Chan 16:16 - Chahta Holisso Holitopa 1886

¹⁶ Chekosikma hʋs sa pisa chi̱ keyushke; atukmʋt anonti A̱ki ak o̱ im ia li hatuk oka, chekosikma hʋs sa pisa hi oke, im achi tok.

Chan 16:16 Iomraidhean Croise

Mark i̱ Holisso 16:19

Yohmi mʋt Chitokaka yʋt ant im anumpuli mʋt, ʋba iʋt ʋba yakni a̱ ont chukowa cha, Chihowa im ibbak ishtimpakimma ya̱ a binili tok oke.

Chan 12:35

Mihma Chisʋs ʋt, Himonasi ta̱kla kak o̱ tohwikeli hʋt hʋch in takanli hoke. Tohwikeli hʋt hʋchin takanli ta̱kla kak osh hʋsh nowashke, yʋmmak keyukma okhlili hʋt hʋchi onʋtula hinla hoke. Kʋna hosh okhlili ho̱ nowʋt a̱ya hokʋto, kanima yo̱ ia kʋt ithana keyu hoke.

Chan 13:3

Chisʋs ʋt, I̱ki ʋt nana moma ka ilap ak o̱ ibbak a̱ fohki tok, micha ilapʋt Chihowa hak o̱ a minti ha tok osh, anonti Chihowa hak o̱ im ia chi̱ kʋt ithaiyana mʋt,

Chan 13:33

Chipota ʋhleha ma! chekosi takla kak o̱ hʋchi takla a̱sha lishke; yohmi ka hʋs sa hoya chi̱ hoke; Chu okla ha̱, Kanima yo̱ ai ia li hoka, hʋsh ona he keyushke, im achi li tuk mak osh anonti hʋchishno ma himonasi a̱ hʋchim achi lishke.

Chan 16:10

Ʋno ʋt A̱ki a̱ im ia li; yohmi na himmakma hʋch ik sa peso hatuk oka, nan ai ʋlhpiesa hatuk a̱ im otʋnihincha he:

Chan 16:22

Yohmi ka hʋchishno ʋt himonasi kʋno hʋch ilbʋshʋshke; yohmi kia himmakma hʋchi pisa la chi̱ akinli; yohmikma hʋchi chu̱kʋsh ʋt yukpa he, mikma na hʋchi yukpa ka hatak nana hosh ishit hʋchi̱ kancha wa.

Chan 16:28

A̱ki ak o̱ a kohchʋt a̱ya hosh yakni a̱ ʋla li tok osh; anonti yakni ash issʋt, A̱ki a̱ im ia li hoke, im achi tok.

Chan 16:5

Yohmi tuk osh himonasi yokʋno auet sa kanchi tok mak o̱ falamʋt im ia la chi̱ hoke; yohmi na hʋsh kanima kia, Katima yo̱ ish ia chi̱ cho? achit hʋchik sa̱ ponakloshke.

Chan 17:13

Yohmi ka ʋno pulla hatuk mak o̱ a̱ nan‐isht ilaiyukpa ma ilap inlit okla il ai esha hi o̱, ilʋppa puyuta ka yakni paknaka isht ai anumpohonli li, yohmi tuk osh himak okʋno chim a̱ya li mak oke.

Chan 17:5

Yohmi ka, A̱ki ma! yakni ʋt iksho mak o̱ na holitopa ka isht chiba holitopa li ya tok mak o̱, himak a̱ chishno a̱ ai il a aieninchit is sa holitoblichashke.

Chan 7:33

Mihma Chisʋs ash ot, Chekosi itintakla kak o̱ hʋchi takla anta li moma chi̱; atuk mʋt anonti auet sa kanchi tok a̱ im ia la chi̱ hoke.

Apostel isht Anumpa 1:3

Yʋmmak okʋt ilbʋsha hayʋt okcha̱ya kʋt, nana a̱hli isht ikhaiyana he la̱wa ka, yʋmmak ash o̱ ai isht im ile haiakʋchi cha, nana kʋt Chihowa apehlichika ya̱, pit ai ahalaia puta ka isht anumpohonli ka, okla pi̱sa na nitak pokoli ushta tok.

Heblu 12:2

Chisʋs nan isht a pi yimmi ka pi nukfohkichi, micha atahli, yʋmmak osh nan isht ilaiyukpa yʋt itikba auet takali kak osh ʋlhpesa ahnit, ititaiyukhʋua ya̱ takalit, nan isht a hofahya nan isht ik im ahobo tok osh, Chihowa ai o̱ binili holitompa isht impakimma yak o̱ binili ka hʋsh pihi̱sashke.