Chan 17:4 - Chahta Holisso Holitopa 1886

⁴ Yakni paknaka ya̱ a chi holitoblichi lishke. Na‐toksʋli isht ahanta la hi o̱ is sʋm apesa tok a̱, atahli lishke.

Chan 17:4 Iomraidhean Croise

ʋBanumpa Luk Ʋt Holissochi Tok 22:37

Yohmi kʋt yʋmmak ash ot, Nan‐ʋlhpisa kobʋffi ʋhleha ho̱ ai iba holhtina tok, achi holisso tok ilʋppʋt ʋno ak o̱ ant si ai isht ai a̱hla chi̱ ka pulla moma hoke; nana kʋt ʋno ak o̱ sʋsht anumpa tok okʋto ont ai ʋhla chi̱ mak oke, im achi tok.

Chan 12:28

Chi̱ hohchifo ha̱ ish holitoblichashke, A̱ki ma! achi tok. Yohma ma ʋba ya̱ auet ai anumpa kʋt, Yʋmmak oka holitoblichi li tuk osh, anonti himmakma holitoblichi la chi̱ akinli hoke, achi tok.

Chan 14:13

Micha a̱ hohchifo pulla ho̱ nana ka isht hʋsh asilhha hokma, I̱ki ʋt Ushi a̱ ai isht a holitopa ai a̱hla hi a̱, mihi yo̱ yʋmihchi la hi oke.

Chan 14:31

Yohmi kia A̱ki a̱ holitobli li ka, yakni ʋt ithaiyana chi̱ ka, A̱ki ʋt nana ho̱ ʋm apihi̱sa tok a̱, mih mak o̱ yʋmihchi li hoke. Ho wakayá, kiloh ilhkolí.

Chan 15:10

Ʋm anumpa ʋlhpisa puta ka hʋsh im antia hokmʋt, a sa holitobli kʋt a hʋchi bilia he: ʋno ʋt A̱ki a̱ im anumpa ʋlhpisa puta ka im antia li kʋt, ai i̱ hullo mʋt a sa bilia tok mak o̱ hʋsh chiyuhma hi oke.

Chan 19:28

Yakohmi ha ya, nan oklu̱ha kʋt ont ai ʋlhtaha ka, Chisʋs ʋt ithana hatuk osh, Holisso Holitopa yʋt ont ai a̱hla chi̱ ka, Sa tukshilʋshke, achi tok.

Chan 19:30

Yohmi hatuk o̱ Chisʋs ʋt wineka yash ishkot pisa mʋt, Ʋlhtaiyahʋshke, achi tok; yohmi cha aka yuhchunukli mʋt, fiopissa tok.

Chan 4:34

Chisʋs ash ot, Auet sa kanchi tok nan ahni kak o̱ a yʋmohmi, micha i̱ na‐toksʋli atahli aiena kak osh ʋm ilhpak oke.

Chan 5:36

Yohmi kia nan atokowa si anoli kʋt Chan a̱ i̱ shahlichi kʋt a̱sha hoke; na toksʋli atahli la hi o̱ A̱ki ʋt ʋm apesa tok o̱, na toksʋli ho̱ isht ahanta li ka yʋmmak osh, A̱ki ʋt auet sa kanchi tok o̱ mʋhli ka, atokowa si anohonli hoke.

Chan 9:3

Chisʋs ash ot afalaminchi mʋt, Hatak ilʋppak okmá, keyukmʋt i̱ki, ishki ita‐tuklo ka a kanima kak osh nana ashʋchi tok o̱ keyu hoke; amba Chihowa nan‐isht im ai a̱hlika yʋt ilʋppak o̱ isht ai otʋna he mak o̱, ai yakohmi tok oke.

Apostel isht Anumpa 20:24

Yohmi kia nan ilʋppa puta kʋt achʋfona kia ik sa folulechoshke, micha na yukpa hosh a̱ nitak ma, micha nan isht ʋtta Chihowa achukma ka anoli, ʋbanumpa im abʋchi la he, Chitokaka Chisʋs a̱ ai im ishi li tuk ʋt atahli la chi̱ kʋt, ʋm ilhfiopak a̱ a̱ holitopa ak ai ahnoshke.

2 Timohli 4:7

Itibi achukma ka itihimbit atahli lishke, nan isht ai ahanta la hi atuk ʋt atahli lishke, ʋbanumpa sai yimmi kʋt ai a̱hli hosh achunanchi lishke: