Chan 16:1 - Chahta Holisso Holitopa 1886

¹ Ik hʋchi ibetʋblo ka he mak o̱, ilʋppa puta ka isht hʋchim anumpohonli li hoke.

Chan 16:1 Iomraidhean Croise

Mahlu 11:6

Yohmi ka kʋna hosh ʋno a̱ ik si ai ibetʋblokmʋt, na yukpa he mak oke.

Mahlu 13:21

Yohmi kia hakshish ʋt im a toba keyu hatuk osh, imoma na hopaki keyu chatuk; ʋba anumpa pulla hatuk mak o̱ isht issikkopali, micha isht hofahyali aienakma, chekosi mak inli ho̱ ibetʋbli chatuk.

Mahlu 13:57

Mihmʋt yʋmmak ash o̱ okla isht ai ibetʋbli tok. Yohmi kia Chisʋs ʋt, Hopaii ʋt ik holitopo keyu hosh ahanta kia, ilap i̱ yakni ak inli, micha ilap in chuka kak illa hoh chatuk oke, im achi tok.

Mahlu 24:10

Yʋmma fokakma ibetʋbli kʋt laua he, micha ilap bi̱ka atuk kia ishit okla ha̱ im issa, micha ilap bi̱ka iti̱ nukkilla hi oke.

Chan 15:11

Hʋchishno pulla atuk mak o̱ nan isht ʋm ilaiyukpa hatuk mʋt hʋchin takali bilia na, na hʋchi yukpa kʋt alotowa chi̱ mak o̱, ilʋppa puta ka isht hʋchim anumpohonli li hoke.

Chan 16:4

Yohmi kia nitak yʋmmʋt ai ona hokma, yʋmmak oka hʋchim anoli li tok a̱ hʋsh ithana he mak o̱, ilʋppa puta ka hʋchim anoli li hoke. Yohmi kʋt ʋno ʋt hʋchi ta̱kla anta li hokʋt, nana ʋmmona hokʋno ilʋppa puta ka ak hʋchim acho ki tok oke.

Loman 14:21

Nipi ʋpa, oka pa̱ki ishko, keyukmʋt nana kia ish itibapishi hʋt isht ai itulʋt isht ai ibetʋblit isht ik a hlampko ka chi̱ ho̱, ai yʋmohmi kʋt ik achukmo hoke.

Filippian 1:10

Yʋmohmi hosh nana kʋt it im inla ka imoma ka pisʋt, achukmaka ʋlhpesa ahnit, ai a̱hli, isht im ai ibetʋbla he iksho hosh Klaist i̱ nitak a̱ hʋsh onashke.

1 Pita 2:8

Micha ik im antio yo̱ ʋbanumpa isht ai ibetʋbli yʋmmak fehna kak osh isht ai ibetʋbla he tʋli, micha isht ai okpula he tʋli chito aiena ho̱, yʋmmak o̱ ai yʋmohma he im ʋlhpihi̱sa tok.