Chan 16:3 - Chahta Holisso Holitopa 1886

³ Yohmi kʋt A̱ki, mikmʋt ʋno il ita‐tuklo ka ik pithano hatuk mak osh, ilʋppa puta ka hʋchi̱ yʋmihcha hi oke.

Chan 16:3 Iomraidhean Croise

ʋBanumpa Luk Ʋt Holissochi Tok 10:22

Nan oklu̱ha ka A̱ki ʋt sʋbbak a̱ a fohkishke; yohmi ka kʋna hosh Ushi yoka hatak nana kia ik ithano ho̱, amba I̱ki ʋt ak illa hoke: mikmʋt kʋna hosh I̱ki yoka kʋna kia ik ithano ho̱, amba Ushi ʋt ak illa; micha Ushi ʋt kʋna ho̱ im otʋninchi mak bano hoke, achi tok.

Chan 15:21

Yohmi kia auet sa kanchi tok a̱ pit ithana keyu hokʋt, ʋno pulla hatuk mak o̱ ilʋppa puta ka hʋchi̱ yʋmihcha hi oke.

Chan 15:23

Kʋna hosh ʋno a̱ a̱ nukkilli hokʋt, A̱ki ma i̱ nukkilli akinli hoke.

Chan 17:25

A̱ki a̱hli achukma ma! yakni ʋt ik chithanoshke; yohmi kia ʋno ʋto chithana li; mihma chishno ak osh auet is sa kanchi tok a̱ ilʋppak okʋto akostininchi hatuk oke.

Chan 17:3

Yohmi ka Chishno ak illa kak osh Chihowa a̱hli chia ka, micha Chisʋs Klaist auet ish kanchi tok ma okla ithaiyana he ak o̱ ilʋppak osh ai‐okcha̱yʋt bilia yoke.

Chan 8:19

Yohmi ma Katima ko̱ Chi̱ki ʋto a̱sha hosh? okla im achi tok. Chisʋs ʋt afalaminchi mʋt, Ʋno, mikmʋt A̱ki ita tuklo li ka hʋch ik pithanoshke; ʋno a̱ hʋs sʋthana hatuk okmʋt, A̱ki ma hʋsh ithana he tuk akinli hoke, im achi tok.

Chan 8:55

Yohmi kia hʋchishno ʋto yʋmma hʋch ik ithanoshke; amba ʋno ʋto yʋmma ithana lishke; yohmi kʋt yʋmma ak ithano hoke; achi li hokmʋt, holabi hʋchishno akinli ho̱ chohmi la chi̱ hoke; yohmi kia yʋmmak oka ithana li mʋt, nana ahanchi ka holitobli lishke.

Apostel isht Anumpa 3:17

Yohmi ka itibapishili ʋhleha ma! na hʋchik ithaiyano kak osh hʋsh yʋmohmi tok; micha hatak hʋchi pehlichi ʋhleha ak kia yohmi akinli tuk a̱, himak a̱ ithaiyana lishke.

1 Kolinhlian 2:8

Yakni ilʋppa i̱ mi̱ko ʋhleha achʋfa kia ilʋppak ash ik ithano ki tok: okla ithana hatuk okmʋt, a holitopa in Chitokaka ya̱ ititaiyukhʋna ai ʋba he atok keyu hoke.

2 Hlessalonian 1:8

Ʋba mintit luak libbi biekʋt haiakʋt, Chihowa ik ithano, micha Chitokaka Chisʋs Klaist im ʋbanumpa ik im antio aiena ka isha he ʋlhpesa mak o̱ im apesʋt onochikma;

1 Chan 2:23

Kʋna hosh Ushi a̱ i̱ yimmi keyukmʋt, yʋmmak osh I̱ki a̱ pit ahalaia keyu mak oke; amba Ushi a̱ i̱ yimmi hokʋto I̱ki a̱ ib ahalaia ak inli hoke.

1 Chan 3:1

Chihowa ushi ʋhleha hʋpi hohchifa hi a̱ Pi̱ki ʋt nan i̱ hullo kʋt a kaniohmit hʋp i̱ hullo tok a̱ ho pesá: yohmi hatuk o̱ yakni ʋt pishno a̱ ik hʋp ithano; yʋmma ik ithano tok okʋt.

1 Chan 4:8

Kʋna hosh nan ik i̱ hullokmʋt, Chihowa ya̱ ik ithano mak oke. Chihowa ak okʋto nan i̱ hullo mak oka.

1 Chan 5:20

Micha Chihowa Ushi ʋt ʋla cha, yʋmmak osh nan ai a̱hli ka mak atuk ash il akostinincha chi̱ ka, nan isht akostininchi a̱ pi anukfoki tuk a̱ iloh ithanʋshke; yohmi ho̱ pishno ʋt yʋmmak osh nan ai a̱hli ka mak atuk Ushi Chisʋs Klaist a̱ il ai ibai achʋfa hoke. Ilʋppak osh Chihowa ai a̱hli, micha ai okcha̱yʋt bilia mak oke.