Chan 15:9 - Chahta Holisso Holitopa 1886

⁹ Ʋno a̱ A̱ki ʋt a̱ hullo tok mak o̱, ai itilauechi hosh hʋchi̱ hullo li hoke; a sa holitobli kʋt hʋsh biliashke.

Chan 15:9 Iomraidhean Croise

Chan 15:11

Hʋchishno pulla atuk mak o̱ nan isht ʋm ilaiyukpa hatuk mʋt hʋchin takali bilia na, na hʋchi yukpa kʋt alotowa chi̱ mak o̱, ilʋppa puta ka isht hʋchim anumpohonli li hoke.

Chan 15:13

Hatak ʋt i̱ kana ʋhleha ha̱ i̱ hullo kʋt im ilhfiopak a̱ aka bohyuli hoka, hatak nana kia yʋmma i̱ shahlichit it i̱ hulla hi ʋt ikshoshke.

Chan 17:26

Yohmi na ilʋppak o̱ chi hohchifo ha̱ isht im anohonli li tuk osh, anonti anohonli la chi̱ hoke: yohmikma na‐holitobli ai isht is sa̱ hullo hatuk ʋt ilʋppak ma anukfoyuka na, anonti ʋno mʋt ai ibacha̱fa lashke, achi tok.

Chan 3:35

I̱ki ʋt Ushi a̱ i̱ hullo kʋt nan oklu̱ha ka yʋmma ibbak o̱ fohkishke.

Efeshan 3:18

Ʋbanumpuli a̱hli puta iba ta̱klʋt a pʋtha, micha afalaia ka, micha hofobi, micha chaha aiena ka hʋsh akostinincha hinla hoke.

1 Chan 2:28

Yohmi ka inta! ʋlla chipunta ma! yʋmmak o̱ hʋsh ai iba foyukashke; yohmi tuk o̱ yʋmmak ash ot ant haiakakma, il anukcheto cha, mihintikma itikba ma a ik pi hofahyo kashke.

Chute 1:20

Amba a̱ holitopa hʋchishno yʋto, Shilombish Holitopa yʋt hʋchi anukfoyuka hosh anumpa ilbʋsha anumpohonlit, na hʋchi yimmi holitopa fehna kʋt hʋsh il ai a̱hlichashke;

Nan Otʋni 1:5

Micha Nan atokowa anoli ai a̱hli, mikmʋt illi tuk osh falamʋt tani kʋt illi ʋhleha hak o̱ Ʋttahpi hosh holitopa i̱ shahli; micha mi̱ko yakni pakna ai asha puta I̱ shahli Chisʋs Klaist mak o̱ a minti hosh hʋchi anukfoyukashke. Hʋp i̱ hullo cha, na hʋpim ai ashʋchika puta hatuk ma ilap im issish ak inli ho̱ isht achifʋt hʋp i̱ kashofi cha,