Chan 18:8 - Chahta Holisso Holitopa 1886

⁸ Chisʋs ʋt afalaminchi mʋt, Ʋno ak osh mih sia hatuk ʋt hʋchim anoli li kʋno; yohmi hoka ʋno ak o̱ hʋs sa hoyo hatuk okmʋt, ilʋppak okʋno a̱sht ik itʋnowá, hʋsh im ahnashke.

Chan 18:8 Iomraidhean Croise

Mahlu 26:56

Yohmi kia hopaii ʋhleha hʋt holissohonchi tok a̱ ont aia̱hla chi̱ mak o̱, ilʋppa moma kʋt yakohmi tok. Yohmi ma nan ithʋna ʋhleha hatuk ʋt momʋt yʋmmak ash o̱ issʋt yihlepa tok.

Chan 10:28

Mikma ai‐okcha̱yʋt bilia ya̱ yʋmma im issa li; yohmi ka nitak nana ilbʋshʋt illa he keyukma, anonti kʋna kia yʋmmak ash sʋbbak a̱ a kohchit isha hi ʋt iksho hoke.

Chan 13:1

Nan ʋbanʋblit ont ia ai‐impa holitopa kʋt ik ai ono ki̱sha ho̱, Chisʋs ʋt ilapʋt yakni ilʋppa ai issʋt, I̱ki a̱ im ia chi̱ hʋshi kanʋlli ʋlhpisa kʋt ai ona ka ithaiyana mʋt, immi hʋt yakni paknaka a̱sha ka i̱ hullo hatuk ʋt, yʋmma i̱ hullo kʋt imomʋt ont illi tok.

Chan 13:36

Saimon Pita yash ot, Chitokaka ma! katima ko̱ ish ia chi̱ hoh cho? im achi ma, Chisʋs ʋt afalaminchi mʋt, Kanima yo̱ ia li hoka, himonasi kʋno pit is siakaiya he keyushke; yohmi kia i̱ himmak o̱ pit is siakaiya hi oke, im achi tok.

Chan 16:32

Inta! hatak ʋt ilap in chuka aiyukali ka ai ita fimimpʋt ilap banochit hʋs sa̱ filʋmma chi̱ ka hʋshi kanʋlli ai ʋlhpisa kʋt mihinti tuk osh, anonti himak okʋno ai ona hoke; yohmi kia A̱ki ak osh si ahina hoka, ʋno ak illa he keyushke.

Chan 18:7

Mihma atuklanchit i̱ ponaklot, Kʋta hak o̱ hʋsh hoyo cho? achi tok. Mihma, Chisʋs Nasalet minti ak oke, okla achi tok.

Chan 18:9

Yohmi na yʋmmak o̱ isht anumpuli hosh, Is sʋma tok ʋhleha hokʋt achʋfa kia ik sa̱ kʋnioshke, ahanchi tok a̱ ont ai a̱hlashke, achi tok.

1 Kolinhlian 10:13

Nana imomaka pisa nana hosh hʋchi onʋtula he keyu; amba hatak moma ka ai onʋtuyula chatuk chohmi kʋt yʋmmak oke; yohmi kia Chihowa yʋt ai a̱hli, yʋmmʋt nan hʋsh a lauecha he ont ia hokʋno imomaka hʋchi pisa hi a̱ ahna he keyu hoke; amba yʋmmak ash hʋsh a lauecha chi̱ ka nana imomaka pisa yʋt hʋchi ontuyulakma, a hlakofa he ata̱ya ya̱ hʋchim ikba he ak inli hoke.

2 Kolinhlian 12:9

Mihma, Nan isht ʋm i̱ kana yʋt isht chim ʋlhpesa hoke; nan ʋm isht hlampko yʋt ik hlampko yak o̱ isht im ai ʋlhtaha yoka, ʋm achi tok. Yʋmohmi hoka Klaist isht i̱ hlampko yʋt si onʋtuyula chi̱ ka, nan isht ik sa hlampko isht ilauata li kak osh ʋm ʋlhpesa chi̱ hoke.

Efeshan 5:25

I̱ hatak ʋhleha ma! hʋchi tekchi a̱ hʋsh i̱ hullo kʋt, Klaist ʋt chʋch a̱ i̱ hullo hosh, il im issa tok ak inli ka, hʋsh chiyuhmichashke:

1 Pita 5:7

Anukfila isht a hʋchi komunta puta ka yummak o̱ hʋsh onochashke: yohmi ka yʋmmʋt hʋchi anukfihinli hoka.