Chan 17:1 - Chahta Holisso Holitopa 1886

¹ Anumpa ilʋppa puta ka Chisʋs ʋt anumpohonli mʋt, ʋba pit ʋba chakali cha, A̱ki ma! hʋshi kanʋlli ʋlhpisa yʋt ai onʋshke. Chiso ha̱ ish holitoblichi na anonti chiso mʋt chi holitoblichi akinlashke.

Chan 17:1 Iomraidhean Croise

Atʋloa 123:1

Chishno ak o̱ sʋ nishkin a̱ pit chim ʋbahchʋkalechi lishke, ʋba binnili chiah ma.

Mark i̱ Holisso 14:41

Atuk o̱ ont isht atuchina ʋla mʋt, Himmak mak o̱, ma̱yʋt nusit hʋsh fohashke: ont ai ʋhli hoke, hʋshi kanʋlli ʋlhpisa hʋt ai onʋshke: yakeh! Hatak Ushi a ishit nan‐ashʋchi ʋhleha ibbak a̱ fohka chi̱ mak oke.

ʋBanumpa Luk Ʋt Holissochi Tok 18:13

Yohmi ma pʋblikan ash ot auet mishema yak inli ho̱ hikiʋt, i̱ holhponayo ak kia ʋba chakalinchi keyu hosh, peh ikkishi ak o̱ isso mʋt, Nan ashʋchi sia hoka, Chihowa hʋt is sa̱ nukha̱klashke, im achi tok.

ʋBanumpa Luk Ʋt Holissochi Tok 22:53

Nitak moma hʋchi takla tempel a̱ anu̱kaka ya̱ ahanta li kʋno; ibbak nana kia hʋch ik si o̱ welo ke tuk; yohmi kia himak okʋto hʋchishno, micha aiokhlilika nana im aia̱hli aiena ka hʋchi̱ nitak mak okʋt, im achi tok.

Chan 11:4

Mihma ilʋppa Chisʋs ʋt haklo mʋt, Nan abeka ilʋppʋt isht ai illa hi o̱ keyu hoke; amba Chihowa ʋt isht a holitopa na Chihowa Ushi ʋt yʋmmak o̱ isht a holitopa chi̱ mak oke, achi tok.

Chan 11:41

Mihma illi ai itola tuk ash tʋli ya̱ okla ai ishit kanʋllichi tok. Mihma Chisʋs ʋt nishkin a̱ pit ʋba chakalichi mʋt, A̱ki ma! is sa haiyaklo hatuk a̱ yak oke, chim aiahni lishke.

Chan 12:23

Mihma Chisʋs ʋt afalaminchi mʋt, Hatak Ushi ʋt a holitopa he tuk a̱ hʋshi kanʋlli ʋlhpisa kʋt ai onʋshke.

Chan 13:1

Nan ʋbanʋblit ont ia ai‐impa holitopa kʋt ik ai ono ki̱sha ho̱, Chisʋs ʋt ilapʋt yakni ilʋppa ai issʋt, I̱ki a̱ im ia chi̱ hʋshi kanʋlli ʋlhpisa kʋt ai ona ka ithaiyana mʋt, immi hʋt yakni paknaka a̱sha ka i̱ hullo hatuk ʋt, yʋmma i̱ hullo kʋt imomʋt ont illi tok.

Chan 16:32

Inta! hatak ʋt ilap in chuka aiyukali ka ai ita fimimpʋt ilap banochit hʋs sa̱ filʋmma chi̱ ka hʋshi kanʋlli ai ʋlhpisa kʋt mihinti tuk osh, anonti himak okʋno ai ona hoke; yohmi kia A̱ki ak osh si ahina hoka, ʋno ak illa he keyushke.

Chan 7:30

Mihma okla ishi bʋnna tok; yohmi kia hʋshi kanʋlli isht ai im ʋlhpisa kʋt ik ai ono ki̱sha hatuk oka, hatak nana kia ibbak a̱ ik onocho ki tok.

Chan 7:39

Yohmi kia ilapa̱ i̱ yimmi ʋhleha hʋt Shilombish a̱ habena he yʋmmak o̱ isht anumpuli hosh ilʋppa miha tok: Chisʋs ʋt ont ik a holitopo ki̱sha hatuk o̱, Shilombish Holitopa yʋt ik a̱yo ki̱sha ha tok.

Chan 8:20

Anumpa ilʋppa Chisʋs ʋt tempel anu̱kaka ya̱ nana ai ithʋnanchi hosh ahantʋt, tʋli holisso abohli yo̱ hiki̱a hosh anumpuli tok: hʋshi kanʋlli isht ai im ʋlhpisa kʋt ik ai ono ki̱sha hatuk o̱, hatak nana kia ibbak a̱ ik onocho ki tok.

Apostel isht Anumpa 3:13

Eblaham micha Aisak, mikmʋt Chekob in Chihowa, micha hʋp i̱ki ʋhleha in Chihowa yʋt Ushi Chisʋs a̱ holitobli tok; yʋmmak oka Pailat ʋt ant ik iá, im ahni ʋlhpiesa tuk a̱ hʋchishno ʋt itikba hielit kanchit ibbak hʋsh fohki tok oke.

1 Pita 1:21

Hʋchishno yʋt yʋmmak atuk pulla kak o̱ Chihowa ha̱ hʋch i̱ yimmi pulla kʋt, yʋmmak osh illi tuk a̱ falaminchit tanichi cha, isht a holitopa ka ima tok oka; ai okcha̱ya ya̱ Chihowa yak o̱ im ai ishi la he ai ahnit, hʋch i̱ yimmashke.