Chan 18:11 - Chahta Holisso Holitopa 1886

¹¹ Mihma Chisʋs ʋt Pita yash o̱, Chi̱ bʋshpo falaia ya̱ i̱ shukcha pit fohkí; isht ishko A̱ki ʋt auet ʋma tok a̱ ak ai ishko ka hinla cho? im achi tok.

Chan 18:11 Iomraidhean Croise

Mahlu 26:39

Mihmʋt achakalit iʋt misha ituma ona mʋt, hlipiʋt itula cha, ʋba pit anumpuli mʋt, A̱ki ma! yohma hinla yoba hokma, isht‐ishko ilʋppʋt a̱ kanʋllashke: yohmi kia ʋno ak osh ahni li kak keyu, amba chishno ish ahni kak ashke.

Mahlu 20:22

Yohmi kia Chisʋs ʋt afalaminchi mʋt, Nana ho̱ hʋsh asilhha hokʋt hʋsh akostininchi keyushke. Hʋchishno ʋt isht‐ishko ai ishko la chi̱, yʋmma hʋsh ai ishka hinla cho? anonti baptismo isht a sa baptismo ka isht hʋchi baptisma hinla cho? im achi ma, yʋmmak ash osh, Pi yʋmohma hinla hoke, im achi tok.

Chan 20:17

Chisʋs ʋt, Ʋba iʋt A̱ki a̱ ak im ono ki̱sha hoka, is sa potoli ná; amba iʋt tibapishi li ʋhleha aiasha kak o̱ ona cha, A̱ki, mikmʋt hʋch I̱ki, an Chihowa, mikmʋt hʋchin Chihowa im ia li ka, ish im anolashke, im achi tok.

Chan 15:10

Ʋm anumpa ʋlhpisa puta ka hʋsh im antia hokmʋt, a sa holitobli kʋt a hʋchi bilia he: ʋno ʋt A̱ki a̱ im anumpa ʋlhpisa puta ka im antia li kʋt, ai i̱ hullo mʋt a sa bilia tok mak o̱ hʋsh chiyuhma hi oke.

Heblu 12:2

Chisʋs nan isht a pi yimmi ka pi nukfohkichi, micha atahli, yʋmmak osh nan isht ilaiyukpa yʋt itikba auet takali kak osh ʋlhpesa ahnit, ititaiyukhʋua ya̱ takalit, nan isht a hofahya nan isht ik im ahobo tok osh, Chihowa ai o̱ binili holitompa isht impakimma yak o̱ binili ka hʋsh pihi̱sashke.

2 Kolinhlian 10:4

Nan isht e tanampi yokʋto hatak osh nan isht tanampi yo̱ chohmi keyu, amba Chihowa pulla hatuk mak o̱ kʋllo ai a̱hli hosh nan a holihta kʋllo puta hatuk a̱ yuhlichi yoka.

ʋBanumpa Luk Ʋt Holissochi Tok 22:42

A̱ki ma! ʋlhpesa ish ahni hokmʋt, isht‐ishko ilʋppa i̱s sa̱ kanʋllichashke: yohmi kia ʋno ak osh ahni li kak o̱ keyu; amba chishno ish aiahni kak o̱ ai yʋmohmashke, achi tok.

Mahlu 26:42

Anonti atu̱kla ma ia cha, ont ʋba pit anumpuli mʋt, A̱ki ma! isht‐ishko ilʋppa ai ishko li ha yo keyukma, a̱ kanʋlla he keyu hokma, chishno nana ish aiahni ka yʋmohmashke, achi tok.

2 Kolinhlian 6:7

Nan a̱hli isht anumpa, Chihowa nan isht im ai a̱hli, isht impakimma, mikmʋt isht afʋbekimma ita tuklo kʋt nan isht ai ʋlhpiesa i̱ nan isht tanampi isht ai im ʋlhtaiyaha;

Chan 18:36

Chisʋs ʋt afalaminchi mʋt, Apehlichi li ka yʋt yakni ilʋppak inli keyushke. Apehlichi li ka yʋt yakni ilʋppak inli hatuk okma, Chu okla ibbak ak a fohko ka chi̱ ka, an tishu ʋhleha hʋt itihimba he tuk: amba himak okʋno apehlichi li ka yʋt ilʋppak inli ho̱ keyushke, achi tok.

Chan 17:24

A̱ki ma! is sʋma tok ʋhleha hak kia kanima yo̱ ai ahanta likma, si api̱hʋt a̱sha cha, nan‐isht ʋm aholitopa yʋmma is sʋma tok a̱ pisa he ak o̱, ahni lishke: yakni ʋt ik tobo ki̱sha mak o̱ is sa holitobli tok mak oke.

ʋBanumpa Luk Ʋt Holissochi Tok 12:30

Ilʋppa chohmi puta kak o̱ oklushi yakni paknaka aiasha kʋt hoyo chatuk mak oke: ilʋppa chohmi puta ka a hʋchi bʋnna hokʋno hʋch I̱ki ʋt ithana hoke.

Atʋloa 75:8

Isht ishko ʋt Chihowa ibbak a̱ foiyukka ho̱, oka pa̱kki ʋt wʋhlʋllih ma̱, nan ittaiyumah fehna hoka̱: yohmi ka̱ ilʋppak o̱ a tusholi na, hʋttak ik ʋlhpeso yakni paknaka aiyasha moma kʋt ishkot a tahlit lakchi banochih pulla hi oke.

2 Samuel 16:10

Mihma mi̱ko ʋt, Nanta ishit hʋchi ahalaia li cho? Seluiah ushi ʋhleha hʋchia ma! yohmit anumpa kalakshichi ik onochí, Chihowa ak osh Lewi ya̱ anumpa kalakshichi ik onochí, im achi hatuk oka. Yohmi ka kʋta hosh, Nanta katiohmi ho̱ ish yʋmihchi cho? acha hinla? achi tok.