Chan 16:2 - Chahta Holisso Holitopa 1886

² Sinakak puta ka okla a hʋchi kohchicha he; a̱hli, kʋna hosh hʋchibi hokmʋt, Chihowa ha̱ holitoblichi mak o̱ im ahoba he nitak ʋt mihinti hoke.

Chan 16:2 Iomraidhean Croise

Mahlu 10:28

Mikmʋt haknip a̱ ʋbi kia, shilombish a̱ illicha he keyu yʋmmak okʋno hʋch ik i̱ nukshopo kashke: amba shilombish micha haknip it aieninchit aiokpuloka ai ilbʋshala hinla kak pulla ho̱ hʋsh i̱ nukshopashke.

Mahlu 24:9

Yohmikma hʋch issikkopa chi̱ ka hʋch ishit okla ibbak hʋchi fohki, mikmʋt hʋch illicha hi oke; micha sa hohchifo pulla hatuk mak o̱ oklushi moyumʋt hʋchi̱ nukkilla hi oke.

ʋBanumpa Luk Ʋt Holissochi Tok 6:22

Hatak Ushi pulla atuk mak o̱ hatak puta mʋt hʋchi̱ nukkillit, ilap ai itapeha ya̱ isht a hʋch il a filamohlichit, na hʋchi mihachit, hʋchi hohchifo ma nan okpulo yo̱ ai itilauechit kahancha hi oke: yohmikma na hʋchi yukpʋshke.

Chan 12:42

Yohmi kia nan apesa hochito̱ka ʋhleha hʋt i̱ yimmi kʋt laua akinli tok: yohmi kia sinakak a̱ a kohchicha hinla hatuk o̱, Falisi ʋhleha pulla kak o̱ yʋmmak ash i̱ yimmi hatuk ʋt okla ik otʋnincho ki tok.

Chan 16:25

Nana ilʋppa puta ka nan isht ʋlhpisa ho̱ isht hʋchim anumpuli lishke; yohmi kia himmakma nan isht ʋlhpisa ho̱ isht ak hʋchim anumpulo hosh, amba otʋninchi achukma hosh A̱ki a̱ isht a hʋchim anohonli la he nitak ʋt mihinti hoke.

Chan 16:32

Inta! hatak ʋt ilap in chuka aiyukali ka ai ita fimimpʋt ilap banochit hʋs sa̱ filʋmma chi̱ ka hʋshi kanʋlli ai ʋlhpisa kʋt mihinti tuk osh, anonti himak okʋno ai ona hoke; yohmi kia A̱ki ak osh si ahina hoka, ʋno ak illa he keyushke.

Chan 4:21

Mihma Chisʋs ash ot, Ohoyo chia mʋt is sa̱ yimmashke; nʋnih ilʋppa, micha Chelusalem aiena kak kia ma̱yʋt I̱ki a̱ pit hʋsh aiokpʋcha he keyu ka hi a̱ hʋshi kanʋlli ʋlhpisa hʋt mihinti hoke.

Chan 4:23

Yohmi kia Chihowa pit aiokpʋchi aia̱hli ʋhleha hʋt shilombish, mikmʋt aia̱hli aiena mak o̱ isht aiokpahancha hi a̱, hʋshi kanʋlli at ʋlhpisa hʋt mihinti ho̱, anonti himonasi a̱ ʋla hoke: yʋmma chohmi hosh ilapa̱ aiokpʋcha he ak o̱ I̱ki ʋt hoyo hoka.

Chan 9:22

Hatak nana hosh, yʋmmʋt Klaist oke, achi hokmʋt, sinakak a̱ a kohcha hi o̱, Chu okla hʋt ai it ibachʋfʋt taha ma̱shko hatuk o̱, i̱ki, ishki itatuklo kʋt Chu okla hak o̱ i̱ nukshopa hatuk osh, anumpa ilʋppa achit okla tok.

Chan 9:34

Mihma okla afalaminchi mʋt, Nana ai ashʋchika bieka mak osh ish ʋtta tok ak na̱ka nan ish pim abʋchi hotuma? im achi mʋt, a kohchichi tok.

Apostel isht Anumpa 5:33

Yʋmma haklo mʋt, okla anukhobela fehna mʋt, ʋba chi̱ kʋt, isht anumpulit ma̱ya tok.

Apostel isht Anumpa 7:56

Micha, Ʋba yʋt tiwa, micha Hatak Ushi ʋt Chihowa ibbak isht impak imma ya̱ auet hikia aiena ho̱, pisa lishke; achi tok.

1 Kolinhlian 4:13

Ik ahobalot na pi achi kia, i̱ kana hosh il im anumpohonlishke; yakni pakna im a liteha ak inli ho̱ a pi chiyuhmi, mikma nana moma isht liteha chukʋlhpʋsh ak o̱ e chiyuhmi na ant himakʋshke.

Filippian 3:6

Amosholi hosh chʋch a̱ i̱ palʋmmichit, ʋba nan ʋlhpisa isht ai ʋlhpiesa yʋmmak okmʋno anumpa nana kia si onʋtula he keyu ki tok.

Nan Otʋni 6:9

Atuk o̱ holisso isht ashana ont isht tahlapi kash tiwi ma, Chihowa im anumpa pulla, micha nana atokowa anolit ieshi pullʋt isht illi tok ʋhleha shilombish ʋt alta nutaka ya̱ ai asha na pisa li tok.

Nan Apesa 6:30

Yʋmohmi ma tʋmaha holihta hatak ʋhleha hʋt Choash a̱, Chiso ha̱ ishit ish kohcha na illashke: Baal im alta ya̱ kinʋffi hokʋt, micha bili̱ka iti lokoli tuk a̱ chanlit kinʋffi hokʋt, im achi tok.