Chan 18:7 - Chahta Holisso Holitopa 1886

⁷ Mihma atuklanchit i̱ ponaklot, Kʋta hak o̱ hʋsh hoyo cho? achi tok. Mihma, Chisʋs Nasalet minti ak oke, okla achi tok.

Chan 18:7 Iomraidhean Croise

Mahlu 2:23

Yohmi ka hopaii ʋhleha hʋt anumpulit, Yʋmmak okʋt Nasalet hatak ʋtta hohchifa hi oke, achi tok a̱ ont ai a̱hla chi̱ ka, tʋmaha Nasalet hohchifo ho̱ ona cha, ahanta tok.

Chan 18:4

Yohmi ma Chisʋs ʋt nana hosh ilapa̱ ai onʋtuyula chi̱ puta moma ka ithana hatuk okʋt, iʋt ont afamʋt, Kʋta ho̱ hʋsh hoyo cho? im achi tok.

Chan 18:6

Atuk o̱, Ʋno ak osh mih sia mak oke, im achi makinli ho̱, okla obʋlhpelʋt iʋt aka ont kaha tok.

Chan 18:8

Chisʋs ʋt afalaminchi mʋt, Ʋno ak osh mih sia hatuk ʋt hʋchim anoli li kʋno; yohmi hoka ʋno ak o̱ hʋs sa hoyo hatuk okmʋt, ilʋppak okʋno a̱sht ik itʋnowá, hʋsh im ahnashke.