Chan 17:3 - Chahta Holisso Holitopa 1886

³ Yohmi ka Chishno ak illa kak osh Chihowa a̱hli chia ka, micha Chisʋs Klaist auet ish kanchi tok ma okla ithaiyana he ak o̱ ilʋppak osh ai‐okcha̱yʋt bilia yoke.

Chan 17:3 Iomraidhean Croise

Atʋloa 9:10

Yohmi kak o̱ chi hohchifo ha̱ ithaiyana ʋhleha hʋt chi anukchieto hokeh; oklah chi ho̱ho̱yo ka̱ ish kanchih keyu yoka̱, Chihowa ma.

Mark i̱ Holisso 9:37

Kʋna hosh sa hohchifo pulla hatuk mak o̱ ʋlla ilʋppa chohmi achʋfona ka holitoblikmʋt, ʋno ak o̱ sa holitobli hoke: mikma kʋna hosh ʋno a̱ sa holitoblik mʋt, ʋno ak o̱ sa holitobli ho̱ keyu, amba auet sa kanchi tok ak oke, im achi tok.

ʋBanumpa Luk Ʋt Holissochi Tok 9:48

Mihmʋt, Kʋna hosh ʋlla ilʋppa ʋmmi hohchifo ho̱ ahninchi hokʋto, ʋno ak o̱ si ahninchi hoke: mikmʋt kʋna hosh ʋno a̱ si ahninchi hokmʋt, yʋmmʋt auet sa kanchi tok ma pit ahninchi hoke: kanima hosh moma ik a lauwo kʋt hʋchi takla ahanta hokʋto, mihi yosh moma i̱ shahla hi oke, im achi tok.

Chan 10:36

I̱ki ʋt na‐holitopa ka isht a im atokoli cha, yakni a̱ auet kanchi tok o̱, Chihowa Ushi sia hoke, achi li tuk ak o̱, Nan ik ahobalot ish anumpuli, hʋsh achi hoh cho?

Chan 11:42

Yohmi kʋt is sa haiyaklo a bilia chatuk a̱ ithaiyana li kʋno; yohmi kia okla ilʋppa hiohma̱ya kʋt, chishno ak osh auet is sa kanchi tok a̱ ai yimma chi̱ kak o̱, yʋmma achi li tuk oke, achi tok.

Chan 14:26

Yohmi kia nanuktalali, yʋmmʋt Shilombish Holitopa mak o̱ a̱ hohchifo pulla hatuk mak o̱ A̱ki ʋt auet kancha chi̱ hoka, yʋmmak osh nan oklu̱ha ka hʋch ithʋnanchit, nana ho̱ hʋchim ahanchi li tuk ma, moma falaminchit hʋchi anukfohka hi oke.

Chan 17:18

Chishno ʋt yakni paknaka ya̱ auet is sa kanchi tok mak o̱, chohmichit ʋno mʋt ilʋppak ma yakni paknaka ya̱ a tihlehinli lishke.

Chan 17:21

Moyumʋt ai itib achʋfa kʋt, A̱ki chia hʋt ʋno a̱ is sʋbai acha̱fakma, anonti ʋno mʋt a chibai acha̱fa li kak inli ho̱ okla chiyuhmi cha, yʋmmak mʋt pishno a̱ a pibai acha̱fashke: yohmi na chishno ak osh auet is sa kanchi tok a̱ okla moma kʋt ithaiyanashke.

Chan 17:23

Ʋno ʋt ilʋppa ai ibacha̱fa likma, anonti chishno mʋt auet is sʋbai acha̱fa; ai yakohmi ho̱ yʋmmak osh ont ai a̱hli achʋfa ka tobashke; yohmikma chishno ak osh auet is sa kanchi tok; a tok osh ilʋppak oka ish i̱ hullo kʋt ʋno a̱ is sa̱ hullo kak inli ho̱ ish chohmichi ka, yakni ʋt ithaiyanashke.

Chan 17:25

A̱ki a̱hli achukma ma! yakni ʋt ik chithanoshke; yohmi kia ʋno ʋto chithana li; mihma chishno ak osh auet is sa kanchi tok a̱ ilʋppak okʋto akostininchi hatuk oke.

Chan 17:8

Anumpa is sʋma chash yʋmmak o̱ ima li ho̱kʋno; mihma yʋmma okla aiokpʋchi mʋt, ʋno ʋt chishno ak o̱ a chi a minti li hatuk a̱, okla akostininchi, micha chishno ak osh auet is sa kanchi tok aiena ka okla yimmi hatuk oke.

Chan 3:17

Yakni ak o̱ ilbʋshacha chi̱ ho̱, Chihowa yʋt Ushi a̱ auet ima tok keyu hoka; amba yʋmmak atuk mak o̱ yakni ʋt isht ai okcha̱ya hi a tok;

Chan 3:34

Chihowa yʋt atohno tok a̱, yʋmmak okʋt Chihowa im anumpa ho̱ anumpohonlishke; yʋmmak oka Shilombish ʋt ʋlhpisa ho̱ Chihowa yʋt ihi̱ma keyu hoka.

Chan 5:44

Ilap bi̱ka ai it im aholitopa yak o̱ hʋsh aiahni cha, Chihowa ak illa ai im a holitopa hi ano hʋsh ahni keyu kʋt, katiohmi kak osh hʋchi yimma hinla cho?

Chan 6:57

A̱ki okcha̱ya yʋt ʋno a̱ auet sa kanchi tok o̱, A̱ki ak o̱ ʋno ʋt ai okcha̱ya li hatuk a̱, kʋna hosh ʋno a̱ sʋpa hokʋt, yʋmmak inli ho̱ chohmit ʋno ak o̱ si ai okcha̱ya hi oke.

Chan 7:29

Amba ʋno ʋto yʋmmak o̱ a minti li tuk okʋt, yʋmma ithana li hoke; yʋmmak osh auet sa kanchi tok mak oke, achi tok.

Chan 8:19

Yohmi ma Katima ko̱ Chi̱ki ʋto a̱sha hosh? okla im achi tok. Chisʋs ʋt afalaminchi mʋt, Ʋno, mikmʋt A̱ki ita tuklo li ka hʋch ik pithanoshke; ʋno a̱ hʋs sʋthana hatuk okmʋt, A̱ki ma hʋsh ithana he tuk akinli hoke, im achi tok.

1 Kolinhlian 15:34

Yohma he ai ʋlhpiesa hoka oh okcha, micha na hʋch ik ashʋcho kashke; kanimi kʋt Chihowa nan isht im ithaiyana ik im iksho hoka. Hʋchi hofahya chi̱ ho̱ ilʋppa hʋchim anumpuli lishke.

1 Kolinhlian 8:4

Na holbʋt toba puta isht aiokpʋchit nana ka im issa tok yʋmmak o̱ ʋpa hatuk imma tok okʋno, na holbʋt toba yʋt yakni pakna ya̱ nana ho̱ keyu; micha Chihowa inla yʋt iksho, amba achʋfa kak illa ka iloh ithanʋshke.

2 Kolinhlian 4:6

Tohwikeli hʋt ai okhlilika ya̱ a kohchʋt tomma chi̱ ka, Chihowa yʋmmak osh im apesa tok okʋt, Chihowa im aholitopa nan isht ithaiyana im a tohwikeli hʋt Chisʋs Klaist i̱ nashuka a minti mak o̱ pima chi̱ hosh pi chu̱kʋsh a̱ a tommi hatuk oka.

Filippian 3:10

Yʋmohmi ka Klaist, micha yʋmmʋt illit tani tok nan isht im ai a̱hli, micha yʋmmʋt ai ilbʋsha tok a̱ iba ta̱kla kʋt kaniohmi aiena ka ithana lish, yʋmmʋt illi tok a̱ hoyulba la chi̱ kak a hetuk oke.

Filippian 3:8

A̱hli mʋhlishke, yohmi kʋt Klaist Chisʋs an Chitokaka ithana achukma fehna kak o̱ nana puta kʋt peh ik ahobo ahni lishke; yʋmma pulla kak o̱ nana puta kʋt isht a̱ kʋnia, mikmʋt yʋmmak ash o̱ chopilhkʋsh a̱ chohmichi li, yʋmohmit Klaist a̱ asitʋbi li,

1 Hlessalonian 1:9

Micha yʋmma chohmi puta kak osh pi anoli kʋt, kaniohmit e hʋch iba chukowa tok; micha kaniohmit Chihowa a̱hli okcha̱ya ya̱ hʋsh im antia chi̱ hosh, na holba ya̱ i̱ filʋmmit Chihowa hʋsh im ona tuk a̱ anoli hoke.

2 Hlessalonian 1:8

Ʋba mintit luak libbi biekʋt haiakʋt, Chihowa ik ithano, micha Chitokaka Chisʋs Klaist im ʋbanumpa ik im antio aiena ka isha he ʋlhpesa mak o̱ im apesʋt onochikma;

Heblu 3:1

Yʋmohmi hoka itibapishi holitopa ʋhleha ʋba nan isht ilaiyukpa et annoho̱wa ka ibai i̱shi hʋchia ma! Apostel, micha Na‐holitompa isht ʋtta chinto, Chisʋs Klaist a̱ il ithaiyana, il il apihi̱sa tok a̱ hʋsh anukfihinlashke.

2 Pita 1:2

Chihowa, micha Chisʋs pin Chitokaka hʋsh ithaiyana kak osh nan isht i̱ kana, micha isht it i̱ nanaiya aiena kʋt hʋchin lauashke;

2 Pita 1:3

Yohmi kʋt ilap ai a̱hli kak osh nan oklu̱ha isht ai okcha̱ya, micha Chihowa isht holitobli imma aiena ka pihi̱ma kʋt, ilap ithʋna kak osh nan ashʋchi ik pim iksho hosh isht a holitopa ya̱ e pihi̱sa he mak o̱, pi atokoli tok:

2 Pita 1:8

Yohmi ka nana ilʋppa puta kʋt hʋchi anukfoyuka kʋt isht i̱ shahlit lauʋt ia hokmʋt, pin Chitokaka Chisʋs Klaist hʋsh ithaiyana kʋt, in takobit hʋch ik ʋno ka hi o̱ hʋch ikbi keyu hoke.

1 Chan 1:2

Ai okcha̱ya yʋmmʋt haiaka na e pihi̱sa tuk osh atokowa anolit, Ai okcha̱ya bilia yʋmmʋt I̱ki a̱ takla ahanta chatuk mak osh, ant pi̱ haiaka tok a̱ e hʋchim anoli hoke.

1 Chan 1:3

Hʋchishno mʋt hʋsh pibai achʋfa he mak o̱, nana ka e pihi̱sa tuk, micha e haha̱klo tuk aiena kʋt e hʋchim anoli hoke: yohmi kʋt pishno ʋt I̱ki, micha Ushi Chisʋs Klaist aiena kak o̱ il ibai achʋfa mʋhli hoke.

1 Chan 2:23

Kʋna hosh Ushi a̱ i̱ yimmi keyukmʋt, yʋmmak osh I̱ki a̱ pit ahalaia keyu mak oke; amba Ushi a̱ i̱ yimmi hokʋto I̱ki a̱ ib ahalaia ak inli hoke.

1 Chan 4:6

Pishno ʋt Chihowa ak o̱ immi hʋpia hoke; kʋna hosh Chihowa ya̱ ithana hokmʋto, hʋpi̱ haponaklo: kʋna hosh Chihowa ya̱ immi keyu hokʋto, ik hʋpi̱ haponakloshke. Ilʋppak o̱ shilombish ai a̱hli, mikmʋt shilombish na yoshubli aiena ka isht il akostininchishke.

1 Chan 5:20

Micha Chihowa Ushi ʋt ʋla cha, yʋmmak osh nan ai a̱hli ka mak atuk ash il akostinincha chi̱ ka, nan isht akostininchi a̱ pi anukfoki tuk a̱ iloh ithanʋshke; yohmi ho̱ pishno ʋt yʋmmak osh nan ai a̱hli ka mak atuk Ushi Chisʋs Klaist a̱ il ai ibai achʋfa hoke. Ilʋppak osh Chihowa ai a̱hli, micha ai okcha̱yʋt bilia mak oke.