Chan 17:2 - Chahta Holisso Holitopa 1886

² Laua kʋt kaniohmi ho̱ ish im ihi̱sa tuk ma, yʋmmak ash ai okcha̱yʋt bilia yo̱ yʋmmak ash ot ima hi ʋt, hatak puyuta ma ai imaiya he mak o̱, ish im apihi̱sa tok oke.

Chan 17:2 Iomraidhean Croise

Atʋloa 110:1

Chihowa hʋt a̱ Shahli ya̱, “Ʋm ishtimpakimma ya̱ ish binnili na, chi̱ tʋnʋp ʋhleha ha̱ chiyi ai o̱ hikia ikbi li hayashke,” achishke.

Mahlu 11:27

A̱ki ʋt nan oklu̱ha ka sʋbbak fohkishke: yohmi ka Ushi ya̱ hatak nana kia ik ithano ho̱, amba I̱ki ak banoshke; mikma I̱ki a̱ hatak nana kia ik ithano ho̱, Ushi ak illa, micha Ushi ak osh kʋna ho̱ im otʋnichi hok mak bano hoke.

Mahlu 25:46

Yohmikma yakohmi kash osh ai issikkopa bilia mak o̱ pit ilhkola he, amba hopoyuksa yokʋto aiokcha̱yʋt bilia yo̱ ia hi oke.

Mahlu 28:18

Yohmi ma Chisʋs ʋt ʋla cha, ant im anumpuli mʋt, Ʋba yakni, micha yakni ilʋppa aiena nan‐isht im ai a̱hlika puta moma kʋt ʋmmi toba hoke.

Chan 17:24

A̱ki ma! is sʋma tok ʋhleha hak kia kanima yo̱ ai ahanta likma, si api̱hʋt a̱sha cha, nan‐isht ʋm aholitopa yʋmma is sʋma tok a̱ pisa he ak o̱, ahni lishke: yakni ʋt ik tobo ki̱sha mak o̱ is sa holitobli tok mak oke.

Chan 17:6

Hatak puta ka yakni ak o̱ ai ishit is sʋma hatuk a̱, chi̱ hohchifo ha̱ im otʋninchi li hokʋno; yʋmmak okʋt chimmi hatuk o̱, is sʋma hatuk oka, chim anumpa ha̱ okla holitobli tuk oke.

Chan 17:9

Yʋmmak o̱ isht chim ilbʋshʋt anumpuli lishke; yakni ak o̱ isht chim ilbʋshʋt anumpuli li keyu, amba ilʋppak o̱ is sʋma tok a̱, yʋmmʋt chimmi ʋhleha hoka, isht chim ilbʋshʋt anumpuli lishke.

Chan 3:35

I̱ki ʋt Ushi a̱ i̱ hullo kʋt nan oklu̱ha ka yʋmma ibbak o̱ fohkishke.

Chan 4:14

Amba kʋna hosh oka ya̱ ipeta la chi̱ yʋmmak o̱ ishko hokʋto, nitak nana itukshila he keyu; amba ʋno ak osh oka ya̱ ipeta la chi̱ hokʋno, yʋmmak atuk ma a foyukʋt tobohonli na nitak bília hi oke im achi tok.

Chan 6:27

Ilhpak ʋt okpula hi okʋno ahnit hʋch ik toksalo kashke; amba ilhpak ʋt ik taho hosh ai‐okcha̱yʋt bilia ya̱ ona hinla, yʋmma Hatak Ushi ʋt hʋch ima he yʋmmak ash ke: yʋmmak o̱ I̱ki Chihowa yʋt ai atokolit ai im aia̱hlichi hatuk oke, im achi tok.

Chan 6:37

A̱ki ʋt ʋma hokʋno momʋt ʋm ʋla hi oke; mikma kʋna hosh ʋm ʋla hokʋno, ik kaniohmi kia falaminchit kocha pit tobli la he keyu hoke.

Chan 6:39

Yohmi kʋt auet sa kanchi tok A̱ki ʋt ʋma tok moyuma ka achʋfa kia ik sa̱ kʋnio hosh, amba nitak ont ishtaiyopikma falaminchit tanichi la he ilʋppak o̱ im anukfila hoke.

Loman 6:23

Yohmi ka ai ashʋchika ya̱ isht ʋlhtoba hokʋto nan illi hak oke; amba pin Chitokaka Chisʋs Klaist ak atok pulla mak o̱ Chihowa i̱ na hʋlbina hokʋto ai okcha̱yʋt bilia yak oke.

1 Kolinhlian 15:25

Yʋmmak okʋt mi̱kot ahanta pullʋt, in tʋnʋp ʋhleha moma ka ilap iyi nuta ashachi ha ya hi oke.

Efeshan 1:20

Yʋmmak ash o̱ yʋmihchi hosh, Klaist illi tuk a̱ falaminchit tanichit, ʋba a holitopa ilap ak inli ibbak isht impakimma yo̱ binilichit,

Filippian 2:10

Yʋmohmi ka Chisʋs hohchifo ha̱ ʋba yakni aiasha, micha yakni paknaka aiasha, micha yakni nutaka aiasha puta kʋt i̱ hʋchukbihlepa he;

1 Timohli 1:16

Yohmi ka nan ashʋchi moma i̱ shahli ʋno yak atuk osh nan isht i̱ nukhaklo ya̱ ahayuchi li tok, ilʋppak o̱ himak a pilla ai asha kʋt yʋmma i̱ yimmi cha, ai okcha̱yʋt bilia isha chi̱ ka, Chisʋs Klaist ʋt ʋno ak o̱ nan isht ahobʋcha he ak osh ilap nan isht i̱ sʋlahʋt i̱ nukha̱klo ya̱ otʋnihincha chi̱ ha tok.

Heblu 1:2

Pola̱ka ilʋppʋt ai ishtaiyopi mak o̱ ilap Ushi yo̱ isht a pim anumpohonli kʋt, yʋmmak osh nana moma ka iesha he im ai ʋlhpiesa mak o̱ atokoli tok; micha ʋba yakni, micha yakni ilʋppa a moyuma ka yʋmmak ash o̱ isht ai ikbi ak inli tok:

1 Pita 3:22

Yʋmmak okʋt ʋba yakni yoka ona tuk osh, Chihowa im isht im pakimma yak o̱ binili hoke; yʋmmak oka enchil, micha mi̱ko, micha nan ʋlhtoka puta kʋt i̱ nutʋt im antia he ya tok.

1 Chan 1:2

Ai okcha̱ya yʋmmʋt haiaka na e pihi̱sa tuk osh atokowa anolit, Ai okcha̱ya bilia yʋmmʋt I̱ki a̱ takla ahanta chatuk mak osh, ant pi̱ haiaka tok a̱ e hʋchim anoli hoke.

1 Chan 2:25

Micha nana miha kʋt ai okcha̱ya bilia ilʋppak o̱ pim issa tok oke.

1 Chan 5:20

Micha Chihowa Ushi ʋt ʋla cha, yʋmmak osh nan ai a̱hli ka mak atuk ash il akostinincha chi̱ ka, nan isht akostininchi a̱ pi anukfoki tuk a̱ iloh ithanʋshke; yohmi ho̱ pishno ʋt yʋmmak osh nan ai a̱hli ka mak atuk Ushi Chisʋs Klaist a̱ il ai ibai achʋfa hoke. Ilʋppak osh Chihowa ai a̱hli, micha ai okcha̱yʋt bilia mak oke.

Chute 1:21

Chihowa ya̱ hʋsh i̱ hullo kʋt hʋsh il achunanchi hosh, Chitokaka Chisʋs Klaist okʋt hʋchi nukha̱klo na aiokcha̱yʋt bilia ya̱ hʋsh ona chi̱ kʋt hʋsh hoho̱yashke.