Biblia Todo Logo
Bìoball air-loidhne

- Sanasan -




Chan 17:5 - Chahta Holisso Holitopa 1886

5 Yohmi ka, A̱ki ma! yakni ʋt iksho mak o̱ na holitopa ka isht chiba holitopa li ya tok mak o̱, himak a̱ chishno a̱ ai il a aieninchit is sa holitoblichashke.

Faic an caibideil Dèan lethbhreac




Chan 17:5
20 Iomraidhean Croise  

Yohmikmʋt Mi̱ko ash osh im ibbak isht‐impak‐imma a̱sha kash o̱, A̱ki i̱ holitopa hʋchia ma! ho minti, ʋba apehlichika yakni ʋt ik tobo ki̱sha mak o̱ hʋchim ʋlhtaha tok ʋt hʋsh ai ahantashke.


Hatak nana hosh Chihowa ya̱ nitak nan ash o̱ pisa tok keyu: Ushi holitopa achʋfa illa I̱ki shakba ya̱ afoyuka, yʋmmak atuk okʋto yʋmmak oka otʋninchi tok oke.


Ʋno, A̱ki itatuklo li kʋt il it ibai achʋfa hoke, achi tok.


Mihma Chisʋs ʋt, Chi takla ahanta li̱ hopakit taiyaha ka, Filip ʋt chik sʋthano ki̱sha tuk oh cho? kʋna hosh ʋno a̱ sa pi̱sakmʋt, A̱ki a̱ pi̱sa hatuk; yohmi ka katiohmi ho̱, Chi̱ki a̱ ish pi̱ haiakʋchashke, ish achi cho?


Anumpa ilʋppa puta ka Chisʋs ʋt anumpohonli mʋt, ʋba pit ʋba chakali cha, A̱ki ma! hʋshi kanʋlli ʋlhpisa yʋt ai onʋshke. Chiso ha̱ ish holitoblichi na anonti chiso mʋt chi holitoblichi akinlashke.


A̱ki ma! is sʋma tok ʋhleha hak kia kanima yo̱ ai ahanta likma, si api̱hʋt a̱sha cha, nan‐isht ʋm aholitopa yʋmma is sʋma tok a̱ pisa he ak o̱, ahni lishke: yakni ʋt ik tobo ki̱sha mak o̱ is sa holitobli tok mak oke.


Yohmi ka hatak nana hosh ʋba ya̱ ia tuk keyu; amba ʋba ya̱ mintit ʋla tok Hatak Ushi ʋba ya̱ a̱sha yʋmmak illʋshke.


Mihma Chisʋs ʋt A̱hlishke, a̱hli mak o̱ hʋchim achi lishke, Eblaham ʋt iksho ki̱sha ma, anta li tok oke, im achi tok.


Yʋmmʋt Chihowa hoyulba yatuk osh, Chihowa ya̱ ile itilauechi kʋt na wehpuli ya he ahni tok keyu.


Micha Chitokaka chishno yak osh ʋmmona kash inli ho̱ yakni ilʋppa intolahpi ka ish boyuhli tok; mihmʋt nana moma ʋba shutik ai asha ka, chibbak ak osh ihi̱kbi tok.


Yʋmmak ash osh Chihowa isht a holitopa shohmalali, micha Chihowa mih fehna yatuk, micha nan oklu̱ha ka im anumpa kʋllo ai a̱hli kak o̱ isht ieshi hosh ai ashʋchika isht a pi̱ kashofa hi a̱ ataiyahli tok osh, Nan oklu̱ha imaiya ʋba chaha moma i̱ shahli ka a binili im isht impak imma ak o̱ binili tok.


Yʋmmak osh yakni intolahpi ʋt ik tobo pilla kash o̱ tikbanli ʋlhtoka tok osh, hʋchishno yak atuk pulla kak o̱ himak ont ishtaiyopi ilʋppa otaiyani tok oke;


Hʋchishno yʋt yʋmmak atuk pulla kak o̱ Chihowa ha̱ hʋch i̱ yimmi pulla kʋt, yʋmmak osh illi tuk a̱ falaminchit tanichi cha, isht a holitopa ka ima tok oka; ai okcha̱ya ya̱ Chihowa yak o̱ im ai ishi la he ai ahnit, hʋch i̱ yimmashke.


Ai okcha̱ya yʋmmʋt haiaka na e pihi̱sa tuk osh atokowa anolit, Ai okcha̱ya bilia yʋmmʋt I̱ki a̱ takla ahanta chatuk mak osh, ant pi̱ haiaka tok a̱ e hʋchim anoli hoke.


Mikma kʋna hosh hohchifo hʋt yakni tobʋt a minti tok ai ʋhli ka ʋlhtobʋt illi tok Chukfʋlhpobushi i̱ holisso ai‐okcha̱ya a holisso tok keyu kʋt, yakni pakna ai asha moma kʋt yʋmmak ash o̱ aiokpahancha chi̱ hoke.


Kʋna hosh nana ka imaiyachit a hlopulli hokʋto, mihi yosh, ʋno ʋt imaiyachit a hlopulli lish, A̱ki a̱ awant im ai o̱ binili holitompa ya̱ a binili li kʋt, yʋmmak inli ho̱ chohmit ʋm ai o̱ binili holitompa ya̱ a binila chi̱ ka, im apesa la he mak oke.


Lean sinn:

Sanasan


Sanasan