Chan 18:3 - Chahta Holisso Holitopa 1886

³ Yohmi hatuk osh Chutas ash ot hatak ai‐itapeha achʋfa, i̱ kʋpitʋni ʋhleha aiena ka na‐holitompa isht a̱sha pehlichi ʋhleha, mikmʋt Falisi ʋhleha aiena ka ai im ai ishi mʋt, pʋla afohka, mikmʋt na shimahli pʋla, micha na halupa aiena ka sholi hosh yʋmmak ash ai ʋla tok.

Chan 18:3 Iomraidhean Croise

Atʋloa 22:12

Wak nakni lawa kʋt si ʋfullublishke, Beshan aiyasha kʋllo putta kʋt si ʋpakfoiyupʋshke.

Mahlu 25:1

Yʋmma fokakma ʋba apehlichika yʋt ohoyo himithoa hatak ik halelo pokoli hosh pʋla sholit, hatak himona itauwaya chi̱ ka afamʋt ilhkoli tok o̱ chohma he.

Chan 13:2

Yohmi ka okhlili ai‐impa yʋt ont ʋlhtaha yʋmma fehna ma, yʋmmak ash ishit inla im issa chi̱ ka Setan ʋt Saimon ushi, Chutas Iskaliot chu̱kʋsh a̱ anukfohkichi hatuk o̱;

Chan 18:12

Yohmi ma hatak a̱ya achʋfa, micha kʋpitʋni, mikmʋt Chu okla nan ʋlhtoka ʋhleha aiena kash ot Chisʋs ash ishi cha, takchi tok.

Chan 18:18

Mihma kapʋssʋchi hatuk o̱, ilhtohno ʋhleha, micha nan ʋlhtoka ʋhleha aiena kash ot tobaksi yo̱ oti cha, libisha hosh hiohma̱ya tok; mihma Pita yʋt takla hiki̱ʋt libisha tok.

Chan 18:22

Ilʋppa yakohmichit anumpuli ma, nan‐ʋlhtoka ʋhleha hʋt achʋfʋt bili̱kasi hikia tuk osh, Chisʋs ash ibbak isht pasalichi mʋt, Na holitompa isht a̱sha pehlichi i̱ shahli ya̱ yakohmichi hosh ish im anumpuli cho? achi tok.

Chan 19:6

Yohmi ma na‐holitompa isht a̱sha pehlichi ʋhleha, mikmʋt nan‐ʋlhtoka ʋhleha aiena kash ot yʋmmak ash pisa mʋt, chitoli hosh mihʋt, Ititaiyukhʋna ak o̱ oh ahonʋhlichí, ititaiyukhʋna ak o̱ oh ahonʋhlichí; ahanchi ma, Pailat ash osh, Oh ishi cha, ititaiyukhʋna ak o̱ oh ahonʋhlichí; ʋno yokʋto nana ik ai‐ʋlhpeso nana kia ai atakali ka ak im akostinincho hoke, im achi tok.

Chan 7:32

Okla hʋt lumasit yakohmichit yʋmma isht anumpulit ma̱ya ka, Falisi ʋhleha hʋt haklo tok; micha Falisi ʋhleha, mikmʋt na‐holitompa isht a̱sha pehlichi ʋhleha aiena kash ot yʋmmak ash isha chi̱ ka, tishu ʋhleha ha̱ pit tihleli tok.

Apostel isht Anumpa 1:16

Hatak itibapishi li ʋhleha ma! Shilombish Holitopa yʋt tikbanli, Lewi ash itakha ai isht Chutʋs a̱ isht anumpuli tok o̱, Chisʋs okla ishi ka in tikba hika tuk a̱, ik kaniohmi kia holisso ilʋppʋt ai a̱hli tuk pulla hoke.

Apostel isht Anumpa 10:1

Hatak achʋfa Seselia ya̱ ahanta kʋt, Kanilis hohchifo hosh tʋshka chipota a̱ya achʋfa, Itili okla achi ho̱, i̱ kʋpitʋni ha tok.