Chan 16:7 - Chahta Holisso Holitopa 1886

⁷ Yohmi kia a̱hli mak o̱ hʋch im anoli lishke. Ʋno ʋt ia li hok mak o̱ nan isht a hʋchim ʋlhpiesa chi̱ hoke; ʋno ʋt ia li keyu hokmʋno, nanuktalali ʋt hʋchim a̱ya he keyu: amba ia li hokmʋto, yʋmma auet hʋchi̱ kanchi la he mak oke.

Chan 16:7 Iomraidhean Croise

Atʋloa 68:18

Ʋba achahaka ish ona tok; yuka ya̱ lawachit ish yukachi tok; hʋttak puttah, micha chi̱ filʋmmit chim asʋnali ʋhleha hak oh kia, na̱ hʋlbina putta ka̱ isht ish im ai ʋla tuk oke; micha yʋmohmi hosh Chihowa Chitokaka mak osh ilʋppa̱ ish a̱ha̱tta chi̱ hatuk oke.

ʋBanumpa Luk Ʋt Holissochi Tok 24:49

Yohmi ka yakeh! A̱ki ʋt nana ka hʋch ima hi ʋt miha tok mak o̱, hʋchishno a̱ hʋchi o̱ kaiyanchi lishke: yohmi kia Chelusalem tʋmaha hak o̱ hʋsh aiashʋt, nana aia̱hli ʋba minti kʋt ont hʋchi anukfoyuka kak mak ashke, im achi tok.

ʋBanumpa Luk Ʋt Holissochi Tok 4:25

Yohmi kia aia̱hli mak o̱ hʋchim anoli li: Elias ʋt ahanta nitak a̱ ʋba ʋt ai okshilitʋt kʋnia na afʋmmi tuchina hʋshi hannali; yohmi na hopoa chinta fehnʋt a hlopulli ka, Islael okla ha̱ ohoyo i̱ hatak illi ʋt lauʋt aiasha tok.

ʋBanumpa Luk Ʋt Holissochi Tok 9:27

Yohmi kia Chihowa apehlichika ya̱ pisa ha keyuk mʋt, illa chi̱ keyu kʋt ilʋppa kanimi mʋt hiohma̱ya hoke: a̱hli mak o̱ hʋchim anoli lishke, achi tok.

Chan 14:26

Yohmi kia nanuktalali, yʋmmʋt Shilombish Holitopa mak o̱ a̱ hohchifo pulla hatuk mak o̱ A̱ki ʋt auet kancha chi̱ hoka, yʋmmak osh nan oklu̱ha ka hʋch ithʋnanchit, nana ho̱ hʋchim ahanchi li tuk ma, moma falaminchit hʋchi anukfohka hi oke.

Chan 14:28

Ia li tukmʋt, anonti falamʋt hʋchim a̱ya la hi oke, hʋchim achi li ka hʋsh ha̱klo kʋno. Hʋs sa̱ hullo hatuk okmʋt, A̱ki ak o̱ im ia li hoke, achi li tuk a̱ na hʋchi yukpa he tuk; A̱ki ʋt ʋmaiya hatuk oka.

Chan 14:3

Yohmi kʋt ont apoksiachit hʋchim atahli li hokmʋt, anonti falamʋt ʋla lish, ʋno ʋt kanima yo̱ ai ahanta likma, hʋchishno mʋt yʋmmak o̱ hʋsh ai aha̱shwa hi a̱, ant hʋch ishit ai ʋtta li ka ona la hi oke.

Chan 15:26

Yohmi kia nanuktalali, yʋmmak okʋt Shilombish a̱hli, A̱ki a̱ a kohchʋt a̱ya mak o̱, A̱ki a̱ im ai isht auet hʋchi̱ kanchi li̱ ʋla hokmʋt, yʋmmak osh ai atokowa ka si anohonla he mak oke.

Chan 16:8

Yohmikma yʋmmak osh ʋlakmʋt, ai ashʋchika, micha nan ai ʋlhpiesa, mikmʋt nan‐ʋlhpisa aiena ka okla puta ka, anukfohkicha hi oke.

Chan 7:39

Yohmi kia ilapa̱ i̱ yimmi ʋhleha hʋt Shilombish a̱ habena he yʋmmak o̱ isht anumpuli hosh ilʋppa miha tok: Chisʋs ʋt ont ik a holitopo ki̱sha hatuk o̱, Shilombish Holitopa yʋt ik a̱yo ki̱sha ha tok.

Apostel isht Anumpa 10:34

Mihma Pita yʋt itakha ya̱ wakʋmmi mʋt Chihowa yʋt hatak a̱ kanimanchi keyu ka, ai a̱hlit akostininchi lishke —

Apostel isht Anumpa 2:33

Yohmi ka Chihowa im ibbak isht impak imma a binilit holitopa, micha Shilombish Holitopa im ihi̱sa tuk ash, I̱ki ya̱ im ai ihi̱shi aiena hatuk makosh, ilʋppa auet fohohombli na, himonasi ka mihmak o̱ hʋsh pisa, micha hʋsh haha̱kloshke.

Loman 8:28

Yohmi ka nan oklu̱ha hokʋt Chihowa i̱ hullo ʋhleha, ilap nan ai ahni tok pulla mak o̱ ʋlhtoho̱ka tok ʋhleha hokʋto, isht im ai achukma he mak o̱ it ibai toksahanli ka il ithaiyanʋshke.

2 Kolinhlian 4:17

Yakosi itintakla ho̱ na pim a palʋmmi shohʋla kia, na holitopa weki bilia nan imaiya fehna ka pim atahli hoke: