Chan 16:4 - Chahta Holisso Holitopa 1886

⁴ Yohmi kia nitak yʋmmʋt ai ona hokma, yʋmmak oka hʋchim anoli li tok a̱ hʋsh ithana he mak o̱, ilʋppa puta ka hʋchim anoli li hoke. Yohmi kʋt ʋno ʋt hʋchi ta̱kla anta li hokʋt, nana ʋmmona hokʋno ilʋppa puta ka ak hʋchim acho ki tok oke.

Chan 16:4 Iomraidhean Croise

Mahlu 10:7

Micha ia hosh hʋsh itʋnowa kʋt, ʋba isht anumpohonlit, Ʋba apehlichika yʋt olanlosi ʋlʋshke, hʋsh ahanchashke.

Mahlu 24:25

Yakeh! tikbanli hʋchim anoli lishke.

Mahlu 9:15

Mihma Chisʋs ʋt, Hatak himona ohoyo itauwaya tuk ʋt takla anta moma ka i̱ kanomi ʋhleha hʋt nukha̱kla hinla cho? yohmi kia hatak himona ohoyo itauwaya tuk ash ant im ai isha he nitak ʋt ai ona he; yohmikmak o̱ okla hʋt nukha̱klot na hullocha hi oke.

Mark i̱ Holisso 13:23

Yohmi kia yakeh! nan oklu̱ha ka tikbanli hʋchim anoli li tuk oke, ahah! hʋsh aiahnashke.

Mark i̱ Holisso 2:19

Mihma Chisʋs ʋt, Hatak himona ohoyo itauwaya tuk ʋt takla anta moma ka, i̱ kanomi ʋhleha hʋt nukha̱klot na hullocha hinla cho? Hatak himona ohoyo itauwaya tuk ʋt im a̱sha ta̱kla hokʋt okla nahullocha he keyu hoke.

Chan 13:19

Yʋmmak ash ot ont ai yʋmohmi ha ma, ʋno ak atuk a̱ hʋchi yimma he mak o̱, ik ai ono ki̱sha ho̱ himak ano hʋchim anoli lishke.

Chan 14:29

Micha ont ai a̱hlikma, hʋsh i̱ yimma he mak o̱, himonasi ik ono ki̱sha ho̱ hʋchim anoli li tuk oke.

Apostel isht Anumpa 9:16

Micha ʋno sa hohchifo pulla ka, na palʋmmi hochito kaniohmi kia isht ilbʋsha chi̱ ka, im anoli la chi̱ hoka; im achi tok.

2 Hlessalonian 2:5

Hʋchi takla anta li moma mʋt, ilʋppa puta ka hʋchim anoli li tok a̱ hʋch ik ithaiyano ho̱?

2 Pita 1:14

Chekosikma ʋm ʋlhtipo ilʋppa mokofit boyuhli la chi̱ pulla ithaiyana li kʋt, pin Chitokaka Chisʋs Klaist ak kia ʋm otʋninchi akinli ha tok ak oke.