Chan 17:8 - Chahta Holisso Holitopa 1886

⁸ Anumpa is sʋma chash yʋmmak o̱ ima li ho̱kʋno; mihma yʋmma okla aiokpʋchi mʋt, ʋno ʋt chishno ak o̱ a chi a minti li hatuk a̱, okla akostininchi, micha chishno ak osh auet is sa kanchi tok aiena ka okla yimmi hatuk oke.

Chan 17:8 Iomraidhean Croise

Chan 17:14

Chim anumpa ha̱ ima li tuk oke: yohmi ma yʋmmak okʋt yakni a̱ ai immi keyu kʋt, ʋno ʋt yakni a̱ ai immi sia keyu kak inli ho̱ chohmi hatuk o̱, okla i̱ nukkilli hatuk oke.

Chan 15:15

Himak pilla kʋno ilhtohno hʋchi achi la he keyu; ilhtohno yokʋto, i̱ shahli hʋt nana ho̱ isht ahanta ka, akostininchi keyu chatuk; amba nana ho̱ A̱ki a̱ im a ha̱klo li tuk ʋt oklu̱yuha hʋchim anoli li hatuk okʋt, a̱ kana ʋhleha hʋchi achi lishke.

Chan 16:30

Nan oklu̱ha ka ish ithaiyana ka, hatak nana hosh nana ka a chim a ponakla hi o̱ keyu ka himak okʋno il akostininchishke; Chihowa ak o̱ a kohchʋt ish a̱ya tok pulla ka ilʋppak o̱ isht a pi yimmishke, okla im achi tok.

Chan 16:27

Hʋchishno ʋt hʋs sa̱ hullo, mikmʋt Chihowa ak o̱ a kochʋt a̱ya li hatok a̱ hʋchi yimmi tuk: yohmi hatuk o̱ A̱ki ʋt ilapo akinli kʋt hʋchi̱ hullo hoka.

1 Hlessalonian 2:13

Chihowa im anumpa ha̱ hʋsh pi̱ haponaklo mʋt, im anumpa nana ho̱ chohmichit hʋsh ishi keyu kʋt, amba ai a̱hli hoka, Chihowa im anumpa hoke, yʋmmʋt na yimmi hʋchia puta ka ai a̱hlit hʋchi atahli tuk ilʋppa pulla aiena kak o̱ Chihowa ya̱ yak oke il im ahni kʋt, il issa keyu hoke.

1 Chan 4:14

Micha pishno ʋt e pihi̱sa mak osh yakni a̱ okchalinchi a he I̱ki ʋt Ushi a̱ auet kanchi tok a̱ atokowa il anohonlishke.

Chan 17:21

Moyumʋt ai itib achʋfa kʋt, A̱ki chia hʋt ʋno a̱ is sʋbai acha̱fakma, anonti ʋno mʋt a chibai acha̱fa li kak inli ho̱ okla chiyuhmi cha, yʋmmak mʋt pishno a̱ a pibai acha̱fashke: yohmi na chishno ak osh auet is sa kanchi tok a̱ okla moma kʋt ithaiyanashke.

Chan 8:42

Chisʋs ash osh, Chihowa ak osh hʋch I̱ki atuk okma, hʋs sa̱ hulla he tuk oke; ʋno ʋt Chihowa yak o̱ a kohchʋt a̱ya li hosh ʋla li ha tok oka; yohmi kʋt ʋno ʋm anukfila akinli hosh ʋla li tok keyu; amba yʋmmak osh auet sa kanchi tok oke.

Chan 14:10

Ʋno ʋt A̱ki ibai acha̱fa likma, anonti A̱ki ʋt ʋno a̱ a sʋbai acha̱fa ka ik chi yimmo cho? anumpa hʋchim anumpohonli li kʋt ʋno akinli ʋm anukfila hosh anumpuli li keyushke; amba A̱ki sʋbai acha̱fa yʋmmak osh nana ka ai yʋmihchi hoke.

Chan 12:49

Ʋno akinli hosh nana ka ahnit anumpuli li tuk keyu hoka; amba auet sa kanchi tok A̱ki ak osh nana ho̱ achi la he, mikmʋt nana ho̱ anumpuli la he aiena ka nana ʋm apesa ha tok.

Chan 6:68

Mihma Saimon Pita yʋt afalaminchi mʋt, Kʋta hak o̱ il im ia hinla cho? chishno ak osh ai okcha̱yʋt bilia isht anumpa ha̱ ish ieshishke.

1 Hlessalonian 4:1

Yʋmohmi ka anonti itibapishi li ʋhleha ma! Chitokaka Chisʋs puyulla ho̱ isht e hʋchim anumpohonli kʋt, yʋmmʋt kaniohmit a̱yʋt Chihowa ya̱ hʋsh yukpala hi osh hʋsh pi a haponaklo tok ʋt, yʋmohmit chitot isht i̱ shahli fehnʋt hʋsh ma̱ha̱ya he ak o̱ e hʋchim asilhhʋshke.

1 Kolinhlian 15:1

Yʋmohmi ka itibapishi ʋhleha ma! ʋbanumpa yʋmmak o̱ hʋchim anumpohonli li yʋmma hʋsh ishi tuk osh, anonti mihi yo̱ anukfoyukʋt hʋsh ma̱ha̱ya ka, yʋmmak inli ho̱ hʋch im anohonli lishke:

Chan 17:23

Ʋno ʋt ilʋppa ai ibacha̱fa likma, anonti chishno mʋt auet is sʋbai acha̱fa; ai yakohmi ho̱ yʋmmak osh ont ai a̱hli achʋfa ka tobashke; yohmikma chishno ak osh auet is sa kanchi tok; a tok osh ilʋppak oka ish i̱ hullo kʋt ʋno a̱ is sa̱ hullo kak inli ho̱ ish chohmichi ka, yakni ʋt ithaiyanashke.

Chan 17:18

Chishno ʋt yakni paknaka ya̱ auet is sa kanchi tok mak o̱, chohmichit ʋno mʋt ilʋppak ma yakni paknaka ya̱ a tihlehinli lishke.

Mahlu 13:11

Mihma afalaminchi mʋt, Hʋchishno yokʋto nan ik otano ʋba apehlichika ahala̱ya puta ka hʋsh ithana hi okʋt hʋchim ʋlhpisa ha tok; amba yʋmmak okʋto im ʋlhpisa keyu hoka.

1 Kolinhlian 11:23

Chitokaka ya̱ im ishi li tuk mihi yo̱ hʋch ihi̱ma li; yohmi ka Chitokaka Chisʋs ʋt tʋnʋp ibbak fohka chi̱ ninak yʋmmak inli mʋt pʋska ya̱ ishi tok.

Chan 3:33

Kʋna hosh, yʋmmʋt nan ai ʋlhtokowa anoli ka yimmit aiokpʋchi hokʋto, Chihowa yʋt aia̱hli ka, aia̱hlichi hosh yimmi hoke.

Chan 3:17

Yakni ak o̱ ilbʋshacha chi̱ ho̱, Chihowa yʋt Ushi a̱ auet ima tok keyu hoka; amba yʋmmak atuk mak o̱ yakni ʋt isht ai okcha̱ya hi a tok;

Tutelonomi 18:18

Itibapishi ʋhleha im itin takla ya̱, Hopaii chishno chohmi ho̱ i̱ hilechi la hi oke, micha ʋm anumpa ha̱ itih ha̱ fohkalikma, im apesa li tuk mak o̱, moma ho̱ im anumpula hi oke;

Chan 17:3

Yohmi ka Chishno ak illa kak osh Chihowa a̱hli chia ka, micha Chisʋs Klaist auet ish kanchi tok ma okla ithaiyana he ak o̱ ilʋppak osh ai‐okcha̱yʋt bilia yoke.

Nan Otʋni 1:1

Chisʋs Klaist nan isht otʋninchi yʋmmak oka Chihowa hʋt ima na in chekosikma nana a kaniohmi pulla chi̱ ka, in tishu ʋhleha ha̱ im otʋnincha hi a tok; atuk o̱ yʋmmak ash osh im enchil ak o̱ pit chʋffichi hosh in tishu Chan a̱ nan it apesa hosh im anoli tok.