Chan 16:10 - Chahta Holisso Holitopa 1886

¹⁰ Ʋno ʋt A̱ki a̱ im ia li; yohmi na himmakma hʋch ik sa peso hatuk oka, nan ai ʋlhpiesa hatuk a̱ im otʋnihincha he:

Chan 16:10 Iomraidhean Croise

Chan 16:28

A̱ki ak o̱ a kohchʋt a̱ya hosh yakni a̱ ʋla li tok osh; anonti yakni ash issʋt, A̱ki a̱ im ia li hoke, im achi tok.

Chan 16:5

Yohmi tuk osh himonasi yokʋno auet sa kanchi tok mak o̱ falamʋt im ia la chi̱ hoke; yohmi na hʋsh kanima kia, Katima yo̱ ish ia chi̱ cho? achit hʋchik sa̱ ponakloshke.

Chan 3:14

Yohmi ka Moses ʋt sinti a̱ kowi anu̱kaka ya̱ ʋba takalichi tok a̱, yʋmmak inli chiyuhmit Hatak Ushi ʋt ʋba takali pulla hi oke:

Chan 5:32

Na si atokowa anoli kʋt inla hosh a̱sha kʋt, yʋmmʋt nan atokowa isht si anoli ka nan ʋlhtokowa aia̱hli mak oka ithana lishke.

Chan 7:33

Mihma Chisʋs ash ot, Chekosi itintakla kak o̱ hʋchi takla anta li moma chi̱; atuk mʋt anonti auet sa kanchi tok a̱ im ia la chi̱ hoke.

Apostel isht Anumpa 17:31

Hatak a̱ ilapo inlit atokoli tok, yʋmmak o̱ yakni a̱ ai a̱hli banot nan isht im apesa he ʋt nitak a̱ apesa tok okʋt; illi tuk a̱ tanichi hosh moma ka im ai a̱hlichi tok; ahanchi tok.

Apostel isht Anumpa 2:32

Chisʋs ilʋppa Chihowa yʋt tanichi tuk o̱, yʋmma atokowa nan anoli pi bieka mak osh e hielishke.

Apostel isht Anumpa 3:14

Micha Holitopa, mikmʋt Aia̱hli aiena tuk ash hʋsh kanchi cha, hatak ʋbi yak osh a hʋchim ʋlhpiesa chi̱ kʋt, hʋsh asihi̱hla tok.

Apostel isht Anumpa 7:52

Hopaii ʋhliha ha̱ katima kak o̱ hʋchin tikba ʋhleha hʋt ik ilbʋshacho ki tok o̱? Micha Aia̱hli ʋt a̱ya hi a̱, tikbanli anoli ʋhleha, yʋmma okla ʋbi tok o̱ mihi o̱ himak a̱ hʋchishno ʋt na haksichi, micha nan ʋbi aiena hʋsh a toyuba tuk oke.

Loman 1:17

Yohmi ka yʋmmak o̱ na yimmi ak atuk pulla kak o̱ Chihowa i̱ nan isht okchalinchi yʋt na yimmi ʋhleha ha̱ im otaiyani hoke; holihi̱so kʋt, Ai‐ʋlhpiesa yokʋto na yimmi pulla kak osh isht okcha̱ya hi oke, achi hoka.

1 Kolinhlian 1:30

Yohmi kia hʋchishno ʋto yʋmmak atuk mak o̱ Klaist Chisʋs a̱ hʋsh ibai achʋfa ka yʋmmak o̱ Chihowa pulla kak o̱ isht pi a hopoyuksa, micha isht pi ai ʋlhpiesa, micha isht pi a kashofa, micha isht pi ai ʋlbi yoke:

2 Kolinhlian 5:21

Yʋmmak atuk mak o̱ Chihowa nan isht im ai ʋlhpiesa e toba chi̱ ka, yʋmmʋt nan ashʋchi ithaiyana tok keyu ka, yʋmmak ash o̱ Chihowa yʋt nan ashʋchi yo̱ pim ikbi tok.

Kaleshan 5:5

Yohmi ka Shilombish pulla hatuk mak o̱ na yimmi hosh isht ai ʋlhpiesa hi a̱ il esha he ahnit, e ho̱ho̱yoshke.

1 Timohli 3:16

Mikma moyuma kʋt ilʋppa ai a̱hli ai ahnishke; ʋbanumpa nan otʋninchi kʋt na chinto fehna; yohmi kʋt Chihowa hʋt haknip o̱ isht otʋnit, Shilombish Holitopa ka isht ai a̱hlit, enchil ʋhleha ha̱ im a haiakʋt, Chentail ʋhleha ha̱ isht im anuhumpa tok, mihma yakni paknaka ya̱ ai i̱ yihimmi tok o̱, ʋba a holitopa ka ik chukowá im ai ahni na pit chukowa tok.

1 Pita 3:18

Yohmi ka Klaist ak kia himonna ma nan ai ashʋchika pulla kak o̱ ai ʋlhpesa yʋt ik ai ʋlhpeso yak o̱ ʋlhtobʋt isht ilbʋsha tok; yohmi hosh pi pehliechit Chihowa ya̱ isht pim ona chi̱ ha tok: haknip okʋto illi ha tok kia, amba shilombish okʋto okcha̱ya tok: