Chan 18:4 - Chahta Holisso Holitopa 1886

⁴ Yohmi ma Chisʋs ʋt nana hosh ilapa̱ ai onʋtuyula chi̱ puta moma ka ithana hatuk okʋt, iʋt ont afamʋt, Kʋta ho̱ hʋsh hoyo cho? im achi tok.

Chan 18:4 Iomraidhean Croise

1 Mi̱ko 18:10

Chin Chitokaka Chihowa ʋt okcha̱ya pulla ka, a̱ shahli hʋt okla nana kia, micha apehlichika nana kia, pit ik chi a hoyo ka ikshoshke: micha, Yʋmma iksho, achi ma, mi̱ko apehlichika micha yakni kia ik chi ahayucho tuk ʋt, anumpa kʋllo il onochit miha he, im apihi̱sa beka tok.

Atʋloa 27:3

Tʋshka chipota lawa hosh a̱ sʋnalit si ʋbenʋchit si ʋpakfoiyupah kia, sʋ chu̱kʋsh ʋt nukshopa he keyu hoke; tʋnʋp osh a̱ sʋnalit wʋkayah kia, ilʋppak oh kia, sʋ nuktaiyala hoke.

Atʋloa 3:6

Oklah tʋhlepah sipokni pokoli kʋnnohmi hosh a̱ sʋnalit si ʋpakfoiyupʋt hieli hoh kia, i̱ sʋ nukshopa he keyu hoke.

Mahlu 16:21

Nitak yʋmma ai ʋhlit ma̱ya kak o̱ Chisʋs ʋt ilapʋt Chelusalem a̱ ona cha, hatak hochitoka ʋhleha, micha na holitompa isht a̱sha pehlichi ʋhleha, na holissochi ʋhleha aiena ka nan isht im ai ilbʋsha in laua he, micha illichi tuk ma, nitak ont atuchinakma falamʋt tana he aiena ka nan im ai ithʋna ʋhleha ha̱ im anolit ishtia tok.

Mahlu 26:2

Nitak tuklokma ʋbanʋblit‐ontia impa hʋt a̱sha chi̱, mikma Hatak Ushi ʋt iti‐taiyukhʋna ahonʋhlʋt illa chi̱ mak o̱, ishit okla ibbak fohka chi̱ ka hʋsh ithaiyanʋshke, im achi tok.

Mahlu 26:21

Atuk osh okla impʋt ma̱ya ma, A̱hli mak o̱ hʋchi̱ miha lishke, Hʋsh achʋfona kʋt sʋshit okla ha̱ hʋsh im issa chi̱ hoke, achi tok.

Mahlu 26:31

Yohmi ma Chisʋs ʋt yʋmmak ash o̱, Himak ninak a̱ ʋno ak atuk mak o̱ hʋsh moma kʋt hʋch ibetʋbla chi̱ hoke. Chukfʋlhpoba apesʋchi a̱ issot kanchi likma, chukfʋlhpoba atuk ʋt itafimimpʋt a̱ya he, achi hosh holisso hatuk oka.

ʋBanumpa Luk Ʋt Holissochi Tok 24:44

Mihmʋt, Nan oklu̱ha kʋt isht a si annoʋt Moses, micha hopaii ʋhleha aiena i̱ holisso, mikmʋt ataloa holitopa aiena ka ai o̱ holisso tok ʋt ont aia̱hli pulla chi̱ mak o̱, hʋchi takla anta li moma kʋt anumpa ilʋppa puta ka isht hʋchim anumpuli li tok oke, im achi tok.

Chan 13:1

Nan ʋbanʋblit ont ia ai‐impa holitopa kʋt ik ai ono ki̱sha ho̱, Chisʋs ʋt ilapʋt yakni ilʋppa ai issʋt, I̱ki a̱ im ia chi̱ hʋshi kanʋlli ʋlhpisa kʋt ai ona ka ithaiyana mʋt, immi hʋt yakni paknaka a̱sha ka i̱ hullo hatuk ʋt, yʋmma i̱ hullo kʋt imomʋt ont illi tok.

Chan 13:11

Kʋna hosh ilapa ishit inla ibbak fohka chi̱ hoka ithana, yohmi hatuk osh, Momʋt hʋchi kashofa keyushke, achi tok.

Chan 18:5

Mihma, Chisʋs Nasalet minti ak oke, okla im achi ma, Chisʋs ash osh, ʋno ak osh mih sia mak oke, im achi tok. Mihma ishit inla im issa tok Chutas ash kia yʋmma ta̱kla hiki̱a tok.

Chan 18:7

Mihma atuklanchit i̱ ponaklot, Kʋta hak o̱ hʋsh hoyo cho? achi tok. Mihma, Chisʋs Nasalet minti ak oke, okla achi tok.

Chan 19:28

Yakohmi ha ya, nan oklu̱ha kʋt ont ai ʋlhtaha ka, Chisʋs ʋt ithana hatuk osh, Holisso Holitopa yʋt ont ai a̱hla chi̱ ka, Sa tukshilʋshke, achi tok.

Chan 6:64

Yohmi ka hʋsh kaniohmi mʋt ik yimmo kʋt hʋsh a̱shʋshke, im achi tok. Ʋmmonʋt isht auehinchi kak inli ho̱ kʋna hak osh ik yimmo ka he, mikma kʋna hak osh ilapa ishit inla ibbak fohka he aiena ka Chisʋs ʋt ithana tuk a tok.

Apostel isht Anumpa 2:28

Chishno yʋt ai okcha̱ya hina puta is sʋm otʋnichi tok; chishno ʋt chi nashuka ya̱, isht yukpalit is si alotola hi oke; ahanchi tok.

1 Pita 4:1

Yʋmohmi ka Klaist ʋt hʋchishno yak atuk pulla kak o̱ haknip a̱ isht ilbaha̱sha tok a̱, chiyuhmit hʋchishno yak kia im anukfila hatok chiyuhmi ka hʋsh il ataiyahli mak inlashke: yohmi ka haknip a̱ isht ilbaha̱sha tok ʋt nan ai ashʋchi ya̱ issʋt ai i̱ filʋmmi ha tok oke: