Chan 18:1 - Chahta Holisso Holitopa 1886

¹ Chisʋs ʋt ilʋppa puta ka ahanchit in taiyaha mʋt, nan im ai ithʋna ʋhleha pehlinchit Kitlon bokushi a̱ pit tanʋblit osapushi ʋt yʋmma talaia tuk o̱, nan im ai ithʋna ʋhleha hash ai it api̱hʋt ont chukowa tok.

Chan 18:1 Iomraidhean Croise

Genesis 2:15

Mihma Chihowah Chitokaka yʋt hatak ash ishi cha, Eten osapushi ya̱ a toksʋlit atona chi̱ ho̱ bohli tok.

Genesis 3:23

Yohmi hatuk osh Chihowah Chitokaka yʋt yakni yʋmmak o̱ ai ishi tuk a̱ atoksʋla chi̱ ho̱ osapushi Eten a̱ a kochi tok.

2 Samuel 15:23

Mihma yakni moma kʋt chitoli hosh yaiya tok; mihma okla moma kʋt ʋbanʋblit ont ia tok; mi̱ko ak kia bokushi Kitlon a̱ ʋbanʋblit ia ma, okla moma kʋt ʋbanʋblit yakni haiaka hina yo̱ ia tok.

1 Mi̱ko 15:13

Micha ishki Maachah ak kia iti lokoli ya̱ naholbʋt toba ai ikbi tok atuk o̱, mi̱ko ohoyo atok a̱ kohchi tok; micha Asa ʋt i̱ naholbʋt toba ya̱ chanlit akʋchi cha, bok ushi Kitlon bili̱ka ya̱ a hukmi tok.

1 Mi̱ko 2:37

Yakohma hi oke, kohchʋt ish ia cha, Kitlon bokushi ya̱ ish ʋbanʋbli nitak yʋmma chilli pulla hi ʋt ish ithaiyanashke: chim issish ʋt chi noshkobo hak inli ho̱ onʋtoyulashke, im achi tok.

2 Mi̱ko 23:12

Micha alta puta Chutah i̱ mi̱ko ʋhleha hʋt ikbi tok o̱ Ahas im ʋba potʋlhpo ishit holmo o̱ hieli tuk, micha alta puta Manasseh ʋt ikbi tok o̱ Chihowa in chuka wanuta tuklo ka a hieli tuk aiena ka kinahlichi tok; micha yʋmma ai ishit malelit pushi ya̱ Kitlon bokushi ya̱ ont oka hlatʋbli tok.

2 Mi̱ko 23:4

Mihma mi̱ko ʋt naholitompa isht ʋtta i̱ shahli Hilkiah, micha naholitompa isht asha atukla hieli ʋhleha micha okhissa apistikeli ʋhleha aiena kʋt Chihowa in tempel a̱ nan aiʋlhto puta Baal in toba tok, micha Ashelah in toba tok, micha ʋba shutik nana puta moma in toba tok aiasha ka moma ishit kohcha chi̱ ka i̱ mi̱ha tok: mihmʋt Chelusalem a̱ kohchit Kitlon osapa puta isht ona cha, hukmit tahli mʋt, hituk chubbi ya̱ isht iʋt Behlel a̱ isht ona tok.

2 Mi̱ko 23:6

Micha Ashelah ha̱ Chihowa in chuka ya̱ kohchit Chelusalem kocha Kitlon bokushi ya̱ isht ona cha, Kitlon bokushi ya̱ a hukmit tahli mʋt, hʋhlit pushechit tahli cha, pushi ya̱ okla im ʋlla ʋhleha ahollohpi ya̱ o̱ fimmi tok.

Lefitikʋs 2:6

Ish bushullichi cha bila ish on hlatʋblashke: ilhpak im issa yoke.

Mahlu 26:30

Mihma ʋba isht taloa ya̱ okla taloʋt issa mʋt, okla kohchʋt nʋnih Alif a̱ pit ilhkoli tok.

Mahlu 26:36

Yʋmma foka ma Chisʋs ʋt yʋmmak ash o̱ pehlichi cha, yakni Ketsemane hohchifo ho̱ ona mʋt, nan im ai ithʋna ʋhleha hash o̱, yʋmma iʋt ont ʋba pit anumpʋli li ta̱kla ka, ilʋppak inli ho̱ hʋsh chi̱yashke, im achi tok.

Mark i̱ Holisso 14:26

Mihma ʋba‐isht‐taloa ya̱ okla taloa mʋt, kohchʋt Alif nʋnih ha̱ pit ilhkoli tok.

Mark i̱ Holisso 14:32

Mihma osapushi Ketsemane hohchifo talaia ho̱ okla ai ona tok: mihma nan im ai ithʋna ʋhleha hash o̱, Ʋba pit anumpuli la chi̱ ta̱kla ka ilʋppak inli ho̱ ho chi̱yá, im achi tok.

Mark i̱ Holisso 14:42

Ho taní; kiloh ilhkoli, sʋshit okla ibbak sa fohka chi̱ hokʋt olanlosi ʋlʋshke, im achi tok.

Chan 14:31

Yohmi kia A̱ki a̱ holitobli li ka, yakni ʋt ithaiyana chi̱ ka, A̱ki ʋt nana ho̱ ʋm apihi̱sa tok a̱, mih mak o̱ yʋmihchi li hoke. Ho wakayá, kiloh ilhkolí.

Chan 18:26

Na holitompa isht a̱sha pehlichi i̱ shahli im ilhtohno ʋhleha achʋfʋt Pita yʋt haksobish tʋbli tuk ash i̱ kanomi hosh, Chishno ak osh yʋmma awant osapushi a̱ ish anta ho̱, chi pisa li tuk keyu̱? achi tok.

Apostel isht Anumpa 21:11

Micha yʋmmak ashot a̱yʋt pim ʋla mʋt, Pal im ʋskofʋchi yash ishi cha, ilap ibbak micha iyi aiena ka isht takchi mʋt, Hatak ʋskofʋchi ilʋppʋt immi yatukma, Chu ʋhleha Cheluselem aiasha kʋt yakohmichit takchi cha, ishit okla nan ik ithano ibbak a̱ a fohka hi oke; Shilombish Holitopa yʋt achishke; ahanchi tok.