Chan 15:6 - Chahta Holisso Holitopa 1886

⁶ Kʋna kia ʋno a̱ sʋbai acha̱fa keyu hokma, naksish mak o̱ ai itilauechit kanchi na bʋshi chatuk; yohmikma hatak puta mʋt yʋmmak ash aiowʋt luak a̱ pila na lua chatuk oke.

Chan 15:6 Iomraidhean Croise

2 Samuel 23:7

Amba kʋna hosh potola hinlakmʋt, tʋli yo̱ im ʋlhtaha he ʋlhpesa, tʋbi falaia tʋli halupa ontʋla yo̱ iesha he ʋlhpesa hoke; mikma yʋmmak inli ho̱ luak okla ishit luʋt ʋmohma hi oke, achi tok.

Atʋloa 80:15

Micha nana ho̱ chibbak ishtimpakimma yʋt hokche tuk, micha ushi ish ili̱ hufantiche tuk aiena ka̱ ish ʋtonashke.

Mahlu 13:41

Hatak Ushi ʋt im enchil ʋhleha ha̱ atoho̱nokma, na yoshubi, micha nan ik ʋlhpeso yohmi ʋhleha aiena ka mominchit im apehlichika atuk ma ai ishit kocha wela he;

Mahlu 27:5

Mihma tʋli hʋta boshulli a̱ tempel anu̱kaka ya̱ pit fohobli cha, kocha ia mʋt, ont ile nuksiteli tok.

Mahlu 3:10

Yohmikma himak ak kia iskifa yʋt iti puta akishtʋla ya̱ itonla hoke; yohmi hatuk o̱ iti yʋt ʋni achukma ho̱ ʋnit waya keyu kʋt moyumʋt cha̱yʋt akakoha cha, luak pit itokaha chatuk oke.

Mahlu 7:19

Iti ʋt ʋni achukma ho̱ ʋni keyu hokʋto momʋt cha̱yʋt akakoha cha, luak itokaha chatuk oke.

Chan 15:2

Naksish ʋno ak o̱ a sai offo hosh ʋni keyu hokma, mominchit ishit kanchi hoke: mikmʋt naksish ʋt ʋni hokʋto isht i̱ shahlit ʋna chi̱ ka, achukmalit apoksiachi hoke.

Heblu 10:27

Amba isht a nukshobla he na palʋmmi ʋlhpisa, micha isht i̱ nukkilli luak aiena ka hoho̱yot ahanta he; yʋmmʋt ʋbanumpa ai ahli i̱ sanali ʋhleha hoka okpʋnit tʋmola he ak osh takanli hoke.

2 Pita 2:20

Yohmi ka pin Chitokaka, micha pi Okchalinchi Chisʋs Klaist oka ithaiyana kak osh yakni ilʋppak inli isht a liteha puta ka ai i̱ filʋmmi ha ya tuk osh, anonti yummak ash inli ho̱ isht ai apakfoʋt isht ai imaiya hokmʋt, yʋmmʋt ont im ai ishtaiyopi kʋt ik achukmo kʋt im ai ishtia ʋmmona tuk ash i̱ shahli hoke.

1 Chan 2:19

Yʋmmak ash ot a pi̱ filʋmmit kocha wiha tok; yohmi kia yʋmmʋt a hʋpibai achʋfa tok o̱ keyu hoke; yʋmmʋt pishno ak o̱ a hʋpibai achʋfa tok okmʋt, a hʋpibai afo̱ka na bilia he tuk pulla chishke: amba yʋmmʋt moma kak osh a hʋpibai achʋfa ho̱ keyu hatuk ʋt otʋna chi̱ kak osh a hʋpi̱ filʋmmit kocha wiha tok oke.

Nan Otʋni 20:15

Yohmi ka holisso ai okcha̱ya ya̱ a holisso tuk osh otʋni keyu hokʋto okhʋta luak mak o̱ pit a kʋnia tok.

Nan Otʋni 21:8

Amba na nukshopa, micha nan ik yimmo, i̱ yuwala he ʋlhpesa kia yʋmihchi, mikmʋt hatak bi̱ka ʋbi ʋhleha, haui ʋhleha, mikmʋt ikhi̱sh isht yushpakʋmmi ʋhleha, na holbʋt toba aiokpʋchi ʋhleha, holabi puta a moyuma hokʋto atukla illi mak osh okhʋta yʋmmak okʋt hituk lakna isht ita luhu̱wa ho̱ isht ai i̱ palʋmma chi̱ hosh im ʋlhpisa he mak oke, ʋm achi tok.