Chan 16:8 - Chahta Holisso Holitopa 1886

⁸ Yohmikma yʋmmak osh ʋlakmʋt, ai ashʋchika, micha nan ai ʋlhpiesa, mikmʋt nan‐ʋlhpisa aiena ka okla puta ka, anukfohkicha hi oke.

Chan 16:8 Iomraidhean Croise

Lefitikʋs 13:12

Micha leplosi yʋt kohchʋt nipi ya̱ onʋtoyulʋt maha̱yakma, micha ililli onʋtola tuk ash nipi moma ka̱ ompoholmot noshkobo ʋttʋt ia hosh iyi ya̱ ont ʋhlichikma, naholitompa isht ʋtta yʋt kanima yo̱ a pesakmʋt,

Chan 16:7

Yohmi kia a̱hli mak o̱ hʋch im anoli lishke. Ʋno ʋt ia li hok mak o̱ nan isht a hʋchim ʋlhpiesa chi̱ hoke; ʋno ʋt ia li keyu hokmʋno, nanuktalali ʋt hʋchim a̱ya he keyu: amba ia li hokmʋto, yʋmma auet hʋchi̱ kanchi la he mak oke.

Chan 16:9

Ʋno a̱ okla a̱ yimmi hatuk keyu hoka, nan im ai ashʋchi hatuk a̱ im otʋnihincha he;

Chan 8:46

Hʋsh katima kak osh nan ai‐ashʋchi li tuk a̱ hʋs sʋm atokola hinla cho? A̱hli mak o̱ miha li hok mak heno, nanta katiohmi ho̱ hʋch ik sa̱ yimmo cho?

Chan 8:9

Mihma okla haklo tuk ash ot, ilap chu̱kʋsh akinli ka nan isht ai il akostininchi mʋt, holitopa i̱ shahli tuk ak osh ti̱kba achʋfa aiyukʋt kohchʋt ihi̱ya mʋt, ik a lauwo ke tuk ʋt momʋt ont taiyaha tok; mihma Chisʋs ak bano hosh hikia ma, ohoyo hash osh ai iklʋnna ash hiki̱a tok.

Apostel isht Anumpa 2:37

Yohmi ma ilʋppa okla haiyaklo mʋt, chu̱kʋsh ʋt nukha̱klo fena mʋt, Pita, micha ʋbanumpeshi inla aiena kash o̱, Hatak il itibapishi ʋhleha ma! nantak o̱ e katiohma chi̱ cho? im ahanchi tok oke.

1 Kolinhlian 14:24

Amba moma kak osh Shilombish anukfoyukʋt anumpuli hokma, anonti na yimmi keyu, keyukmʋt nan ik ithano yosh ʋla hoh kia yimmit, momʋt anumpuli ka a̱hli ahnit anukfohka, yʋmmak ash ot moma kak o̱ nan isht ai im ʋlhpisa hoke.

Chute 1:15

Moyuma ka nan im apesʋt, Chihowa im antia he keyu yʋt Chihowa ik holitoblo hosh nan ai ʋlhpesa keyu puta yʋmohmit ai asha chatuk, micha nan ashʋchi Chihowa ik im antio ʋhleha hʋt ilap i̱ sanalit anumpa kʋllo anumpohonli chatuk aiena moyuma ka na palʋmmi ka onocha hi oke.