋmmʋt nanta isht pi ahalaia cho? yʋmmak okʋno chishno ak inli hosh ish pisashke, achi tok.

Mahlu 27:54

Sintulion micha api̱hʋt ma̱yʋt Chisʋs a̱ apesʋchi tuk aiena kash osh yakni winakʋchi, mihmʋt nana kʋt ai yakohmi puta na pisa mʋt, okla nukshopa fehna mʋt, Ilʋppak okʋt Chihowa ha̱ Ushi yo̱ mʋhli tuk pullʋshke, achi tok.

ʋBanumpa Luk Ʋt Holissochi Tok 23:4

Yohmi ma Pailat ash ot, na‐holitompa isht a̱sha pehlichi ʋhleha, micha okla puta kash, Hatak ilʋppa nan ik ai ʋlhpeso nana kia ak ai akostininchoshke, im achi tok.

ʋBanumpa Luk Ʋt Holissochi Tok 23:41

Micha pishno ak okʋto pim ai ʋlhpesa ho mʋhli; pishno nana il a kaniohmi tuk isht ai ʋlhtoba he ʋlhpesa mak o̱ e pisa hoka; amba hatak ilʋppak okʋto nana ho̱ okpʋni tuk keyushke, achi tok.

ʋBanumpa Luk Ʋt Holissochi Tok 23:47

Mihma nana kʋt ai yʋmohmi na Sintulion ʋt pisa mʋt, Ilʋppʋt hatak a̱hli achukma yatuk o̱ pulla mʋhlishke, achit Chihowa ya̱ holitoblichi tok.

Chan 18:33

Mihma Pailat ʋt atuklanchit nan‐ai‐apesa yash ont chukowa cha, Chisʋs a̱ i̱ howa mʋt, Chishno ak osh Chu okla i̱ mi̱ko chia mak oh cho? im achi tok.

Chan 18:38

Pailat ash osh, Nan‐ai a̱hlika yak osh nanta ho? im achi tok. Mihmʋt ilʋppa achi mʋt, falamʋt kohchʋt Chu okla hash im ona mʋt, Nan ik ai‐ʋlhpeso nana kia a takali ka ak im akostinincho kʋmohmishke.

Chan 19:6

Yohmi ma na‐holitompa isht a̱sha pehlichi ʋhleha, mikmʋt nan‐ʋlhtoka ʋhleha aiena kash ot yʋmmak ash pisa mʋt, chitoli hosh mihʋt, Ititaiyukhʋna ak o̱ oh ahonʋhlichí, ititaiyukhʋna ak o̱ oh ahonʋhlichí; ahanchi ma, Pailat ash osh, Oh ishi cha, ititaiyukhʋna ak o̱ oh ahonʋhlichí; ʋno yokʋto nana ik ai‐ʋlhpeso nana kia ai atakali ka ak im akostinincho hoke, im achi tok.

2 Kolinhlian 5:21

Yʋmmak atuk mak o̱ Chihowa nan isht im ai ʋlhpiesa e toba chi̱ ka, yʋmmʋt nan ashʋchi ithaiyana tok keyu ka, yʋmmak ash o̱ Chihowa yʋt nan ashʋchi yo̱ pim ikbi tok.

Heblu 7:26

Yohmi ka na holitompa isht ʋtta chinto, yʋmmak okʋt ai ashʋchika ik im iksho, nan ik okpano, na liteha iksho, nan ashʋchi ʋhleha ha̱ ai i̱ filʋmmi, micha chaha kʋt ʋba yakni yak kia i̱ shahli, yʋmmak chiyuhmi hosh pim ahanta he ai ʋlhpiesa hatok:

1 Pita 1:19

Amba Klaist im issish holitopa Chukfʋlhpobushi ai okpuloka iksho, micha liteha iksho yak a tok;

1 Pita 2:22

Yʋmmʋt nan ashʋchi tok keyu, haksichi kia itih ha̱ foyuka tok keyu:

1 Pita 3:18

Yohmi ka Klaist ak kia himonna ma nan ai ashʋchika pulla kak o̱ ai ʋlhpesa yʋt ik ai ʋlhpeso yak o̱ ʋlhtobʋt isht ilbʋsha tok; yohmi hosh pi pehliechit Chihowa ya̱ isht pim ona chi̱ ha tok: haknip okʋto illi ha tok kia, amba shilombish okʋto okcha̱ya tok:

1 Chan 3:5

Yohmi ka yʋmmak okʋt pim ai ashʋchika ya̱ isht hʋpi̱ kancha chi̱ mak osh ant haiaka tok a̱ hʋsh ithana; micha yʋmma ai ashʋchika nana hosh atakali keyushke.