Chan 15:5 - Chahta Holisso Holitopa 1886

⁵ Ʋno ak osh pa̱kʋpi sia hokma, hʋchishno ʋto naksish hʋchia hoke. Kʋna hosh ʋno a̱ sʋbai acha̱fa na anonti ilap ma ibai acha̱fa li hokma, mihi yosh ʋni fehna chatuk oke: ʋno ak o̱ keyukma nana hʋsh kanihma he keyu hoke.

Chan 15:5 Iomraidhean Croise

Mahlu 13:21

Yohmi kia hakshish ʋt im a toba keyu hatuk osh, imoma na hopaki keyu chatuk; ʋba anumpa pulla hatuk mak o̱ isht issikkopali, micha isht hofahyali aienakma, chekosi mak inli ho̱ ibetʋbli chatuk.

Chan 12:24

A̱hlishke, a̱hli mak o̱ hʋchim achi lishke, Onush nihi ʋt yakni anu̱kaka yo̱ itola cha, illi ho̱ keyukmʋt, ilap ash biekʋt itonla hoke; amba illi hokmʋto, waya fehna chatuk oke.

Chan 15:16

Hʋchishno ak osh hʋs si atokoli tok o̱ keyu; amba itʋnowʋt ʋnit hʋsh waya he ak atuk oke; yohmikma hʋchi a waya kʋt aiasha na A̱ki a̱ nana ho̱ a̱ hohchifo pulla kak o̱ isht hʋsh im asilhhakma, hʋch ima he mak o̱, ʋno ak osh ai atokolit hʋchim apesa li hatuk oke.

Chan 5:19

Mihma Chisʋs ash osh afalaminchi mʋt, A̱hlishke, a̱hli mak o̱ hʋchim achi lishke; Ushi yʋt ilapo inli hokʋto nana kaniohma he keyu, amba nana ho̱ I̱ki ʋt yʋmihchi ho̱, pisa tuk mak oh chatuk oke; nana ho̱ yʋmmak osh a yohmik mak o̱, Ushi yak kia yʋmmak o̱ ai yohmi akinli hoke.

Chan 9:33

Hatak ilʋppʋt Chihowa yak o̱ a minti hatuk keyu hokmʋt, nana ho̱ yʋmihcha he keyushke, im achi tok.

Apostel isht Anumpa 4:12

Micha ai okcha̱ya mʋt inla kia iiksho: shutik nutaka ya̱ hohchifo inla ma hatak puta ka auet ai ima tok o̱, mihi yo̱ il ai okcha̱ya he ʋlhpesa kʋt iksho hoka; im ahanchi tok.

Loman 12:5

E chiyuhmi hosh e laua kia, Klaist il ibai achʋfa kʋto haknip achʋfa pia, micha achʋfa aiyuka kʋt pit il it ibai achʋfa hoke.

Loman 6:22

Amba himonasi hokʋno ai ashʋchika ya̱ ai i̱ mokofa hatuk osh, Chihowa yak o̱ in tishu hʋsh toba hosh, ai ashʋchika i̱ kashofʋt isht il ai yukpa hʋsh i̱shi hoke: yʋmmʋt ont im ai ishtaiyopi kʋt ai okcha̱yʋt bilia yak oke.

Loman 7:4

Yʋmohmi hoka itibapishi li ʋhleha ma! hʋchishno yak kia Chisʋs Klaist haknip atuk pulla mak o̱ nan ʋlhpisa ya̱ hʋsh im illi hoke: yohmi kʋt inla yo̱ hʋsh auwaya kʋt, illi tok ʋt falamʋt tani tok yʋmmak a hi atuk: yohmi hosh Chihowa yoka nan ʋnit hʋsh i̱ waya hi atok.

1 Kolinhlian 10:16

Isht ishko holitopa mihi yo̱ Chihowa isht il aiokpʋchi kʋt, yʋmmʋt Klaist im issish a̱ isht itibai ishi keyu ho̱? Pʋska e boshullichi ka, yʋmmʋt Klaist haknip a̱ isht itibai ishi keyu ho̱?

1 Kolinhlian 12:12

Haknip okʋto achʋfa, yohmi kia yʋmma ai immi hokʋto in laua; mikma haknip achʋfa yʋmma ai immi moma kʋt laiyawa kia, haknip achʋfa hoke; yohmi ka Klaist ak kia ilʋppak inli ho̱ chohmi hoke.

1 Kolinhlian 12:27

Yohmi ka Klaist haknip o̱ hʋchia, micha yʋmmak ash o̱ ai immi ka a kashampa ai yuka hʋchia hoke.

2 Kolinhlian 13:8

Anumpa a̱hli il i̱ sanali kʋt nana e kanihma he keyu, amba anumpa a̱hli ya̱ il apelʋchi yak oka.

2 Kolinhlian 9:10

Yohmi ka kʋna hosh na hokchi a̱ na nihi im atahli yak osh hʋchim ilimpa chi̱ pʋska ma ik atahanlí, micha hʋchi̱ na nihi hollokchi tuk ash ik ibakahanlí, mikmʋt na hʋsh a kaniohmi ai ʋlhpesa im ʋni ya̱ i̱ shahlichit ik ibafoho̱ki; achi hosh holisso hoke.

Kaleshan 5:22

Amba Shilombish o̱ isht ai ʋni hokʋto, I̱ hullo, nayukpa, it i̱ nanaiya, nuktaiyalʋt nokowa sʋlaha, anukfila yohbi, nana achukma yʋmohmi, na yimmi,

Efeshan 5:9

Shilombish isht ai ʋni hokʋto nana achukma bieka, micha nan aiʋlhpiesa yʋmohmi, micha anumpa a̱hli yak oke.

Filippian 1:11

Yʋmohmit Chisʋs Klaist ak atuk mak o̱ nan ai ʋlhpiesa isht ai ʋni isht a hʋchi alotowa na, Chihowa yʋt isht a holitopʋt isht anumpa he yak oke.

Filippian 4:13

Klaist pulla hosh sa hlampkohonchi kak o̱, nana moma ka yʋmihchi la hinla hoke.

Filippian 4:17

Na hʋlbina sa bʋnna kak o̱ keyu; amba nana achukma hʋsh yʋmohmi tuk isht ai ʋni kʋt hʋchin laua he kak o̱ ahni lishke.

Koloshan 1:10

Micha nan toksʋli achukma puta ka isht ai ʋni, micha Chihowa nan isht im ithana ya̱ isht i̱ shahlit isht ia hosh, Chitokaka ya̱ ai im ʋlhpiesʋt nana moma ka isht yukpali cha;

Koloshan 1:6

Mihi yosh hʋchim ʋla tuk ak inli chohmit, yakni moma ka im a̱ya cha, nan ʋnit waya kʋt, nana ka hʋsh haiyaklot, Chihowa nan isht i̱ kana a̱hli hʋsh ithaiyana nitak atuk taiyakla kʋt, nan ʋnit hʋsh waya kak inli ho̱ chohmi hoke.

Chemis 1:17

Na hʋlbina achukma, micha na hʋlbina ai a̱hli puta hokʋto ʋba ak o̱ a minti; yohmi kʋt yʋmmak okʋt inlʋt takohli, micha ilaiyuka kia ik im iksho, nan tohwikeli puta I̱ki ak o̱ a minti hosh aka ʋla hoke.

1 Pita 2:4

Yʋmmak okʋt tʋli okcha̱ya chiyuhmi ho̱ hʋsh im oho̱na ka, hatak okʋto ik ahnincho fehna tok kia, Chihowa hokʋto holitobli fehnʋt atokoli tok;

2 Pita 3:18

Amba isht i̱ kana hʋchi anukfo̱kʋt hʋsh yʋmohmi kʋt i̱ shahlichit ma̱ha̱yʋt, pin Chitokaka pi Okchalinchi Chisʋs Klaist a̱ hʋsh ithaiyana kʋt i̱ shahlichit hʋsh ma̱ha̱yashke. Yʋmmak oka isht a holitopa yokʋt, himonasi, micha himak a pilla ka immit biliashke. Amen.